MS Dhoni: ਧੋਨੀ IPL ਤੋਂ ਕਦੋਂ ਸੰਨਿਆਸ ਲੈਣਗੇ? ਬੱਲੇਬਾਜ਼ੀ ਕੋਚ ਨੇ ਦਿੱਤਾ ਵੱਡਾ ਬਿਆਨ
ਮਹਿੰਦਰ ਸਿੰਘ ਧੋਨੀ ਜਿਸ ਨੇ ਚੇਨਈ ਸੁਪਰ ਕਿੰਗਜ਼ ਦੀ ਕਪਤਾਨੀ ਵਿੱਚ 5 ਵਾਰ ਆਈਪੀਐਲ ਟਰਾਫੀ ਜਿੱਤੀ ਸੀ
ਮਹਿੰਦਰ ਸਿੰਘ ਧੋਨੀ ਜਿਸ ਨੇ ਚੇਨਈ ਸੁਪਰ ਕਿੰਗਜ਼ ਦੀ ਕਪਤਾਨੀ ਵਿੱਚ 5 ਵਾਰ ਆਈਪੀਐਲ ਟਰਾਫੀ ਜਿੱਤੀ ਸੀ, ਜੁਲਾਈ ਵਿੱਚ 43 ਸਾਲ ਦੇ ਹੋ ਜਾਣਗੇ। ਧੋਨੀ ਇਸ IPL 'ਚ ਵੀ ਕਾਫੀ ਚੌਕੇ ਅਤੇ ਛੱਕੇ ਲਗਾ ਰਹੇ ਹਨ। ਪਰ ਸਭ ਤੋਂ ਵੱਡਾ ਸਵਾਲ ਇਹ ਹੈ ਕਿ ਕੀ ਇਹ ਮਾਹੀ ਦਾ ਆਖਰੀ ਆਈਪੀਐਲ ਸੀਜ਼ਨ ਹੈ? CSK ਟੀਮ ਦੇ ਬੱਲੇਬਾਜ਼ੀ ਕੋਚ ਮਾਈਕਲ ਹਸੀ ਨੇ ਇਸ ਸਬੰਧ 'ਚ ਵੱਡਾ ਬਿਆਨ ਦਿੱਤਾ ਹੈ। ਹਸੀ ਨੇ ਉਮੀਦ ਜਤਾਈ ਹੈ ਕਿ ਧੋਨੀ ਅਗਲੇ ਦੋ ਸਾਲ ਤੱਕ ਖੇਡ ਸਕਦਾ ਹੈ। ਸੀਐਸਕੇ ਦੇ ਬੱਲੇਬਾਜ਼ੀ ਕੋਚ ਨੇ ਕਿਹਾ ਕਿ ਮਾਹੀ ਇਸ ਸਮੇਂ ਚੰਗੀ ਬੱਲੇਬਾਜ਼ੀ ਕਰ ਰਿਹਾ ਹੈ।
IPL 2024 ਸ਼ੁਰੂ ਹੋਣ ਤੋਂ ਇੱਕ ਦਿਨ ਪਹਿਲਾਂ 42 ਸਾਲਾ ਧੋਨੀ ਨੇ ਰੁਤੁਰਾਜ ਗਾਇਕਵਾੜ ਨੂੰ ਕਪਤਾਨੀ ਸੌਂਪ ਕੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ ਸੀ। ਮਾਈਕਲ ਹਸੀ ਨੇ ਈਐਸਪੀਐਨ ਦੇ ‘ਅਰਾਊਂਡ ਦਿ ਵਿਕਟ’ ਸ਼ੋਅ ਵਿੱਚ ਕਿਹਾ, ‘ਸਾਨੂੰ ਉਮੀਦ ਹੈ ਕਿ ਉਹ ਖੇਡਦਾ ਰਹੇਗਾ। ਉਹ ਇੰਨੀ ਚੰਗੀ ਬੱਲੇਬਾਜ਼ੀ ਕਰ ਰਿਹਾ ਹੈ। ਉਹ ਕੈਂਪ ਵਿੱਚ ਜਲਦੀ ਆਉਂਦਾ ਹੈ ਅਤੇ ਬਹੁਤ ਅਭਿਆਸ ਕਰਦਾ ਹੈ ਅਤੇ ਪੂਰੇ ਸੀਜ਼ਨ ਵਿੱਚ ਫਾਰਮ ਵਿੱਚ ਰਿਹਾ ਹੈ।
