Satyanashi Plant Benefits: ਜਾਣੋ ਸਤਿਆਨਾਸ਼ੀ ਪੌਦੇ ਦੇ ਹੈਰਾਨੀਜਨਕ ਫ਼ਾਇਦੇ, ਗੰਭੀਰ ਬਿਮਾਰੀਆਂ ਲਈ ਹੈ ਲਾਹੇਵੰਦ
Satyanashi plant banefits: ਸਦੀਆਂ ਤੋਂ ਭਾਰਤ 'ਚ ਔਸ਼ਧੀ ਗੁਣਾਂ ਨਾਲ ਭਰਪੂਰ ਕਈ ਜੜ੍ਹੀਆਂ ਬੂਟੀਆਂ ਅਤੇ ਪੌਦਿਆਂ ਦੀ ਵਰਤੋਂ ਆਯੁਰਵੇਦ ਸਮੇਤ ਕਈ ਮੈਡੀਕਲ ਪ੍ਰਣਾਲੀਆਂ 'ਚ ਕੀਤੀ ਜਾਂਦੀ ਰਹੀ ਹੈ। ਪਰ ਅੱਜ ਅਸੀਂ ਤੁਹਾਨੂੰ ਇੱਕ ਅਜਿਹੇ ਪੌਦੇ ਬਾਰੇ ਦਸਾਂਗੇ, ਜਿਸ ਦਾ ਨਾ ਸਤਿਆਨਾਸ਼ੀ ਹੈ। ਜੇਕਰ ਇਸ ਪੌਦੇ ਦੀ ਸਹੀ ਵਰਤੋਂ ਕੀਤੀ ਜਾਵੇ ਤਾਂ ਇਹ ਕਈ ਗੰਭੀਰ ਬਿਮਾਰੀਆਂ ਤੋਂ ਛੁਟਕਾਰਾ ਦਿਵਾ ਸਕਦਾ ਹੈ।
ਨੈਸ਼ਨਲ ਸੈਂਟਰ ਫਾਰ ਬਾਇਓਟੈਕਨਾਲੋਜੀ ਇਨਫਰਮੇਸ਼ਨ (NCBI) ਦੀ ਰਿਪੋਰਟ ਮੁਤਾਬਕ, ਸਤਿਆਨਾਸ਼ੀ ਪੌਦੇ 'ਚ ਭਰਪੂਰ ਮਾਤਰਾ 'ਚ ਔਸ਼ਧੀ ਗੁਣ ਪਾਏ ਜਾਣਦੇ ਹਨ, ਜਿਸ ਦੀ ਵਰਤੋਂ ਛੂਤ ਦੀਆਂ ਬਿਮਾਰੀਆਂ, ਪਾਚਕ ਵਿਕਾਰ ਅਤੇ ਕੈਂਸਰ ਦੇ ਇਲਾਜ ਲਈ ਕੀਤੀ ਜਾਂਦੀ ਹੈ। ਇਹ ਪੌਦਾ ਤਾਂ ਤੇ ਮਹਾਰਾਸ਼ਟਰ ਦੇ ਮਰਾਠਵਾੜਾ ਦੀਆਂ ਉਜਾੜ ਜ਼ਮੀਨਾਂ 'ਚ ਪਾਇਆ ਜਾਂਦਾ ਹੈ। ਇੱਕ ਰਿਪੋਰਟ 'ਚ ਪਤਾ ਲੱਗਿਆ ਹੈ ਕਿ ਇਸ ਪੌਦੇ ਦੇ ਤਣੇ ਅਤੇ ਪੱਤਿਆਂ ਦੇ ਐਬਸਟਰੈਕਟ 'ਚ ਬਹੁਤ ਸ਼ਕਤੀਸ਼ਾਲੀ ਐਂਟੀਫੰਗਲ ਅਤੇ ਐਂਟੀਕੈਂਸਰ ਗੁਣ ਪਾਏ ਜਾਣਦੇ ਹਨ।
