ਰਿਕਾਰਡ ਉਚਾਈ 'ਤੇ ਖੁੱਲ੍ਹਿਆ ਸ਼ੇਅਰ ਬਾਜ਼ਾਰ, ਸੈਂਸੈਕਸ 193 ਅੰਕ ਚੜ੍ਹਿਆ, ਨਿਫਟੀ 24,000 ਦੇ ਪਾਰ
ਕਾਰੋਬਾਰੀ ਹਫਤੇ ਦੇ ਆਖਰੀ ਦਿਨ ਭਾਰਤੀ ਸ਼ੇਅਰ ਬਾਜ਼ਾਰ ਗ੍ਰੀਨ ਜ਼ੋਨ 'ਚ ਖੁੱਲ੍ਹਿਆ ਹੈ। ਬੀਐੱਸਈ 'ਤੇ ਸੈਂਸੈਕਸ 193 ਅੰਕਾਂ ਦੀ ਛਾਲ ਨਾਲ 79,436.90 'ਤੇ ਖੁੱਲ੍ਹਿਆ। ਇਸ ਦੇ ਨਾਲ ਹੀ NSE 'ਤੇ ਨਿਫਟੀ 0.17 ਫੀਸਦੀ ਦੇ ਵਾਧੇ ਨਾਲ 24,085.90 'ਤੇ ਖੁੱਲ੍ਹਿਆ।
Stock Market Update: ਭਾਰਤੀ ਸ਼ੇਅਰ ਬਾਜ਼ਾਰ ਹਰ ਰੋਜ਼ ਨਵੇਂ ਰਿਕਾਰਡ ਬਣਾ ਕੇ ਭਾਰਤੀ ਸ਼ੇਅਰ ਬਾਜ਼ਾਰ ਨਿਵੇਸ਼ਕਾਂ ਨੂੰ ਲਗਾਤਾਰ ਜਸ਼ਨ ਮਨਾਉਣ ਦਾ ਮੌਕਾ ਦੇ ਰਿਹਾ ਹੈ। ਕਾਰੋਬਾਰੀ ਹਫਤੇ ਦੇ ਆਖਰੀ ਦਿਨ ਸ਼ੇਅਰ ਬਾਜ਼ਾਰ ਹਰੇ ਨਿਸ਼ਾਨ 'ਤੇ ਖੁੱਲ੍ਹਿਆ।
ਉੱਚ ਰਿਕਾਰਡ 'ਤੇ ਖੁੱਲ੍ਹਿਆ ਸ਼ੇਅਰ ਬਾਜ਼ਾਰ
ਬੀਐੱਸਈ 'ਤੇ ਸੈਂਸੈਕਸ 193 ਅੰਕਾਂ ਦੀ ਛਾਲ ਨਾਲ 79,436.90 'ਤੇ ਖੁੱਲ੍ਹਿਆ। ਇਸ ਦੇ ਨਾਲ ਹੀ NSE 'ਤੇ ਨਿਫਟੀ 0.17 ਫੀਸਦੀ ਦੇ ਵਾਧੇ ਨਾਲ 24,085.90 'ਤੇ ਖੁੱਲ੍ਹਿਆ। ਅੱਜ ਦੇ ਕਾਰੋਬਾਰ ਵਿੱਚ, ਸੈਂਸੈਕਸ ਨੇ ਇੱਕ ਦਿਨ ਦਾ ਉੱਚ ਪੱਧਰ 79671.58 ਬਣਾਇਆ ਹੈ ਅਤੇ 79308.78 ਤੱਕ ਹੇਠਾਂ ਚਲਾ ਗਿਆ ਹੈ।
ਸੈਂਸੈਕਸ ਸ਼ੇਅਰਾਂ ਦੀ ਸਥਿਤੀ
ਸੈਂਸੈਕਸ ਦੇ 30 ਸਟਾਕਾਂ 'ਚੋਂ 21 'ਚ ਵਾਧਾ ਅਤੇ 9 ਸ਼ੇਅਰਾਂ 'ਚ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ। ਜਿਵੇਂ ਹੀ ਬਾਜ਼ਾਰ ਖੁੱਲ੍ਹਿਆ, ਰਿਲਾਇੰਸ ਇੰਡਸਟਰੀਜ਼, ਡਾ. ਰੈੱਡੀਜ਼ ਲੈਬਜ਼, ਭਾਰਤੀ ਏਅਰਟੈੱਲ, ਡਿਵੀਜ਼ ਲੈਬਜ਼ ਅਤੇ ਓਐਨਜੀਸੀ ਨਿਫਟੀ 'ਤੇ ਲਾਭ ਦੇ ਨਾਲ ਕਾਰੋਬਾਰ ਕਰ ਰਹੇ ਸਨ, ਜਦੋਂ ਕਿ ਅਲਟਰਾਟੈਕ ਸੀਮੈਂਟ, ਇੰਡਸਇੰਡ ਬੈਂਕ, ਗ੍ਰਾਸੀਮ, ਅਡਾਨੀ ਪੋਰਟਸ ਅਤੇ ਐੱਮਐਂਡਐਮ ਘਾਟੇ ਨਾਲ ਕਾਰੋਬਾਰ ਕਰ ਰਹੇ ਸਨ।
ਆਈਟੀ ਸੈਕਟਰ ਵਿੱਚ ਅਨੁਮਾਨਤ ਵਾਧੇ ਅਤੇ ਸੀਮੈਂਟ ਉਦਯੋਗ ਵਿੱਚ ਮਜ਼ਬੂਤੀ ਕਾਰਨ ਘਰੇਲੂ ਬਾਜ਼ਾਰਾਂ ਵਿੱਚ ਵਾਧਾ ਦੇਖਿਆ ਗਿਆ। ਇਸ ਦੇ ਬਾਵਜੂਦ, ਵਿਦੇਸ਼ੀ ਸੰਸਥਾਗਤ ਨਿਵੇਸ਼ਕਾਂ (ਐੱਫ.ਆਈ.ਆਈ.) ਦੁਆਰਾ ਮੁੱਲ ਨਿਰਧਾਰਨ ਚਿੰਤਾਵਾਂ ਅਤੇ ਵਧਦੀ ਅਮਰੀਕੀ ਬਾਂਡ ਉਪਜ 'ਤੇ ਵਿਕਰੀ ਕਾਰਨ ਵਿਆਪਕ ਬਾਜ਼ਾਰ ਸਥਿਰ ਰਿਹਾ।
ਵੀਰਵਾਰ ਦੀ ਮਾਰਕੀਟ
ਕਾਰੋਬਾਰੀ ਹਫਤੇ ਦੇ ਚੌਥੇ ਦਿਨ ਸ਼ੇਅਰ ਬਾਜ਼ਾਰ ਗ੍ਰੀਨ ਜ਼ੋਨ 'ਚ ਬੰਦ ਹੋਇਆ। ਬੀਐੱਸਈ 'ਤੇ ਸੈਂਸੈਕਸ 572 ਅੰਕਾਂ ਦੀ ਛਾਲ ਨਾਲ 79,246.92 'ਤੇ ਬੰਦ ਹੋਇਆ। ਇਸ ਦੇ ਨਾਲ ਹੀ NSE 'ਤੇ ਨਿਫਟੀ 0.79 ਫੀਸਦੀ ਦੇ ਵਾਧੇ ਨਾਲ 24,058.30 'ਤੇ ਬੰਦ ਹੋਇਆ। ਬੀਐੱਸਈ ਦਾ ਮਿਡਕੈਪ ਇੰਡੈਕਸ ਸਥਿਰ ਰਿਹਾ, ਜਦੋਂ ਕਿ ਸਮਾਲਕੈਪ ਇੰਡੈਕਸ 0.7 ਫੀਸਦੀ ਡਿੱਗਿਆ।
ਇਹ ਵੀ ਪੜ੍ਹੋ: Weather Update: ਪੰਜਾਬ ਦੇ 11 ਜ਼ਿਲ੍ਹਿਆਂ 'ਚ ਲਈ ਯੈਲੋ ਅਲਰਟ ਜਾਰੀ, ਤੇਜ਼ ਹਵਾਵਾਂ ਨਾਲ ਪਵੇਗਾ ਮੀਂਹ
ਇਹ ਵੀ ਪੜ੍ਹੋ: Delhi Airport: ਭਾਰੀ ਮੀਂਹ ਦੌਰਾਨ ਦਿੱਲੀ ਏਅਰਪੋਰਟ 'ਤੇ ਵੱਡਾ ਹਾਦਸਾ, ਛੱਤ ਡਿੱਗਣ ਨਾਲ ਇਕ ਦੀ ਮੌਤ, 8 ਜ਼ਖਮੀ