Dolly Chaiwala ਦੇ ਜਲਵੇ, ਫੋਟੋ ਖਿਚਵਾਉਂਦੇ ਨਜ਼ਰ ਆਏ ਜਹਾਜ਼ ਦੇ ਪਾਇਲਟ, ਦੇਖੋ ਵੀਡੀਓ

Pilots click photos with Dolly Chaiwala: ਅੱਜਕਲ੍ਹ ਕੋਈ ਵੀ ਸੋਸ਼ਲ ਮੀਡੀਆ ਰਾਹੀਂ ਰਾਤੋ-ਰਾਤ ਸਟਾਰ ਬਣ ਜਾਂਦਾ ਹੈ। ਤੁਸੀਂ ਡੌਲੀ ਚਾਹਵਾਲੇ ਦਾ ਨਾਂ ਤਾਂ ਜ਼ਰੂਰ ਸੁਣਿਆ ਹੋਵੇਗਾ, ਨਾਗਪੁਰ 'ਚ ਚਾਹ ਵੇਚਣ ਵਾਲਾ ਡੌਲੀ ਅੱਜ ਸੋਸ਼ਲ ਮੀਡੀਆ ਕਾਰਨ ਕਿਸੇ ਸੈਲੀਬ੍ਰਿਟੀ ਤੋਂ ਘੱਟ ਨਹੀਂ ਹੈ। ਦੱਸ ਦਈਏ ਕਿ ਉਹ ਜਿੱਥੇ ਵੀ ਜਾਂਦਾ ਹੈ, ਲੋਕ ਉਸ ਨਾਲ ਫੋਟੋ ਖਿੱਚਵਾਉਣ ਲਈ ਉਤਾਵਲੇ ਹੋ ਜਾਂਦੇ ਹਨ ਤੇ ਅਜਿਹੀ ਹੀ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ ਜਿਸ 'ਚ ਦੇਖਿਆ ਜਾ ਸਕਦਾ ਹੈ ਕਿ ਜਹਾਜ਼ ਦੇ ਪਾਇਲਟ ਵੀ ਡੌਲੀ ਨਾਲ ਫੋਟੋ ਖਿਚਵਾਉਣ ਲਈ ਉਤਾਵਲੇ ਹੋ ਰਹੇ ਹਨ। ਇਹ ਵੀਡੀਓ ਦੁਬਈ ਦੇ ਏਅਰਪੋਰਟ ਦਾ ਦੱਸਿਆ ਜਾ ਰਿਹਾ ਹੈ।

ਫੋਟੋ ਖਿਚਵਾਉਂਦੇ ਨਜ਼ਰ ਆਏ ਪਾਇਲਟ 

ਹਾਲ ਹੀ 'ਚ ਇੰਸਟਾਗ੍ਰਾਮ ਅਕਾਊਂਟ @indian_pilot_ 'ਤੇ ਇੱਕ ਦਿਲਚਸਪ ਵੀਡੀਓ ਪੋਸਟ ਕੀਤੀ ਗਈ ਹੈ, ਜਿਸ 'ਚ ਡੌਲੀ ਚਾਹਵਾਲਾ ਦੁਬਈ ਏਅਰਪੋਰਟ 'ਤੇ ਮੌਜੂਦ ਹੈ। ਇਸ ਵਾਇਰਲ ਵੀਡੀਓ 'ਚ ਇੱਕ ਮਹਿਲਾ ਅਤੇ ਇੱਕ ਪੁਰਸ਼ ਪਾਇਲਟ ਡੌਲੀ ਚਾਹਵਾਲੇ ਨਾਲ ਫੋਟੋ ਖਿਚਵਾਉਂਦੇ ਨਜ਼ਰ ਆ ਰਹੇ ਹਨ। ਦੱਸ ਦਈਏ ਕਿ ਫੋਟੋ ਦੇ ਵਿਚਕਾਰ, ਡੌਲੀ ਆਪਣਾ ਮਸ਼ਹੂਰ ਪੋਜ਼ ਵੀ ਦੇ ਰਿਹਾ ਹੈ, ਜੋ ਉਹ ਇੱਕ ਉਂਗਲ ਅਤੇ ਅੰਗੂਠਾ ਕੱਢ ਕੇ ਅਤੇ ਆਪਣੇ ਹੱਥਾਂ ਨੂੰ ਟੇਢੇ ਢੰਗ ਨਾਲ ਪੋਜ਼ ਦਿੰਦਾ ਹੈ। ਉਨ੍ਹਾਂ ਨੇ ਸੂਟ ਅਤੇ ਐਨਕਾਂ ਪਾਈਆਂ ਹੋਈਆਂ ਹਨ, ਉਸ ਨੂੰ ਦੇਖ ਕੇ ਕੋਈ ਨਹੀਂ ਕਹਿ ਸਕਦਾ ਕਿ ਇਹ ਉਹੀ ਡੌਲੀ ਚਾਹਵਾਲਾ ਹੈ ਜੋ ਕਦੇ ਗੱਡੇ 'ਤੇ ਚਾਹ ਵੇਚਦਾ ਸੀ।

