ਜਾਣੋ "Anupamaa " ਨਾਟਕ ਦੀ ਅਦਾਕਾਰਾ ਦੇ ਇੱਕ Episode ਦੀ ਫੀਸ
ਮੁੰਬਈ: ਟੀਵੀ ਅਦਾਕਾਰਾ ਰੂਪਾਲੀ ਗਾਂਗੁਲੀ (Rupali Ganguly)ਦੇ ਸਿਤਾਰੇ ਬੁਲੰਦੀਆਂ 'ਤੇ ਹਨ। ਇੱਕ ਤਾਂ ਉਹ ਨੰਬਰ ਇੱਕ ਸ਼ੋਅ "Anupamaa"ਦੀ ਅਦਾਕਾਰਾ ਹੈ, ਤੇ ਦੂਜਾ ਇਸੇ ਸ਼ੋਅ ਦੀ ਬਦੋਲਤ ਹੁਣ ਉਹ ਟੀਵੀ ਦੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਅਦਾਕਾਰਾ ਬਣ ਚੁੱਕੀ ਹੈ।
ਰਾਜਨ ਸ਼ਾਹੀ ਦਾ ਪਰਿਵਾਰਕ ਡਰਾਮਾ ਅਨੁਪਮਾ ਜਦੋਂ ਦਾ ਪ੍ਰਸਾਰਿਤ ਹੋ ਰਿਹਾ ਹੈ ਦਰਸ਼ਕਾਂ ਲਈ ਸਭ ਤੋਂ ਟੋਪ (Top) ਦੇ ਟੀਵੀ ਸ਼ੋਅ ਵਿੱਚੋਂ ਇੱਕ ਰਿਹਾ ਹੈ। ਸਟਾਰ ਪਲੱਸ ਦਾ ਡਰਾਮਾ ਅਕਸਰ ਨਾ ਸਿਰਫ਼ ਪਲਾਟਲਾਈਨ(Plotline),ਬਲਕਿ ਕਲਾਕਾਰਾਂ ਲਈ ਵੀ ਸੁਰਖੀਆਂ ਵਿੱਚ ਰਹਿੰਦਾ ਹੈ। ਸ਼ੋਅ ਦੀ ਮੁੱਖ ਭੂਮਿਕਾ ਰੂਪਾਲੀ ਗਾਂਗੁਲੀ ਦੇ ਨਾਲ-ਨਾਲ ਬਾਕੀ ਕਲਾਕਾਰਾਂ ਦਾ ਸ਼ਾਨਦਾਰ ਪ੍ਰਦਰਸ਼ਨ ਸ਼ੋਅ ਨੂੰ ਅਸਲੀਅਤ ਦੇ ਬਹੁਤ ਨੇੜੇ ਲੈ ਜਾਂਦਾ ਹੈ। ਕਲਾਕਾਰਾਂ ਦੀ ਜੋੜੀ ਨੂੰ ਦਰਸ਼ਕਾਂ ਵਲੋਂ ਬਹੁਤ ਪਿਆਰ ਅਤੇ ਪ੍ਰਸ਼ੰਸਾ ਮਿਲੀ ਹੈ। "Anupamaa"ਸ਼ੋਅ ਦੀ ਟੀ.ਆਰ.ਪੀ (TRP)ਦਿਨੋ ਦਿਨ ਵਧਦੀ ਜਾ ਰਹੀ ਹੈ ਤੇ ਇਹ ਲੋਕਾਂ ਦਾ ਮਨਪਸੰਦ ਨਾਟਕ ਬਣ ਚੁੱਕਿਆ ਹੈ।
ਰੂਪਾਲੀ ਗਾਂਗੁਲੀ ਨੇ ਹਾਲ ਹੀ ਦੇ ਵਿਚ ਆਪਣੀ ਇਕ ਦਿਨ ਦੀ ਫੀਸ ਨਾਲ ਟੈਲੀਵਿਜ਼ਨ ਜਗਤ ਵਿੱਚ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਅਦਾਕਾਰਾ ਦਾ ਦਰਜਾ ਹਾਸਿਲ ਕੀਤਾ ਹੈ। ਰੁਪਾਲੀ ਪ੍ਰਤੀ ਐਪੀਸੋਡ ਕਰੀਬ 3 ਲੱਖ ਰੁਪਏ ਕਮਾਉਂਦੀ ਹੈ।
