VIRAL VIDEO: ਫੋਨ 'ਤੇ ਗੱਲਾਂ ਕਰ ਰਹੀ ਮਹਿਲਾ ਸਿੱਧਾ ਜਾ ਕੇ ਮੈਨਹੋਲ 'ਚ ਡਿੱਗੀ

ਪਟਨਾ, 24 ਅਪ੍ਰੈਲ 2022: ਬਿਹਾਰ ਦੀ ਰਾਜਧਾਨੀ ਪਟਨਾ ਵਿੱਚ ਇੱਕ ਔਰਤ ਸੜਕ ਦੇ ਇੱਕ ਮੈਨਹੋਲ ਵਿੱਚ ਡਿੱਗ ਗਈ। ਇਸ ਹਾਦਸੇ ਦੀ ਸੀਸੀਟੀਵੀ ਫੁਟੇਜ ਵੀ ਸਾਹਮਣੇ ਆ ਗਈ ਹੈ। ਇਹ ਵੀ ਪੜ੍ਹੋ: ਪੰਜਾਬ ਸਰਕਾਰ ਦਾ ਵੱਡਾ ਐਕਸ਼ਨ, 720 ਨਿੱਜੀ ਸਕੂਲਾਂ ਖਿਲਾਫ ਮਿਲੀਆ ਸ਼ਿਕਾਇਤਾਂ, ਜਾਂਚ ਦੇ ਦਿੱਤੇ ਹੁਕਮ ਦਰਅਸਲ ਇਹ ਔਰਤ ਫ਼ੋਨ 'ਤੇ ਗੱਲ ਕਰਦੇ ਹੋਏ ਇੱਕ ਆਟੋ ਦੇ ਪਿੱਛੇ ਜਾ ਰਹੀ ਸੀ ਅਤੇ ਸੜਕ ਦੇ ਵਿਚਕਾਰ ਮੈਨਹੋਲ ਦਾ ਢੱਕਣ ਖੁੱਲ੍ਹਾ ਸੀ। ਜਿਵੇਂ ਹੀ ਆਟੋ ਨੂੰ ਉਥੋਂ ਹਟਾਇਆ ਗਿਆ ਤਾਂ ਔਰਤ ਉਸ ਮੈਨਹੋਲ 'ਚ ਡਿੱਗ ਗਈ। ਔਰਤ ਦੇ ਡਿੱਗਦੇ ਹੀ ਮੌਕੇ 'ਤੇ ਮੌਜੂਦ ਲੋਕ ਤੁਰੰਤ ਉਸ ਨੂੰ ਬਚਾਉਣ ਲਈ ਅੱਗੇ ਵਧੇ। ਔਰਤ ਨੂੰ ਕੁਝ ਹੀ ਸਕਿੰਟਾਂ ਵਿੱਚ ਬਾਹਰ ਕੱਢ ਲਿਆ ਗਿਆ। ਦੱਸ ਦੇਈਏ ਕਿ ਇਹ ਘਟਨਾ ਪਟਨਾ ਸ਼ਹਿਰ ਦੇ ਵਾਰਡ ਨੰਬਰ 56 ਦੀ ਹੈ। ਔਰਤ ਬਜ਼ਾਰ ਤੋਂ ਵਾਪਸ ਆ ਰਹੀ ਸੀ ਜਦੋਂ ਉਹ ਸੜਕ ਦੇ ਵਿਚਕਾਰ ਇੱਕ ਖੁੱਲ੍ਹੇ ਮੈਨਹੋਲ ਵਿੱਚ ਡਿੱਗ ਗਈ। ਇਹ ਘਟਨਾ ਉਸ ਸਮੇਂ ਵਾਪਰੀ ਜਦੋਂ ਇੱਕ ਔਰਤ ਇੱਕ ਹੱਥ ਵਿੱਚ ਸਮਾਨ ਲੈ ਕੇ ਸ਼ਹਿਰ ਵੱਲ ਜਾ ਰਹੀ ਸੀ ਅਤੇ ਦੂਜੇ ਹੱਥ ਵਿੱਚ ਫ਼ੋਨ ਉੱਤੇ ਗੱਲ ਕਰ ਰਹੀ ਸੀ। ਇਸ ਦੌਰਾਨ ਓਵਰਬ੍ਰਿਜ ਨੇੜੇ ਵਿਚਕਾਰਲੀ ਸੜਕ ’ਤੇ ਇੱਕ ਮੈਨਹੋਲ ਖੁੱਲ੍ਹਾ ਪਿਆ ਸੀ। ਔਰਤ ਮੈਨਹੋਲ ਦੇ ਅੱਗੇ ਆਲੇ-ਦੁਆਲੇ ਦੇਖਣ ਲੱਗੀ ਅਤੇ ਅਚਾਨਕ ਚੈਂਬਰ ਵਿੱਚ ਡਿੱਗ ਗਈ। ਮੌਕੇ 'ਤੇ ਮੌਜੂਦ ਲੋਕ ਮੈਨਹੋਲ 'ਚ ਡਿੱਗੀ ਔਰਤ ਨੂੰ ਬਚਾਉਣ ਲਈ ਦੌੜੇ। ਇਸ ਮਾਮਲੇ ਨੂੰ ਲੈ ਕੇ ਸਥਾਨਕ ਲੋਕਾਂ ਵਿੱਚ ਨਗਰ ਨਿਗਮ ਪ੍ਰਸ਼ਾਸਨ ਤੋਂ ਕਾਫੀ ਗੁੱਸਾ ਹੈ। ਦਰਅਸਲ ਪਟਨਾ 'ਚ ਕਿਤੇ ਮੈਨਹੋਲ ਖੁੱਲ੍ਹੇ ਪਏ ਹਨ ਤਾਂ ਕਿਤੇ ਸੜਕਾਂ ਟੁੱਟੀਆਂ ਹੋਈਆਂ ਹਨ। ਲੋਕਾਂ ਦਾ ਕਹਿਣਾ ਹੈ ਕਿ ਨਮਾਮੀ ਗੰਗੇ ਪ੍ਰੋਜੈਕਟ ਦਾ ਕੰਮ NMCH ਤੋਂ ਮਲੀਆ ਮਹਾਦੇਵ ਜੱਲਾ ਰੋਡ ਤੱਕ ਚੱਲ ਰਿਹਾ ਹੈ। ਇਸ ਤੋਂ ਇਲਾਵਾ ਹੋਰ ਕੰਮਾਂ ਕਾਰਨ ਕਈ ਥਾਵਾਂ ’ਤੇ ਸੜਕਾਂ ਪੁੱਟੀਆਂ ਗਈਆਂ ਹਨ। ਇਹ ਵੀ ਪੜ੍ਹੋ: ਜੰਮੂ 'ਚ ਪ੍ਰਧਾਨ ਮੰਤਰੀ ਮੋਦੀ ਦੀ ਰੈਲੀ ਵਾਲੀ ਥਾਂ ਤੋਂ 12 ਕਿਲੋਮੀਟਰ ਦੂਰ ਧਮਾਕਾ  ਸ਼ਹਿਰ ਦੇ ਕੇਸਰੀ ਨਗਰ, ਨਾਲਾ ਰੋਡ, ਰਾਜੀਵਨਗਰ, ਆਸ਼ਿਆਣਾ, ਰਾਜਾ ਬਾਜ਼ਾਰ ਸਮੇਤ ਕਈ ਇਲਾਕਿਆਂ ਵਿੱਚ ਖੁੱਲ੍ਹੇ ਮੈਨਹੋਲਾਂ ਕਾਰਨ ਲੋਕਾਂ ਨੂੰ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। -PTC News