Explainer: ਤੁਸੀਂ ਇਸ ਤਰੀਕੇ ਨਾਲ ਕਰ ਸਕਦੇ ਹੋ DeepFake ਵੀਡੀਓ ਦੀ ਪਛਾਣ, ਜਾਣੋ ਇਸ ਤਕਨਾਲੋਜੀ ਬਾਰੇ ਸਭ ਕੁਝ

Deepfake Ai Technology: ਡੀਪਫੇਕ ਵੀਡੀਓ 'ਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਬਿਆਨ ਤੋਂ ਬਾਅਦ ਇਸ ਦੀ ਗੰਭੀਰਤਾ ਅਤੇ ਖਤਰੇ ਨੂੰ ਲੈ ਕੇ ਚਰਚਾ ਛਿੜ ਗਈ ਹੈ। ਕੇਂਦਰੀ ਮੰਤਰੀ ਰਾਜੀਵ ਚੰਦਰਸ਼ੇਖਰ ਨੇ ਡੀਪਫੇਕ ਵੀਡੀਓ 'ਤੇ ਕਿਹਾ ਹੈ ਕਿ ਇਸ ਮੁੱਦੇ 'ਤੇ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਨਾਲ ਚਰਚਾ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਇਸ ਨੂੰ ਰੋਕਣ ਲਈ ਕਿਸੇ ਕਾਨੂੰਨ ਦੀ ਲੋੜ ਪਈ ਤਾਂ ਉਸ ਨੂੰ ਤਿਆਰ ਕੀਤਾ ਜਾਵੇਗਾ।

ਡੀਪਫੇਕ ਤਕਨਾਲੋਜੀ ਕੀ ਹੈ?

ਇਹ ਤਕਨਾਲੋਜੀ ਉਹ ਹੈ ਜੋ ਨਕਲੀ ਨਿਊਰਲ ਨੈੱਟਵਰਕ 'ਤੇ ਆਧਾਰਿਤ ਹੈ। ਇਸ 'ਚ ਕਈ ਫਰਜ਼ੀ ਸਮੱਗਰੀ ਨੂੰ ਅਸਲੀ ਸਮੱਗਰੀ ਦੇ ਰੂਪ 'ਚ ਦਿਖਾਇਆ ਗਿਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਡੀਪਫੇਕ ਦਾ ਨਾਮ ਪਹਿਲੀ ਵਾਰ 2017 ਵਿੱਚ ਸਾਹਮਣੇ ਆਇਆ ਸੀ। ਉਦੋਂ ਇੱਕ Reddit ਯੂਜ਼ਰ ਨੇ ਕਈ ਡੀਪਫੇਕ ਵੀਡੀਓ ਬਣਾਏ ਸਨ। ਤੁਹਾਨੂੰ ਇਹ ਵੀ ਦੱਸ ਦਈਏ ਕਿ ਡੀਫੇਕ ਵੀਡੀਓ ਨੂੰ ਦੋ ਨੈੱਟਵਰਕਸ ਦੀ ਮਦਦ ਨਾਲ ਤਿਆਰ ਕੀਤਾ ਜਾਂਦਾ ਹੈ, ਜਿਸ ਦੇ ਇੱਕ ਹਿੱਸੇ ਨੂੰ ਐਨਕੋਡਰ ਕਿਹਾ ਜਾਂਦਾ ਹੈ ਜਦਕਿ ਦੂਜੇ ਹਿੱਸੇ ਨੂੰ ਡੀਕੋਡਰ ਕਿਹਾ ਜਾਂਦਾ ਹੈ। 