ਇਹ ਵੀ ਪੜ੍ਹੋ: ਬਿਕਰਮ ਸਿੰਘ ਮਜੀਠੀਆ ਨੇ ਨਵਜੋਤ ਸਿੰਘ ਸਿੱਧੂ ਨੂੰ ਲੈ ਕੇ ਦਿੱਤਾ ਵੱਡਾ ਬਿਆਨ
ਦੱਸਣਯੋਗ ਇਹ ਹੈ ਕਿ ਰੁਪਾਲੀ ਗਾਂਗੁਲੀ ਨੇ "Anupamaa" ਸ਼ੋਅ ਦੀ ਸ਼ੁਰੂਆਤ 1.5 ਲੱਖ ਰੁਪਏ ਪ੍ਰਤੀ ਦਿਨ ਦੀ ਫੀਸ ਨਾਲ ਸ਼ੁਰੂਆਤ ਕੀਤੀ ਸੀ ਕਿਉਂਕਿ ਉਹ ਇੱਕ ਮਸ਼ਹੂਰ ਅਤੇ ਸੀਨੀਅਰ ਅਦਾਕਾਰਾ ਸੀ। ਹੁਣ ਉਹ ਹਰ ਰੋਜ਼ 3 ਲੱਖ ਰੁਪਏ ਕਮਾ ਰਹੀ ਹੈ। ਰੂਪਾਲੀ (Rupali)ਦੇ ਇਸ ਰਿਕਾਰਡ (Record)ਨੇ ਟੀਵੀ ਜਗਤ ਨਾਲ ਜੁੜੇ ਹੋਰ ਪ੍ਰਸਿੱਧ ਸੈਲੇਬਸ (Celebs)ਨੂੰ ਪਿੱਛੇ ਛੱਡ ਦਿੱਤਾ ਹੈ। ਉਸ ਦੇ ਸਹਿ-ਅਦਾਕਾਰ ਸੁਧਾਂਸ਼ੂ ਪਾਂਡੇ ਅਤੇ ਗੌਰਵ ਖੰਨਾ ਪ੍ਰਤੀ ਐਪੀਸੋਡ 1.5 ਲੱਖ ਰੁਪਏ ਕਮਾਉਂਦੇ ਹਨ।
'Anupamaa' ਨਾਟਕ ਵਿੱਚ, Rupali ਇੱਕ ਘਰੇਲੂ ਔਰਤ ਦੀ ਭੂਮਿਕਾ ਨਿਭਾਉਂਦੀ ਹੈ, ਜਿਸ ਨੂੰ ਉਸਦੇ ਪਤੀ ਵਨਰਾਜ(Vanraj ) ਦੁਆਰਾ ਉਸਦੇ ਦਫਤਰ ਦੀ ਸਹਿਕਰਮੀ ਕਾਵਿਆ (Kavya) ਨਾਲ ਧੋਖਾ ਦਿੱਤਾ ਜਾਂਦਾ ਹੈ। ਇਸ ਸਭ ਦੇ ਵਿਚਕਾਰ, ਅਨੁਪਮਾ ਦਾ ਅਤੀਤ ਇੱਕ ਵਾਰ ਫਿਰ ਉਸਦੀ ਜ਼ਿੰਦਗੀ ਨੂੰ ਬਦਲ ਦਿੰਦਾ ਹੈ। ਸ਼ੋਅ 'ਚ ਰੂਪਾਲੀ ਗਾਂਗੁਲੀ ਤੋਂ ਇਲਾਵਾ ਸੁਧਾਂਸ਼ੂ ਪਾਂਡੇ(Sudhanshu Pandey), ਮਦਾਲਸਾ ਸ਼ਰਮਾ(Madalsa Sharma), ਗੌਰਵ ਖੰਨਾ (Gaurav Khanna) ਦੇ ਨਾਲ ਨਿਧੀ ਸ਼ਾਹ (Nidhi Shah), ਪਾਰਸ ਕਾਲਨਾਵਤ (Paras Kalnavat) ਅਤੇ ਅਨੇਰੀ ਵਜਾਨੀ (Aneri Vajani) ਅਹਿਮ ਭੂਮਿਕਾਵਾਂ ਨਿਭਾਅ ਰਹੇ ਹਨ।
ਇਹ ਵੀ ਪੜ੍ਹੋ: ਪੰਜਾਬੀ ਸਿੰਗਰ 'Karan Aujla' ਦੇ ਘਰ ਅੰਨ੍ਹੇਵਾਹ ਚੱਲੀਆਂ ਗੋਲੀਆਂ
-PTC News
