ਰਣਬੀਰ-ਆਲੀਆ ਦੇ ਵਿਆਹ ਦੀ ਕੋਈ ਰਿਸੈਪਸ਼ਨ ਨਹੀਂ, ਨੀਤੂ ਕਪੂਰ ਨੇ ਕੀਤੀ ਪੁਸ਼ਟੀ
ਮੁੰਬਈ, 15 ਅਪ੍ਰੈਲ (ਏਐਨਆਈ): ਜਦੋਂ ਪ੍ਰਸ਼ੰਸਕ ਰਣਬੀਰ ਕਪੂਰ ਅਤੇ ਆਲੀਆ ਭੱਟ ਦੇ ਵਿਆਹ ਦੀ ਰਿਸੈਪਸ਼ਨ ਲਈ ਆਪਣੇ ਪਸੰਦੀਦਾ ਸਿਤਾਰਿਆਂ ਨੂੰ ਇੱਕੋ ਛੱਤ ਹੇਠਾਂ ਨਵ ਵਿਆਹੁਤਾ ਜੋੜੇ ਨੂੰ ਵਧਾਈਆਂ ਦਿੰਦੇ ਹੋਏ ਦੇਖਣ ਦੀ ਉਮੀਦ ਕਰ ਰਹੇ ਸਨ, ਲਾੜੇ ਦੀ ਮਾਂ ਅਤੇ ਦਿੱਗਜ ਅਦਾਕਾਰਾ ਨੀਤੂ ਕਪੂਰ ਨੇ ਪੁਸ਼ਟੀ ਕੀਤੀ ਕਿ ਉਨ੍ਹਾਂ ਦੇ ਪੁੱਤਰ ਦੇ ਵਿਆਹ ਦੀ ਕੋਈ ਰਿਸੈਪਸ਼ਨ ਨਹੀਂ ਹੋਵੇਗੀ।
ਇਹ ਵੀ ਪੜ੍ਹੋ: 1984 ਦੇ ਦੰਗਿਆਂ 'ਤੇ ਆਧਾਰਿਤ 'ਦਿ ਦਿੱਲੀ ਫਾਈਲਜ਼' ਬਣਾਉਣ ਲਈ 'ਦਿ ਕਸ਼ਮੀਰ ਫਾਈਲਜ਼' ਦੇ ਨਿਰਦੇਸ਼ਕ ਦਾ ਸਵਾਗਤ
ਰਣਬੀਰ ਅਤੇ ਆਲੀਆ ਬੀਤੇ ਵੀਰਵਾਰ ਰਣਬੀਰ ਦੀ ਬਾਂਦਰਾ ਰਿਹਾਇਸ਼ 'ਤੇ ਵਿਆਹ ਦੇ ਬੰਧਨ 'ਚ ਬੱਝਣ ਤੋਂ ਕੁਝ ਘੰਟਿਆਂ ਬਾਅਦ, ਲਾੜੇ ਦੇ ਪਰਿਵਾਰਕ ਮੈਂਬਰ ਜਿਨ੍ਹਾਂ ਵਿੱਚ ਮਾਂ ਨੀਤੂ ਕਪੂਰ, ਭੈਣ ਰਿਧੀਮਾ ਕਪੂਰ ਸਾਹਨੀ ਅਤੇ ਜੀਜਾ ਭਰਤ ਸਾਹਨੀ ਸ਼ਾਮਲ ਸਨ, ਮੀਡੀਆ ਨੂੰ ਵਧਾਈ ਦੇਣ ਲਈ ਬਾਹਰ ਆਏ ਸਨ। ਉਸ ਲਾੜੇ ਦੀ ਮਾਂ ਨੇ ਮੀਡੀਆ ਨਾਲ ਇਸਦੀ ਜਾਣਕਾਰੀ ਸਾਂਝੀ ਕੀਤੀ ਸੀ।
ਪਿਛਲੀਆਂ ਖਬਰਾਂ ਮੁਤਾਬਕ ਵਿਆਹ ਦੀ ਰਿਸੈਪਸ਼ਨ 17 ਅਪ੍ਰੈਲ ਨੂੰ ਹੋਣੀ ਸੀ।
