ਭਾਰਤ 'ਚ ਕੋਰੋਨਾ ਦੇ ਮਾਮਲੇ ਘਟੇ, 24 ਘੰਟਿਆਂ 'ਚ 6594 ਨਵੇਂ ਮਾਮਲੇ
ਨਵੀਂ ਦਿੱਲੀ : ਭਾਰਤ ਵਿੱਚ ਕੋਰੋਨਾ ਦੇ ਮਾਮਲਿਆਂ ਵਿੱਚ ਕਮੀ ਆਈ ਹੈ। ਸਿਹਤ ਮੰਤਰਾਲੇ ਨੇ ਦੱਸਿਆ ਕਿ ਪਿਛਲੇ 24 ਘੰਟਿਆਂ ਵਿੱਚ ਕੋਰੋਨਾ ਲਾਗ ਦੇ 6,594 ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਕੱਲ੍ਹ ਸੋਮਵਾਰ ਦੇ ਮੁਕਾਬਲੇ ਕੋਰੋਨਾ ਮਾਮਲਿਆਂ ਵਿੱਚ ਵੱਡੀ ਗਿਣਤੀ ਵਿੱਚ ਗਿਰਾਵਟ ਦਰਜ ਕੀਤੀ ਗਈ ਹੈ। ਜ਼ਿਕਰਯੋਗ ਹੈ ਕਿ ਸੋਮਵਾਰ ਨੂੰ ਕੋਰੋਨਾ ਦੇ 8,084 ਮਾਮਲੇ ਸਾਹਮਣੇ ਆਏ ਸਨ। ਐਕਟਿਵ ਕੇਸ 50 ਹਜ਼ਾਰ ਨੂੰ ਪਾਰ ਕਰ ਗਏ ਹਨ।
ਮੰਤਰਾਲੇ ਨੇ ਕਿਹਾ ਕਿ ਦੇਸ਼ ਵਿੱਚ ਕੋਰੋਨਾ ਦੇ ਐਕਟਿਵ ਕੇਸ 50,548 ਹੋ ਗਏ ਹਨ। ਰੋਜ਼ਾਨਾ ਪਾਜ਼ੇਟਿਵ ਦਰ 2.05 ਫ਼ੀਸਦੀ ਹੋ ਗਈ ਹੈ। ਇੰਡੀਅਨ ਕੌਂਸਲ ਆਫ਼ ਮੈਡੀਕਲ ਰਿਸਰਚ (ICMR) ਨੇ ਕਿਹਾ ਕਿ ਕੱਲ੍ਹ ਭਾਰਤ ਵਿੱਚ ਕੋਰੋਨਾ ਵਾਇਰਸ ਲਈ 3,21,873 ਨਮੂਨੇ ਦੇ ਟੈਸਟ ਕੀਤੇ ਗਏ ਸਨ, ਕੱਲ੍ਹ ਤੱਕ ਕੁੱਲ 85,54,30,752 ਨਮੂਨੇ ਦੇ ਟੈਸਟ ਕੀਤੇ ਗਏ ਹਨ।
ਮਹਾਨਗਰ ਵਿੱਚ 12ਵੀਂ ਜੀਨੋਮ ਸੀਕੁਏਂਸਿੰਗ ਲੜੀ ਦੌਰਾਨ, 279 ਨਮੂਨਿਆਂ ਦੀ ਜਾਂਚ ਕੀਤੀ ਗਈ, ਜਿਨ੍ਹਾਂ ਵਿੱਚੋਂ 278 ਨਮੂਨੇ ਸਾਰਸ-ਕੋਵ-2 ਵਾਇਰਸ ਦੇ ਓਮੀਕ੍ਰੋਨ ਤੇ ਇਕ ਨਮੂਨਾ ਡੈਲਟਾ ਦੀ ਲਪੇਟ ਵਿੱਚ ਪਾਇਆ ਗਿਆ। ਬ੍ਰਿਹਨਮੁੰਬਈ ਮਿਉਂਸਪਲ ਕਾਰਪੋਰੇਸ਼ਨ (ਬੀਐਮਸੀ) ਨੇ ਸੋਮਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਨਗਰ ਨਿਗਮ ਨੇ ਕਿਹਾ ਕਿ ਬੀਐਮਸੀ ਦੁਆਰਾ ਚਲਾਏ ਜਾ ਰਹੇ ਕਸਤੂਰਬਾ ਹਸਪਤਾਲ ਦੀ ਜੀਨੋਮ ਸੀਕੁਏਂਸਿੰਗ ਲੈਬਾਰਟਰੀ ਵਿੱਚ ਕ੍ਰਮ ਦੀ 12ਵੀਂ ਲੜੀ ਵਿੱਚ 279 ਕੋਵਿਡ-19 ਨਮੂਨਿਆਂ ਦੀ ਜਾਂਚ ਕੀਤੀ ਗਈ ਸੀ, ਜਿਨ੍ਹਾਂ ਵਿੱਚੋਂ 202 ਨਮੂਨਿਆਂ ਦੀ ਜਾਂਚ ਕੀਤੀ ਗਈ ਸੀ।
ਮੁੰਬਈ ਤੇ ਬਾਕੀ ਸੈਂਪਲ ਸ਼ਹਿਰ ਤੋਂ ਬਾਹਰ ਦੇ ਸਨ। ਬੀਐਮਸੀ ਅਨੁਸਾਰ 202 ਮਰੀਜ਼ਾਂ ਵਿੱਚੋਂ, 24 (12 ਫ਼ੀਸਦੀ) 20 ਸਾਲ ਤੱਕ ਦੀ ਉਮਰ ਸਮੂਹ ਵਿੱਚ, 88 (44 ਫ਼ੀਸਦੀ) 21 ਤੋਂ 40 ਸਾਲ ਦੀ ਉਮਰ ਸਮੂਹ ਵਿੱਚ 52 ਮਰੀਜ਼ (26 ਫ਼ੀਸਦੀ) 41 ਤੋਂ 60 ਸਾਲ ਦੇ ਉਮਰ ਸਮੂਹ, 32 ਮਰੀਜ਼ (13 ਫ਼ੀਸਦੀ) 61 ਤੋਂ 80 ਸਾਲ ਦੀ ਉਮਰ ਦੇ ਸਨ ਤੇ ਸਿਰਫ ਪੰਜ ਮਰੀਜ਼ (ਦੋ ਫ਼ੀਸਦੀ) 80 ਸਾਲ ਤੋਂ ਵੱਧ ਸਨ। ਜ਼ਿਕਰਯੋਗ ਹੈ ਕਿ ਵੱਖ-ਵੱਖ ਸੂਬਿਆਂ ਵਿੱਚ ਕੋਰੋਨਾ ਸਬੰਧੀ ਹਦਾਇਤਾਂ ਜਾਰੀ ਕੀਤੀਆਂ ਗਈਆਂ ਹਨ। ਇਸ ਤੋਂ ਇਲਾਵਾ ਚੰਡੀਗੜ੍ਹ ਵਿਖੇ ਐਡਵਾਇਜ਼ਰੀ ਜਾਰੀ ਕੀਤੀਆਂ ਗਈਆਂ ਹਨ।
ਇਹ ਵੀ ਪੜ੍ਹੋ : ਜਲੰਧਰ 'ਚ ਥਾਣੇ ਨੇੜੇ ਸਥਿਤ ਪਾਰਕਿੰਗ 'ਚ ਖੜ੍ਹੀ ਕਾਰ ਸੜੀ