ਵੈਸੇ ਤਾਂ ਇਸ ਪੌਦੇ ਦੀ ਵਰਤੋਂ 2000 ਸਾਲ ਪਹਿਲਾਂ ਤੋਂ ਆਯੁਰਵੇਦ ਚਿਕਿਤਸਾ ਪ੍ਰਣਾਲੀ 'ਚ ਇਲਾਜ ਲਈ ਕੀਤੀ ਜਾ ਰਹੀ ਹੈ। ਕਈ ਆਯੁਰਵੇਦ ਮਾਹਿਰਾਂ ਦਾ ਦਾਅਵਾ ਹੈ ਕਿ ਇਹ ਪੌਦਾ ਕੈਂਸਰ ਅਤੇ HIV ਏਡਜ਼ ਨੂੰ ਰੋਕਣ 'ਚ ਕਾਰਗਰ ਸਾਬਤ ਹੋ ਸਕਦਾ ਹੈ। ਕਿਉਂਕਿ ਕਈ ਖੋਜਾਂ 'ਚ ਇਹ ਵੀ ਪਾਇਆ ਗਿਆ ਹੈ ਕਿ ਸਤਿਆਨਾਸ਼ੀ ਪੌਦੇ ਦੀਆਂ ਪੱਤੀਆਂ 'ਚ ਕੈਂਸਰ ਵਿਰੋਧੀ ਗੁਣ ਹੁੰਦੇ ਹਨ। ਹਾਲਾਂਕਿ ਇਸ ਪੌਦੇ ਦੀ ਆਯੁਰਵੈਦਿਕ ਮਾਹਿਰ ਦੀ ਸਲਾਹ ਤੋਂ ਬਾਅਦ ਹੀ ਵਰਤੋਂ ਕਰਨੀ ਚਾਹੀਦੀ ਹੈ। ਤਾਂ ਆਉ ਜਾਣਦੇ ਫਾਇਦੇ...
- ਇਸ ਪੌਦੇ 'ਚ ਕਈ ਕਿਸਮਾਂ ਦੀਆਂ ਲਾਗਾਂ ਨਾਲ ਲੜਨ ਦੇ ਗੁਣ ਹੁੰਦੇ ਹਨ, ਜਿਸ 'ਚ ਐਂਟੀਡਾਇਬੀਟਿਕ, ਐਂਟੀਫਰਟੀਲਿਟੀ, ਐਂਟੀਫੰਗਲ ਆਦਿ ਸ਼ਾਮਲ ਹਨ।
- ਮਾਹਿਰਾਂ ਮੁਤਾਬਕ ਇਸ ਪੌਦੇ ਦੀ ਵਰਤੋਂ ਚਮੜੀ ਨਾਲ ਸਬੰਧਤ ਕਈ ਬਿਮਾਰੀਆਂ ਨੂੰ ਠੀਕ ਕਰਨ ਲਈ ਵੀ ਕੀਤੀ ਜਾਂਦੀ ਹੈ।
- ਸਤਿਆਨਾਸ਼ੀ ਪੌਦਾ ਜ਼ਖ਼ਮਾਂ ਨੂੰ ਜਲਦੀ ਭਰਨ 'ਚ ਮਦਦ ਕਰਦਾ ਹੈ ਅਤੇ ਸੋਜ ਨੂੰ ਤੇਜ਼ੀ ਨਾਲ ਘਟਾਉਣ 'ਚ ਮਦਦ ਕਰਦਾ ਹੈ।
- ਕਈ ਲੋਕ ਅਸਥਮਾ ਦੀ ਸਮੱਸਿਆ ਤੋਂ ਰਾਹਤ ਪਾਉਣ ਲਈ ਵੀ ਇਸ ਪੌਦੇ ਦੀ ਵਰਤੋਂ ਵੀ ਕਰਦੇ ਹਨ। ਨਾਲ ਹੀ ਇਹ ਬੁਖਾਰ ਨੂੰ ਦੂਰ ਕਰਨ 'ਚ ਮਦਦ ਕਰਦਾ ਹੈ।
- ਇਸ ਔਸ਼ਧੀ ਪੌਦੇ ਦੇ ਤਣੇ ਅਤੇ ਪੱਤਿਆਂ ਦੇ ਐਬਸਟਰੈਕਟ ਦੀ ਵਰਤੋਂ ਦੰਦਾਂ ਦੀਆਂ ਖੁਰਲੀਆਂ ਤੋਂ ਛੁਟਕਾਰਾ ਪਾਉਣ ਲਈ ਕੀਤੀ ਜਾ ਸਕਦੀ ਹੈ।