ਉਥੇ ਹੀ ਬਾਲੀਵੁੱਡ ਅਭਿਨੇਤਾ ਵਿੱਕੀ ਕੌਸ਼ਲ, ਜੋ ਕੇ ਕੁਝ ਸਮੇਂ ਪਹਿਲਾਂ ਅਭਿਨੇਤਰੀ ਕੈਟਰੀਨਾ ਕੈਫ ਨਾਲ ਵਿਆਹ ਦੇ ਬੰਧਨ 'ਚ ਬੱਝੇ ਸਨ, ਨੇ ਸੋਸ਼ਲ ਮੀਡੀਆ 'ਤੇ ਨਵ-ਵਿਆਹੇ ਜੋੜੇ ਨੂੰ ਵਧਾਈ ਦਿੱਤੀ ਹੈ।
ਵਿੱਕੀ ਨੇ 2018 ਦੀ ਫਿਲਮ 'ਰਾਜ਼ੀ' ਲਈ ਆਲੀਆ ਨਾਲ ਕੰਮ ਕੀਤਾ ਸੀ ਅਤੇ ਉਸੇ ਸਾਲ ਰਿਲੀਜ਼ ਹੋਈ 'ਸੰਜੂ' ਲਈ ਰਣਬੀਰ ਨਾਲ ਕੰਮ ਕੀਤਾ ਸੀ। ਦੋਵੇਂ ਫਿਲਮਾਂ ਨੇ ਬਾਕਸ ਆਫਿਸ 'ਤੇ ਵਧੀਆ ਪ੍ਰਦਰਸ਼ਨ ਕੀਤਾ ਅਤੇ ਆਲੋਚਕਾਂ ਅਤੇ ਦਰਸ਼ਕਾਂ ਤੋਂ ਦੋਵਾਂ ਨੂੰ ਬਹੁਤ ਵਧੀਆ ਹੁੰਗਾਰਾ ਮਿਲਿਆ।
ਜਿਥੇ ਵਿੱਕੀ ਨੇ ਆਪਣੇ ਸਹਿ ਕਲਾਕਾਰਾਂ ਨੂੰ ਵਧਾਈ ਦਿੱਤੀ ਉਥੇ ਹੀ ਉਸਦੀ ਪਤਨੀ ਅਤੇ ਅਦਾਕਾਰਾ ਕੈਟਰੀਨਾ ਵਲੋਂ ਨਵ ਵਿਆਹੁਤਾ ਨੂੰ ਵਧਾਈ ਦੇਣ ਦੀ ਕੋਈ ਜਾਣਕਾਰੀ ਹਾਸਿਲ ਨਹੀਂ ਹੋਈ ਹੈ, ਕੈਟਰੀਨਾ ਅਤੇ ਰਣਬੀਰ ਦੋਵੇਂ ਕਥਿਤ ਤੌਰ 'ਤੇ ਆਪਣੇ-ਆਪਣੇ ਵਿਆਹ ਤੋਂ ਲੰਮਾ ਚਿਰ ਪਹਿਲਾਂ ਇੱਕ ਦੂਜੇ ਨਾਲ ਰਿਲੇਸ਼ਨ ਵਿਚ ਸਨ।
ਇਹ ਵੀ ਪੜ੍ਹੋ: ਪੰਜਾਬ ਵਿੱਚ ਇੱਕ ਪੀਪੀਐਸ ਤੇ 17 ਆਈਪੀਐਸ ਅਧਿਕਾਰੀਆਂ ਦੇ ਤਬਾਦਲੇ
ਸਮਾਰੋਹ ਵਿੱਚ ਜੋੜੇ ਦੇ ਪਰਿਵਾਰਕ ਮੈਂਬਰ ਅਤੇ ਨਜ਼ਦੀਕੀ ਦੋਸਤਾਂ ਨੇ ਸ਼ਿਰਕਤ ਕੀਤੀ। ਵਿਆਹ ਤੋਂ ਪਹਿਲਾਂ ਦੇ ਤਿਉਹਾਰ, ਜੋ ਕਿ ਬੁੱਧਵਾਰ ਨੂੰ ਆਯੋਜਿਤ ਕੀਤੇ ਗਏ ਸਨ, ਵਿੱਚ ਇੱਕ ਵਿਸ਼ੇਸ਼ ਪੂਜਾ ਅਤੇ ਮਹਿੰਦੀ ਦੀ ਰਸਮ ਸ਼ਾਮਲ ਸੀ।
-PTC News