Punjab Bus Stands to Shut : ਪੰਜਾਬ ਦੀਆਂ ਸਰਕਾਰੀ ਬੱਸਾਂ ’ਚ ਸਫਰ ਕਰਨ ਵਾਲਿਆਂ ਲਈ ਵੱਡੀ ਖ਼ਬਰ; ਜਾਣੋ ਠੇਕਾ ਮੁਲਾਜ਼ਮਾਂ ਦੀ ਅਗਲੀ ਰਣਨੀਤੀ
ਹੁਣ ਪੰਜਾਬ ਰੋਡਵੇਜ਼ ਤੇ ਪੀਆਰਟੀਸੀ ਮਹਿਕਮੇ ਦੇ ਹਾਲਾਤ ਅਜਿਹੇ ਹੋ ਗਏ ਹਨ ਕਿ ਮਹਿਕਮੇ ਕੋਲ ਟਿਕਟ ਮਸ਼ੀਨਾਂ ਲੈਣ ਤੱਕ ਦੇ ਪੈਸੇ ਨਹੀਂ ਹਨ। ਪੰਜਾਬ ’ਚ ਪਨਬੱਸ ਦੇ 18 ਡੀਪੂ ਹਨ ਹਰੇਕ ਡੀਪੂ ’ਚ 10 ਤੋਂ 20 ਬੱਸਾਂ ਅਜਿਹੀਆਂ ਖੜੀਆਂ ਹਨ
Punjab Bus Stands to Shut : ਪੰਜਾਬ ਰੋਡਵੇਜ ਵਿੱਚ ਠੇਕੇ ’ਤੇ ਕੰਮ ਕਰਦੇ ਕਰਮਚਾਰੀਆਂ ਨੇ ਮੰਗਾਂ ਨਾ ਮੰਨੇ ਜਾਣ ਕਾਰਨ ਪੰਜਾਬ ਸਰਕਾਰ ਖ਼ਿਲਾਫ਼ ਰੋਸ ਪ੍ਰਦਰਸ਼ਨ ਕਰਦਿਆਂ ਬਜਟ ਦੀਆਂ ਕਾਪੀਆਂ ਫੂਕੀਆਂ। ਦੋ ਘੰਟੇ ਬੱਸਾਂ ਦਾ ਜਾਮ ਹੋਣ ਕਾਰਨ ਆਮ ਲੋਕਾਂ ਨੂੰ ਕਾਫੀ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ। ਪੰਜਾਬ ਭਰ ’ਚ 10 ਤੋਂ 12 ਵਜੇ ਤੱਕ ਪੰਜਾਬ ਰੋਡਵੇਜ਼ ਅਤੇ ਪੀਆਰਟੀਸੀ ਦੀਆਂ ਕੁੱਲ ਮਿਲਾ ਕੇ 2500 ਬੱਸਾਂ ਪ੍ਰਭਾਵਿਤ ਹੋਈਆਂ।
ਦੱਸ ਦਈਏ ਕਿ ਰੋਸ ਪ੍ਰਦਰਸ਼ਨ ਕਰਨ ਵਾਲੇ ਠੇਕਾ ਮੁਲਾਜ਼ਮਾਂ ਨੇ ਚਿਤਾਵਨੀ ਦਿੰਦੇ ਹੋਏ ਕਿਹਾ ਕਿ ਜੇਕਰ ਸਰਕਾਰ ਨੇ ਉੱਨਾਂ ਦੀਆ ਮੰਗਾ ਨਾ ਮੰਨੀਆਂ ਤਾਂ 6,7,8 ਅਪ੍ਰੈਲ ਨੂੰ ਹੜਤਾਲ ਕੀਤੀ ਜਾਵੇਗੀ ਤੇ ਜੇਕਰ ਫਿਰ ਵੀ ਸਰਕਾਰ ਨੇ ਨਾ ਸੁਣੀ ਤਾਂ ਹੜਤਾਲ ਅਣਮਿੱਥੇ ਸਮੇਂ ਲਈ ਕਰ ਦਿੱਤੀ ਜਾਵੇਗੀ।