ਧੋਨੀ ਨੇ IPL ਦੇ ਇਸ ਸੀਜ਼ਨ 'ਚ 136 ਦੌੜਾਂ ਬਣਾਈਆਂ ਹਨ। ਉਹ ਹੇਠਲੇ ਕ੍ਰਮ ਵਿੱਚ ਬੱਲੇਬਾਜ਼ੀ ਕਰਨ ਆ ਰਿਹਾ ਹੈ, ਜਿਸ ਕਾਰਨ ਉਸ ਨੂੰ ਖੇਡਣ ਲਈ ਬਹੁਤੀਆਂ ਗੇਂਦਾਂ ਨਹੀਂ ਮਿਲ ਰਹੀਆਂ ਹਨ। ਮਾਈਕਲ ਹਸੀ ਅਨੁਸਾਰ, 'ਅਸੀਂ ਉਸ ਦੇ ਕੰਮ ਦੇ ਬੋਝ ਨੂੰ ਚੰਗੀ ਤਰ੍ਹਾਂ ਸੰਭਾਲਣ ਵਿਚ ਕਾਮਯਾਬ ਰਹੇ ਹਾਂ। ਪਿਛਲੇ ਸੀਜ਼ਨ ਤੋਂ ਬਾਅਦ ਉਨ੍ਹਾਂ ਦੇ ਗੋਡੇ ਦਾ ਅਪਰੇਸ਼ਨ ਹੋਇਆ ਸੀ। ਉਹ ਇਸ ਸੀਜ਼ਨ 'ਚ ਸ਼ੁਰੂਆਤੀ ਦੌਰ ਤੋਂ ਹੀ ਟੂਰਨਾਮੈਂਟ ਦਾ ਸੰਚਾਲਨ ਕਰ ਰਿਹਾ ਹੈ। ਉਮੀਦ ਹੈ ਕਿ ਉਹ ਦੋ ਸਾਲ ਹੋਰ ਖੇਡੇਗਾ, ਖੈਰ, ਇਸ ਬਾਰੇ ਉਹ ਹੀ ਫੈਸਲਾ ਲੈਣਗੇ। ਮੈਨੂੰ ਨਹੀਂ ਲੱਗਦਾ ਕਿ ਇੰਨੀ ਜਲਦੀ ਕੋਈ ਫੈਸਲਾ ਆਵੇਗਾ।
ਧੋਨੀ ਦੇ ਕਪਤਾਨੀ ਤੋਂ ਹਟਣ ਦੇ ਫੈਸਲੇ ਦੇ ਬਾਰੇ 'ਚ ਮਾਈਕਲ ਹਸੀ ਨੇ ਕਿਹਾ, 'ਐੱਮਐੱਸ ਨੇ ਕਿਹਾ ਕਿ ਉਹ ਟੂਰਨਾਮੈਂਟ ਤੋਂ ਪਹਿਲਾਂ ਕਪਤਾਨਾਂ ਦੀ ਬੈਠਕ 'ਚ ਸ਼ਾਮਲ ਨਹੀਂ ਹੋਣਗੇ। ਇਸ ਤੋਂ ਬਾਅਦ ਅਸੀਂ ਸਾਰੇ ਹੈਰਾਨ ਰਹਿ ਗਏ ਕਿ ਇਹ ਕੀ ਹੋ ਰਿਹਾ ਹੈ। ਫਿਰ ਉਨ੍ਹਾਂ ਕਿਹਾ ਕਿ ਹੁਣ ਤੋਂ ਰਿਤੂਰਾਜ ਹੀ ਕਪਤਾਨ ਹੋਣਗੇ। ਸ਼ੁਰੂਆਤ 'ਚ ਝਟਕਾ ਲੱਗਾ ਪਰ ਅਸੀਂ ਜਾਣਦੇ ਸੀ ਕਿ ਰਿਤੂਰਾਜ ਸਹੀ ਚੋਣ ਸੀ।