ਐਨਆਈਏ ਵੱਲੋਂ ਦਾਊਦ ਇਬਰਾਹਿਮ ਦੇ ਸਾਥੀਆਂ ਦੇ ਘਰਾਂ ਉਤੇ ਛਾਪੇ

ਮੁੰਬਈ : ਕੌਮੀ ਜਾਂਚ ਏਜੰਸੀ ਨੇ ਅੱਜ ਭਗੌੜੇ ਦਾਊਦ ਇਬਰਾਹਿਮ ਦੇ ਸਾਥੀਆਂ ਦੇ ਟਿਕਾਣਿਆਂ ਉਤੇ ਛਾਪੇ ਮਾਰੇ। ਇਹ ਛਾਪੇ ਨਾਜਾਇਜ਼ ਵਸੂਲੀਆਂ ਦੇ ਮਾਮਲੇ ਵਿੱਚ ਮਾਰੇ ਗਏ ਹਨ। ਐਨਆਈਏ ਵਲੋਂ ਪੁਲੀਸ ਦੇ ਸਹਿਯੋਗ ਨਾਲ 20 ਥਾਵਾਂ ਉਤੇ ਛਾਪੇ ਮਾਰੇ ਗਏ। ਜਾਂਚ ਏਜੰਸੀ ਨੇ ਛੋਟਾ ਸ਼ਕੀਲ,ਜਾਵੇਦ ਚਿਕਨਾ, ਟਾਈਗਰ ਮੈਨਨ, ਇਕਬਾਲ ਮਿਰਚੀ, ਦਾਊਦ ਦੀ ਭੈਣ ਹਸੀਨਾ ਪਾਰਕਰ ਦੇ ਜਾਣਕਾਰਾਂ ਤੇ ਰਿਸ਼ਤੇਦਾਰਾਂ ਦੇ ਘਰਾਂ ਵਿੱਚ ਛਾਪੇਮਾਰੀ ਕੀਤੀ। ਇਹ ਜਾਣਕਾਰੀ ਮਿਲੀ ਹੈ ਕਿ ਬੋਰੀਵਲੀ, ਸਾਂਤਾ ਕਰੂਜ਼, ਬਾਂਦਰਾ, ਭਿੰਡੀ ਬਾਜ਼ਾਰ, ਗੋਰੇਗਾਉਂ,ਕੋਹਲਾਪੁਰ ਆਦਿ ਥਾਵਾਂ ਦੀ ਤਲਾਸ਼ੀ ਲਈ ਗਈ। ਐਨਆਈਏ ਡਾਨ ਦਾਊਦ ਇਬਰਾਹਿਮ ਦੁਆਰਾ ਚਲਾਏ ਜਾ ਰਹੇ ਅੰਡਰਵਰਲਡ ਨੈਟਵਰਕ ਦੇ ਮੈਂਬਰਾਂ ਦੁਆਰਾ ਕਰਾਚੀ, ਪਾਕਿਸਤਾਨ ਵਿੱਚ ਉਸਦੀ ਸੁਰੱਖਿਅਤ ਪਨਾਹਗਾਹ ਤੋਂ ਅਪਰਾਧਿਕ ਅਤੇ ਅੱਤਵਾਦੀ ਕਾਰਵਾਈਆਂ ਦੀ ਪੂਰੀ ਨਿਗਰਾਨੀ ਤੇ ਜਾਂਚ ਕਰ ਰਹੀ ਹੈ। ਦਾਊਦ ਇਬਰਾਹਿਮ ਤੇ ਉਸ ਦੀ ਡੀ-ਕੰਪਨੀ ਦੀਆਂ ਕਥਿਤ ਅੱਤਵਾਦੀ ਗਤੀਵਿਧੀਆਂ ਦੀ ਜਾਂਚ ਤੋਂ ਇਲਾਵਾ, ਛੋਟਾ ਸ਼ਕੀਲ, ਜਾਵੇਦ ਚਿਕਨਾ, ਟਾਈਗਰ ਮੈਨਨ, ਇਕਬਾਲ ਮਿਰਚੀ, ਭੈਣ ਹਸੀਨਾ ਪਾਰਕਰ ਦੀ ਜਾਂਚ ਕੀਤੀ ਜਾਵੇਗੀ। ਈਡੀ ਨੇ ਇਹ ਵੀ ਦੋਸ਼ ਲਾਇਆ ਹੈ ਕਿ ਮਲਿਕ ਨੇ ਦਾਊਦ ਇਬਰਾਹਿਮ ਦੀ ਮ੍ਰਿਤਕ ਭੈਣ ਹਸੀਨਾ ਪਾਰਕਰ ਨਾਲ ਪੈਸੇ ਦਾ ਲੈਣ-ਦੇਣ ਕੀਤਾ ਸੀ। ਐਨਸੀਪੀ ਆਗੂ ਮਹਾਰਾਸ਼ਟਰ ਜੇਲ੍ਹ ਵਿੱਚ ਬੰਦ ਹੈ। ਦਾਊਦ ਇਬਰਾਹਿਮ ਨੂੰ 2003 ਵਿੱਚ ਭਾਰਤ ਅਤੇ ਸੰਯੁਕਤ ਰਾਜ ਅਮਰੀਕਾ ਦੁਆਰਾ ਇੱਕ ਗਲੋਬਲ ਅੱਤਵਾਦੀ ਵਜੋਂ ਨਾਮਜ਼ਦ ਕੀਤਾ ਗਿਆ ਸੀ। 1993 ਦੇ ਬੰਬਈ ਬੰਬ ਧਮਾਕਿਆਂ ਵਿੱਚ ਉਸਦੀ ਕਥਿਤ ਭੂਮਿਕਾ ਲਈ ਉਸਦੇ ਸਿਰ ਉੱਤੇ US $ 25 ਮਿਲੀਅਨ ਦਾ ਇਨਾਮ ਸੀ। ਉਹ ਫਿਰੌਤੀ, ਕਤਲ ਅਤੇ ਤਸਕਰੀ ਦੇ ਕਈ ਮਾਮਲਿਆਂ ਵਿੱਚ ਵੀ ਦੋਸ਼ੀ ਹੈ। ਇਹ ਵੀ ਪੜ੍ਹੋ : ਸੜਕ ਹਾਦਸੇ 'ਚ ਨੌਜਵਾਨ ਦੀ ਮੌਤ, ਲੜਕੀ ਦਾ ਵਾਲ-ਵਾਲ ਬਚਾਅ ਹੋਇਆ