Domino's 'ਚ Pizza Dough 'ਤੇ ਲਟਕਦਾ ਮਿਲਿਆ Mop ਤੇ Toilet Brush, ਤਸਵੀਰਾਂ ਵਾਇਰਲ
ਵਾਇਰਲ ਨਿਊਜ਼, 16 ਅਗਸਤ: ਅਸੀਂ ਅਕਸਰ ਸਾਫ਼ ਸੁਥਰੇ ਢਾਬੇ, ਰੈਸਟੂਰੈਂਟ ਜਾਂ ਦੁਕਾਨਾਂ ਦੀ ਭਾਲ ਕਰਦੇ ਹਾਂ ਜਿੱਥੇ ਸਾਨੂੰ ਸਵਾਦਿਸ਼ਟ ਤੇ ਸਿਹਤਮੰਦ ਭੋਜਨ ਮਿਲ ਸਕੇ ਤੇ ਉਨ੍ਹਾਂ ਥਾਵਾਂ 'ਤੇ ਖਾਣ ਪੀਣ ਤੋਂ ਪਰਹੇਜ਼ ਕਰਦੇ ਹਾਂ ਜਿੱਥੇ ਭੋਜਨ ਬਣਾਉਣ 'ਚ ਸਵੱਛਤਾਹੀਣ ਤਰੀਕਿਆਂ ਦਾ ਇਸਤੇਮਾਲ ਹੋਵੇ। ਇਹੀ ਕਾਰਨ ਹੈ ਕਿ ਬਿਹਤਰ ਸਿਹਤ ਲਈ ਅਜੋਕੇ ਸਮੇਂ 'ਚ ਮਹਿੰਗੀਆਂ ਗਲੋਬਲ ਫਰੈਂਚਾਇਜ਼ੀ ਦੀ ਚੋਣ ਕੀਤੀ ਜਾਂਦੀ ਹਾਂ।
ਪਰ ਉਦੋਂ ਕੀ ਕਰੀਏ ਜਦੋਂ ਮਹਿੰਗੇ ਅਤੇ ਮਸ਼ਹੂਰ ਫੂਡ ਫਰੈਂਚਾਇਜ਼ੀ ਤੁਹਾਡੇ ਸਥਾਨਕ ਢਾਬਿਆਂ ਨਾਲੋਂ ਵੀ ਜ਼ਿਆਦਾ ਸਵੱਛਤਾਹੀਣਤਾ ਦਾ ਉਦਹਾਰਣ ਬਣ ਜਾਵੇ। ਅਜਿਹੀ ਹੀ ਇੱਕ ਘਟਨਾ ਬੇਂਗਲੁਰੂ ਦੇ ਇੱਕ ਡੋਮਿਨੋਜ਼ ਆਊਟਲੇਟ ਤੋਂ ਸਾਹਮਣੇ ਆਈ ਹੈ, ਜਿਸ ਦੀਆਂ ਫੋਟੋਆਂ ਟਵਿੱਟਰ 'ਤੇ ਵਾਇਰਲ ਹੋ ਰਹੀਆਂ ਹਨ। ਟਵਿੱਟਰ ਯੂਜ਼ਰ ਤੁਸ਼ਾਰ ਨੇ ਸੋਸ਼ਲ ਮੀਡੀਆ 'ਤੇ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ ਜਿਨ੍ਹਾਂ 'ਚ ਦਾਅਵਾ ਕੀਤਾ ਗਿਆ ਇਹ ਬੈਂਗਲੁਰੂ ਦੇ ਇਕ ਡੋਮਿਨੋਜ਼ ਦੀਆਂ ਨੇ ਜਿੱਥੇ ਟਾਇਲਟ ਬੁਰਸ਼, ਪੋਚਾ ਅਤੇ ਕੱਪੜਿਆਂ ਨੂੰ ਇੱਕ ਟ੍ਰੇ ਦੇ ਸਿਖਰ 'ਤੇ ਲਟਕਾਇਆ ਗਿਆ ਸੀ ਤੇ ਹੇਠਾਂ ਹੀ ਪੀਜ਼ਾ ਦੇ ਪੇੜੇ ਰੱਖੇ ਹੋਏ ਸਨ।
ਹੁਣ ਵਾਇਰਲ ਹੋਈਆਂ ਫੋਟੋਆਂ ਵਿੱਚ ਪੋਚਾ ਅਤੇ ਟਾਇਲਟ ਬੁਰਸ਼ ਨੂੰ ਪੇੜਿਆਂ ਉੱਪਰ ਸਿੱਧੇ ਲਟਕਦੇ ਦੇਖ ਕੌਮਾਂਤਰੀ ਫੂਡ ਫ੍ਰੈਂਚਾਇਜ਼ੀ ਲੋਕਾਂ ਦੇ ਨਿਸ਼ਾਨੇ 'ਤੇ ਹੈ। ਡੋਮਿਨੋਜ਼ ਖਪਤਕਾਰਾਂ ਨੂੰ ਸਾਫ਼ ਅਤੇ ਤਾਜ਼ੇ ਪੀਜ਼ਾ ਅਤੇ ਹੋਰ ਖਾਣ-ਪੀਣ ਵਾਲੀਆਂ ਚੀਜ਼ਾਂ ਪ੍ਰਦਾਨ ਕਰਨ ਲਈ ਮੰਨੀਆਂ ਜਾਂਦੀਆਂ ਹਨ ਤੇ ਤਸਵੀਰਾਂ ਸਾਹਮਣੇ ਆਉਣ ਤੋਂ ਬਾਅਦ ਲੋਕ ਗੁੱਸੇ 'ਚ ਹਨ।