ਐਨਕੋਡਰ ਅਸਲ ਸਮੱਗਰੀ ਨੂੰ ਧਿਆਨ ਨਾਲ ਪੜ੍ਹਦਾ ਹੈ ਅਤੇ ਫਿਰ ਜਾਅਲੀ ਵੀਡੀਓ ਬਣਾਉਣ ਲਈ ਇਸਨੂੰ ਡੀਕੋਡਰ ਨੈੱਟਵਰਕ 'ਤੇ ਟ੍ਰਾਂਸਫਰ ਕਰਦਾ ਹੈ। ਇਸ ਤੋਂ ਬਾਅਦ ਤੁਹਾਨੂੰ ਇੱਕ ਵੀਡੀਓ ਤਿਆਰ ਮਿਲਦੀ ਹੈ ਜਿਸ ਵਿੱਚ ਚਿਹਰਾ ਤਾਂ ਬਦਲਿਆ ਹੋਇਆ ਹੈ ਪਰ ਵੀਡੀਓ ਅਤੇ ਫੋਟੋ ਕਿਸੇ ਹੋਰ ਦੀ ਹੈ।

ਏਆਈ ਦੀ ਵਰਤੋਂ ਕਾਰਨ ਡੀਪਫੇਕ ਵੀਡੀਓ ਦੇ ਮਾਮਲੇ ਵਧੇ : 

ਦੱਸ ਦਈਏ ਕਿ ਡੀਪਫੇਕ ਕੋਈ ਨਵੀਂ ਤਕਨਾਲੋਜੀ ਨਹੀਂ ਹੈ। ਹਾਲਾਂਕਿ, ਇਹ ਵੱਧ ਰਹੀ ਇੰਟਰਨੈਟ ਦੀ ਵਰਤੋਂ ਅਤੇ ਏਆਈ ਟੂਲਸ ਤੱਕ ਪਹੁੰਚ ਦੇ ਨਾਲ, ਡੀਪਫੇਕ ਵੀਡੀਓਜ਼ ਦੇ ਮਾਮਲੇ ਹੁਣ ਤੇਜ਼ੀ ਨਾਲ ਵੱਧ ਰਹੇ ਹਨ। ਜਿਸ 'ਚ ਡੀਪਫੇਕ ਵੀਡੀਓ ਅਤੇ ਡੀਪਫੇਕ ਫੋਟੋ ਬਣਾਉਣ ਲਈ ਏਆਈ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਤੁਹਾਨੂੰ ਇਹ ਵੀ ਦੱਸ ਦਈਏ ਕਿ ਡੀਪਫੇਕ ਵੀਡੀਓ ਨੂੰ ਏਆਈ ਦੁਆਰਾ ਇਸ ਤਰ੍ਹਾਂ ਬਣਾਇਆ ਗਿਆ ਹੈ ਕਿ ਇੱਕ ਆਮ ਉਪਭੋਗਤਾ ਲਈ ਇਸਨੂੰ ਪਛਾਣਨਾ ਬਹੁਤ ਮੁਸ਼ਕਿਲ ਹੈ।

ਡੀਪਫੇਕ ਵੀਡੀਓ ਬਣਾਉਣ ਨਾਲ ਤੁਹਾਡੇ ’ਤੇ ਹੋ ਸਕਦੀ ਹੈ ਕਾਰਵਾਈ  

ਦੱਸ ਦਈਏ ਕਿ ਜੇਕਰ ਤੁਸੀਂ ਵੀ ਕਿਸੇ ਦੀ ਡੀਪਫੇਕ ਵੀਡੀਓ ਜਾਂ ਡੀਪਫੇਕ ਫੋਟੋ ਬਣਾਉਂਦੇ ਹੋ ਤਾਂ ਤੁਹਾਡੇ ਖਿਲਾਫ ਆਈਪੀਸੀ ਦੀ ਧਾਰਾ ਤਹਿਤ ਕਾਨੂੰਨੀ ਕਾਰਵਾਈ ਕੀਤੀ ਜਾ ਸਕਦੀ ਹੈ। ਅਤੇ ਇਸਦੇ ਨਾਲ ਤੁਹਾਨੂੰ ਜੁਰਮਾਨਾ ਵੀ ਲਗਾਈਆਂ ਜਾਂ ਸਕਦਾ ਹੈ। ਜੇਕਰ ਤੁਹਾਡੀ ਵੀਡੀਓ ਜਾਂ ਫੋਟੋ ਕਿਸੇ ਦੀ ਤਸਵੀਰ ਨੂੰ ਖਰਾਬ ਕਰਦੀ ਹੈ, ਤਾਂ ਤੁਹਾਡੇ ਖਿਲਾਫ ਮਾਣਹਾਨੀ ਦਾ ਕੇਸ ਵੀ ਦਾਇਰ ਕੀਤਾ ਜਾ ਸਕਦਾ ਹੈ।

