Toxic Foam Floating On Yamuna : ਛੱਠ ਪੂਜਾ ਤੋਂ ਪਹਿਲਾਂ ਜ਼ਹਿਰੀਲਾ ਹੋਇਆ ਯਮੁਨਾ ਦਾ ਪਾਣੀ, ਵੀਡੀਓ ’ਚ ਨਦੀ ਦੀ ਹਾਲਤ ਦੇਖ ਹੋ ਜਾਓਗੇ ਹੈਰਾਨ
ਪੂਰਵਾਂਚਲ ਦੇ ਵੱਡੀ ਗਿਣਤੀ ਲੋਕ ਦਿੱਲੀ ਵਿੱਚ ਰਹਿੰਦੇ ਹਨ। ਦਿੱਲੀ ਸਰਕਾਰ ਨੇ ਵੀ ਇਸ ਵਾਰ ਛਠ ਨੂੰ ਖਾਸ ਬਣਾਉਣ ਲਈ ਖਾਸ ਤਿਆਰੀਆਂ ਕੀਤੀਆਂ ਹਨ ਪਰ ਇਸ ਦੌਰਾਨ ਇਹ ਵੀਡੀਓ ਸਾਰੀਆਂ ਤਿਆਰੀਆਂ ਨੂੰ ਦਰਕਿਨਾਰ ਕਰ ਰਹੀ ਹੈ।
Toxic Foam Floating On Yamuna : ਦਿੱਲੀ ਵਿੱਚ ਵਧਦੇ ਪ੍ਰਦੂਸ਼ਣ ਨਾਲ ਯਮੁਨਾ ਨਦੀ ਵੀ ਪ੍ਰਦੂਸ਼ਿਤ ਹੋਣ ਲੱਗੀ ਹੈ। ਤਾਜ਼ਾ ਵੀਡੀਓ ਕਾਲਿੰਦੀ ਕੁੰਜ ਦੀ ਹੈ, ਜਿੱਥੇ ਪਾਣੀ 'ਤੇ ਸਿਰਫ ਝੱਗ ਨਜ਼ਰ ਆ ਰਹੀ ਹੈ। ਇਹ ਸਾਬਣ ਦੀ ਝੱਗ ਵਰਗਾ ਲੱਗ ਸਕਦਾ ਹੈ, ਪਰ ਅਸਲ ਵਿੱਚ ਇਹ ਯਮੁਨਾ ਨਦੀ ਹੈ। ਅਗਲੇ ਮਹੀਨੇ ਨਵੰਬਰ ਵਿੱਚ ਛਠ ਵਰਗਾ ਵੱਡਾ ਤਿਉਹਾਰ ਹੈ। ਪੂਰਵਾਂਚਲ ਦੇ ਵੱਡੀ ਗਿਣਤੀ ਲੋਕ ਦਿੱਲੀ ਵਿੱਚ ਰਹਿੰਦੇ ਹਨ। ਦਿੱਲੀ ਸਰਕਾਰ ਨੇ ਵੀ ਇਸ ਵਾਰ ਛਠ ਨੂੰ ਖਾਸ ਬਣਾਉਣ ਲਈ ਖਾਸ ਤਿਆਰੀਆਂ ਕੀਤੀਆਂ ਹਨ ਪਰ ਇਸ ਦੌਰਾਨ ਇਹ ਵੀਡੀਓ ਸਾਰੀਆਂ ਤਿਆਰੀਆਂ ਨੂੰ ਦਰਕਿਨਾਰ ਕਰ ਰਹੀ ਹੈ।
ਸ਼ੁੱਕਰਵਾਰ ਯਾਨੀ ਅੱਜ ਯਮੁਨਾ ਨਦੀ ਦਾ ਇੱਕ ਨਵਾਂ ਵੀਡੀਓ ਸੋਸ਼ਲ ਮੀਡੀਆ 'ਤੇ ਆਇਆ ਹੈ। ਦੇਖਣ 'ਤੇ ਸਾਫ਼ ਨਜ਼ਰ ਆਉਂਦਾ ਹੈ ਕਿ ਯਮੁਨਾ ਪ੍ਰਦੂਸ਼ਣ ਦੀ ਲਪੇਟ 'ਚ ਆ ਚੁੱਕੀ ਹੈ। ਵੀਡੀਓ 'ਚ ਜੇਕਰ ਦੂਰ ਤੱਕ ਦੇਖਿਆ ਜਾਵੇ ਤਾਂ ਸਿਰਫ ਚਿੱਟੀ ਝੱਗ ਨਜ਼ਰ ਆ ਰਹੀ ਹੈ। ਇਹ ਇੱਕ ਬਰਫੀਲੀ ਜਗ੍ਹਾ ਜਾਪਦੀ ਹੈ, ਪਰ ਇਹ ਨਜ਼ਾਰਾ ਦਿੱਲੀ ਦੇ ਕਾਲਿੰਦੀ ਕੁੰਜ ਦਾ ਹੈ। ਇੱਥੋਂ ਦੇ ਪ੍ਰਦੂਸ਼ਣ ਦੇ ਤੱਤਾਂ ਨੇ ਪੂਰੇ ਪਾਣੀ ਨੂੰ ਜ਼ਹਿਰੀਲਾ ਬਣਾ ਦਿੱਤਾ ਹੈ।
ਦੱਸ ਦਈਏ ਕਿ ਇਸ ਝੱਗ ਦੇ ਉੱਪਰ ਕਾਲੇ ਰੰਗ ਦੀ ਇੱਕ ਪਤਲੀ ਪਰਤ ਵੀ ਦਿਖਾਈ ਦੇਵੇਗੀ। ਇਹ ਪਰਤ ਫੈਕਟਰੀ ਵਿੱਚੋਂ ਨਿਕਲਣ ਵਾਲੇ ਰਸਾਇਣਕ ਰਹਿੰਦ-ਖੂੰਹਦ ਕਾਰਨ ਵੀ ਬਣਦੀ ਹੈ ਅਤੇ ਕਾਲੇ ਰੰਗ ਦੀ ਇਹ ਪਤਲੀ ਪਰਤ ਕੈਂਸਰ ਅਤੇ ਫੇਫੜਿਆਂ ਦੀਆਂ ਬੀਮਾਰੀਆਂ ਦਾ ਵੱਡਾ ਕਾਰਨ ਹੈ। ਯਮੁਨਾ ਇੰਨੀ ਪਲੀਤ ਹੋਣ ਦੇ ਬਾਵਜੂਦ ਛਠ ਦੇ ਮੌਕੇ 'ਤੇ ਲੋਕ ਯਮੁਨਾ ਦੇ ਇਸ ਗੰਦੇ ਪਾਣੀ 'ਚ ਇਸ਼ਨਾਨ ਕਰਦੇ ਹਨ ਪਰ ਇਸ ਦੇ ਬਾਵਜੂਦ ਸਰਕਾਰ ਦੇ ਮਾੜੇ ਰਵੱਈਏ ਕਾਰਨ ਯਮੁਨਾ ਦੀ ਸਫ਼ਾਈ ਨਹੀਂ ਹੋ ਸਕੀ।
ਸਰਕਾਰ ਯਮੁਨਾ ਨੂੰ ਸਾਫ਼ ਕਰਨ ਲਈ ਹਰ ਸਾਲ ਕਰੋੜਾਂ ਰੁਪਏ ਖਰਚ ਕਰਦੀ ਹੈ, ਪਰ ਇਹ ਪੈਸਾ ਸ਼ਾਇਦ ਕਾਗਜ਼ਾਂ 'ਤੇ ਹੀ ਖਰਚ ਹੋ ਜਾਂਦਾ ਹੈ, ਜਿਸ ਕਾਰਨ ਯਮੁਨਾ ਦੇ ਪਾਣੀ 'ਤੇ ਇਸ ਦਾ ਅਸਰ ਦਿਖਾਈ ਨਹੀਂ ਦਿੰਦਾ। ਇਸ ਸਾਲ ਸਤੰਬਰ ਮਹੀਨੇ 'ਚ ਦਿੱਲੀ ਪ੍ਰਦੂਸ਼ਣ ਕੰਟਰੋਲ ਕਮੇਟੀ ਨੇ ਯਮੁਨਾ ਦੇ ਸਾਰੇ ਪੁਆਇੰਟਾਂ ਤੋਂ ਯਮੁਨਾ ਦੇ ਪਾਣੀ ਦੇ ਨਮੂਨੇ ਲਏ ਅਤੇ ਜਾਂਚ ਲਈ ਭੇਜੇ ਤਾਂ ਨਤੀਜੇ ਬਹੁਤ ਹੈਰਾਨ ਕਰਨ ਵਾਲੇ ਸਨ।
ਇਹ ਵੀ ਪੜ੍ਹੋ : Stubble Burning: ਪੰਜਾਬ 'ਚ ਲਗਾਤਾਰ ਵਧ ਰਹੇਂ ਹਨ ਪਰਾਲੀ ਸਾੜਨ ਦੇ ਮਾਮਲੇ, 1348 ਹੋਈ ਕੇਸਾਂ ਦੀ ਗਿਣਤੀ