Photos from a Domino's outlet in Bengaluru wherein cleaning mops were hanging above trays of pizza dough. A toilet brush, mops and clothes could be seen hanging on the wall and under them were placed the dough trays. Please prefer home made food ? pic.twitter.com/Wl8IYzjULk — Tushar ॐ♫₹ (@Tushar_KN) August 14, 2022
ਆਲੋਚਨਾ ਦੇ ਜਵਾਬ ਵਿੱਚ ਡੋਮਿਨੋਜ਼ ਨੇ ਆਪਣੇ ਗਾਹਕਾਂ ਨੂੰ ਭਰੋਸਾ ਦਿਵਾਇਆ ਕਿ ਉਹਨਾਂ ਦੀ ਫ਼ੂਡ ਚੇਨ "ਸਵੱਛਤਾ ਅਤੇ ਭੋਜਨ ਸੁਰੱਖਿਆ ਦੇ ਉੱਚਤਮ ਮਾਪਦੰਡਾਂ" ਨੂੰ ਬਰਕਰਾਰ ਰੱਖਦੀ ਹੈ। ਡੋਮਿਨੋਜ਼ ਨੇ ਆਪਣੇ ਬਿਆਨ ਵਿਚ ਕਿਹਾ ਕਿ "ਅਸੀਂ ਉੱਚ ਪੱਧਰੀ ਸਵੱਛਤਾ ਅਭਿਆਸਾਂ ਅਤੇ ਭੋਜਨ ਸੁਰੱਖਿਆ ਦੀ ਗਰੰਟੀ ਦੇਣ ਲਈ ਅੰਤਰਰਾਸ਼ਟਰੀ ਪ੍ਰੋਟੋਕੋਲ ਦੀ ਪਾਲਣਾ ਕਰਦੇ ਹਾਂ। ਅਸੀਂ ਇਹਨਾਂ ਕਾਰਜਸ਼ੀਲ ਦਿਸ਼ਾ-ਨਿਰਦੇਸ਼ਾਂ ਦੀ ਕਿਸੇ ਵੀ ਉਲੰਘਣਾ ਨੂੰ ਬਰਦਾਸ਼ਤ ਨਹੀਂ ਕਰਾਂਗੇ। ਸਾਡੇ ਧਿਆਨ ਵਿੱਚ ਆਈ ਘਟਨਾ ਦੀ ਪੂਰੀ ਤਰ੍ਹਾਂ ਜਾਂਚ ਕੀਤੀ ਜਾਵੇਗੀ ਅਤੇ ਨਤੀਜਿਆਂ ਦੇ ਆਧਾਰ 'ਤੇ ਢੁਕਵੇਂ ਉਪਾਅ ਲਾਗੂ ਕੀਤੇ ਜਾਣਗੇ। ਬਾਕੀ ਭਰੋਸਾ ਰੱਖੋ ਕਿ ਅਸੀਂ ਅਜੇ ਵੀ ਆਪਣੇ ਗਾਹਕਾਂ ਦੀ ਸੁਰੱਖਿਆ ਅਤੇ ਤੰਦਰੁਸਤੀ ਨੂੰ ਯਕੀਨੀ ਬਣਾਉਣ ਲਈ ਸਾਰੇ ਵਾਜਬ ਕਦਮ ਚੁੱਕਣ ਲਈ ਵਚਨਬੱਧ ਹਾਂ।"We adhere to stringent world-class protocols for ensuring the highest standards of hygiene and food safety. We have zero tolerance for violations of these operating standards. The incident brought to our notice will be thoroughly investigated and basis the findings, (1/2)
— dominos_india (@dominos_india) August 14, 2022
-PTC News