ਦੱਸ ਦਈਏ ਕਿ ਮਾਰਚ ਮਹਿਨੇ ਤੱਕ ਪੰਜਾਬ ਰੋਡਵੇਜ਼ ਅਤੇ ਪੀਆਰਟੀਸੀ ਦਾ ਸਰਕਾਰ ਵੱਲ ਫ੍ਰੀ ਸਫ਼ਰ ਦਾ 800 ਕਰੋੜ ਦਾ ਬਕਾਇਆ ਪਿਆ ਹੋਇਆ ਹੈ। ਪੰਜਾਬ ਰੋਡਵੇਜ਼ ਦਾ ਮਹਿਨੇ ਦਾ ਫ੍ਰੀ ਸਫ਼ਰ ਢਾਈ ਕਰੋੜ ਹੈ ਅਤੇ ਪੀਆਰਪੀਸੀ ਦਾ ਸਾਡੇ ਚਾਰ ਕਰੋੜ ਫ੍ਰੀ ਸਫ਼ਰ ਮਹਿਨਾ ਹੈ।
ਹੁਣ ਪੰਜਾਬ ਰੋਡਵੇਜ਼ ਤੇ ਪੀਆਰਟੀਸੀ ਮਹਿਕਮੇ ਦੇ ਹਾਲਾਤ ਅਜਿਹੇ ਹੋ ਗਏ ਹਨ ਕਿ ਮਹਿਕਮੇ ਕੋਲ ਟਿਕਟ ਮਸ਼ੀਨਾਂ ਲੈਣ ਤੱਕ ਦੇ ਪੈਸੇ ਨਹੀਂ ਹਨ। ਪੰਜਾਬ ’ਚ ਪਨਬੱਸ ਦੇ 18 ਡੀਪੂ ਹਨ ਹਰੇਕ ਡੀਪੂ ’ਚ 10 ਤੋਂ 20 ਬੱਸਾਂ ਅਜਿਹੀਆਂ ਖੜੀਆਂ ਹਨ ਜਿਨ੍ਹਾਂ ਕੋਲ ਨਾ ਤਾਂ ਨਵੇਂ ਟਾਇਰ ਹਨ ਅਤੇ ਨਾ ਹੀ ਉਹਨਾਂ ਦਾ ਸਮਾਨ ਲੈਣ ਤੱਕ ਦੇ ਪੈਸੇ ਵੀ ਨਹੀਂ ਹਨ।
ਕੀ ਕਹਿ ਰਹੇ ਹਨ ਠੇਕਾ ਮੁਲਾਜ਼ਮ
- ਜੇਕਰ ਅੱਜ ਦੀ ਮੀਟਿੰਗ ਦੇ ਵਿੱਚ ਸਾਡਾ ਨਹੀਂ ਹੋਇਆ ਕੋਈ ਹੱਲ ਤਾਂ 7,8,9 ਨੂੰ ਮੁਕੰਮਲ ਕਰਾਂਗੇ ਹੜਤਾਲ
- ਸਾਡੀਆਂ ਕਾਫੀ ਸਮੇਂ ਤੋਂ ਪੁਰਾਣੀਆਂ ਮੰਗਾਂ ਜਿਵੇਂ ਪੱਕੇ ਕਰਨ ਦੀ ਮੰਗ ਲਟਕ ਰਹੀ ਹੈ ਤਿੰਨ ਸਾਲਾਂ ਤੋਂ ਸਰਕਾਰ ਨੇ ਸਾਡਾ ਕੋਈ ਹੱਲ ਨਹੀਂ ਕੀਤਾ
- ਪੰਜਾਬ ਸਰਕਾਰ ਨੇ ਮਹਿਲਾਵਾਂ ਨੂੰ ਫਰੀ ਸਫਰ 1400 ਕਰੋੜ ਦਾ ਕਰਾ ਦਿੱਤਾ। ਲੇਕਿਨ ਬਜਟ ਦੇ ਵਿੱਚ ਸਿਰਫ 450 ਕਰੋੜ ਰੱਖ ਕੇ
- ਸਾਡੇ ਨਾਲ ਸਰਕਾਰ ਨੇ ਕੋਜਾ ਨੂੰ ਜਾ ਕੀਤਾ
- ਪੰਜਾਬ ਸਰਕਾਰ ਦਾ ਮਹਿਕਮੇ ਦੇ ਵੱਲੀ ਕੋਈ ਧਿਆਨ ਹੀ ਨਹੀਂ ਸਰਕਾਰ ਦਾ ਲੁੱਟਣ ਤੇ ਮੁਲਾਜ਼ਮਾਂ ਨੂੰ ਕੁੱਟਣ ਤੇ ਧਿਆਨ ਹੈ।