ਇਸ ਤਰੀਕੇ ਨਾਲ ਡੀਪਫੇਕ ਵੀਡੀਓ ਦੀ ਕਰੋ ਪਛਾਣ : 

ਤੁਹਾਨੂੰ ਦੱਸ ਦੇਈਏ ਕਿ ਡੀਪਫੇਕ ਵੀਡੀਓਜ਼ 'ਚ ਇੰਨੇ ਪਰਫੈਕਟ ਹਨ ਕਿ ਉਨ੍ਹਾਂ ਨੂੰ ਪਛਾਣਨਾ ਬਹੁਤ ਮੁਸ਼ਕਲ ਹੈ, ਪਰ ਇਹ ਅਸੰਭਵ ਨਹੀਂ ਹੈ। ਤੁਹਾਨੂੰ ਉਹਨਾਂ ਨੂੰ ਬਹੁਤ ਧਿਆਨ ਨਾਲ ਦੇਖਣਾ ਹੋਵੇਗਾ। ਤੁਹਾਨੂੰ ਵੀਡੀਓ 'ਤੇ ਦਿਖਾਈ ਦੇਣ ਵਾਲੇ ਵਿਅਕਤੀ ਦੇ ਚਿਹਰੇ ਦੇ ਹਾਵ-ਭਾਵ, ਅੱਖਾਂ ਅਤੇ ਸਰੀਰ ਦੀ ਸ਼ੈਲੀ 'ਤੇ ਧਿਆਨ ਦੇਣਾ ਹੋਵੇਗਾ। ਆਮ ਤੌਰ 'ਤੇ ਅਜਿਹੀਆਂ ਵੀਡੀਓਜ਼ ਵਿੱਚ ਸਰੀਰ ਅਤੇ ਚਿਹਰੇ ਦਾ ਰੰਗ ਮੇਲ ਨਹੀਂ ਖਾਂਦਾ ਤਾਂ ਜੋ ਤੁਸੀਂ ਇਸ ਦੀ ਪਛਾਣ ਕਰ ਸਕੋ। ਇਸ ਦੇ ਨਾਲ, ਤੁਸੀਂ ਲਿਪ ਸਿੰਕਿੰਗ ਦੁਆਰਾ ਡੀਪਫੇਕ ਵੀਡੀਓਜ਼ ਨੂੰ ਆਸਾਨੀ ਨਾਲ ਪਛਾਣ ਸਕਦੇ ਹੋ।

ਜੇਕਰ ਤੁਸੀਂ ਡੀਪਫੇਕ ਵੀਡੀਓ ਅਤੇ ਫੋਟੋ ਨੂੰ ਖੁਦ ਨਹੀਂ ਪਛਾਣ ਸਕਦੇ ਹੋ ਤਾਂ ਤੁਸੀਂ ਏਆਈ ਟੂਲ ਦੀ ਮਦਦ ਲੈ ਕੇ ਵੀ ਆਸਾਨੀ ਨਾਲ ਏਆਈ ਦੁਆਰਾ ਤਿਆਰ ਕੀਤੇ ਵੀਡੀਓਜ਼ ਨੂੰ ਫੜ ਸਕਦੇ ਹੋ ਸਕੋ।

ਇਹ ਵੀ ਪੜ੍ਹੋ: ਸਕ੍ਰੀਨਸ਼ੌਟ ਦੇਖਣ ਤੋਂ ਬਾਅਦ ਆਪਣੇ ਬੁਆਏਫ੍ਰੈਂਡ ਨਾਲ ਨਾ ਲੜੋ! ਅੱਜ ਕੱਲ੍ਹ ਇਸ ਤਰ੍ਹਾਂ ਹੋ ਰਹੀ ਹੈ ਧੋਖਾਧੜੀ