ਵੀਡੀਓ ਹੋ ਰਿਹੈ ਵਾਇਰਲ  

ਇਸ ਵੀਡੀਓ ਨੂੰ ਹੁਣ ਤੱਕ 80 ਹਜ਼ਾਰ ਲੋਕ ਦੇਖ ਚੁੱਕੇ ਹਨ ਅਤੇ ਕਈ ਲੋਕਾਂ ਨੇ ਕਮੈਂਟ ਕਰਕੇ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ। ਵੀਡੀਓ ਪੋਸਟ ਕਰਦੇ ਹੋਏ ਲਿਖਿਆ - ਡੌਲੀ ਭਾਈ ਬਹੁਤ ਵਧੀਆ ਹਨ। ਇੱਕ ਵਿਅਕਤੀ ਨੇ ਹੈਰਾਨੀ ਨਾਲ ਪੁੱਛਿਆ, ਕੀ ਇਹ ਸੱਚ ਹੈ ਕਿ ਇਸ ਆਦਮੀ ਦੀ ਜੀਵਨੀ ਆਉਣ ਵਾਲੀ ਹੈ? ਇੱਕ ਨੇ ਕਿਹਾ ਕਿ ਮੰਮੀ-ਡੈਡੀ ਨੇ ਪਾਇਲਟ ਬਣਨ ਲਈ ਜੋ ਪੈਸਾ ਲਗਾਇਆ ਸੀ ਉਹ ਅੱਜ ਇੱਥੇ ਬਰਬਾਦ ਸਾਬਤ ਹੋਇਆ। ਜਦਕਿ ਇੱਕ ਨੇ ਲਿਖਿਆ ਹੈ ਕਿ ਇਹ ਦੇਖ ਕੇ ਉਹ ਆਪਣੀਆਂ ਅੱਖਾਂ ਦਾਨ ਕਰਨਾ ਚਾਹੁੰਦਾ ਹਾਂ।

ਕੁਝ ਦਿਨ ਪਹਿਲਾਂ ਬਿਲ ਗੇਟਸ ਨਾਲ ਦੇਖਿਆ ਗਿਆ ਡੌਲੀ

ਡੌਲੀ ਚਾਹਵਾਲੇ ਦਾ ਅਸਲੀ ਨਾਂ ਸੁਨੀਲ ਪਾਟਿਲ ਹੈ। ਵੈਸੇ ਤਾਂ ਉਸ ਦੀਆਂ ਵੀਡੀਓਜ਼ ਇੰਸਟਾਗ੍ਰਾਮ 'ਤੇ ਪਹਿਲਾਂ ਹੀ ਕਾਫੀ ਵਾਇਰਲ ਹੋ ਰਹੀਆਂ ਸਨ, ਪਰ ਕੁਝ ਦਿਨ ਪਹਿਲਾਂ ਜਦੋਂ ਉਸ ਨੂੰ ਬਿਲ ਗੇਟਸ ਨਾਲ ਦੇਖਿਆ ਗਿਆ ਤਾਂ ਸਾਰਿਆਂ ਦੀਆਂ ਨਜ਼ਰਾਂ ਉਸ 'ਤੇ ਟਿਕ ਗਈਆਂ ਅਤੇ ਉਹ ਸੋਸ਼ਲ ਮੀਡੀਆ 'ਤੇ ਪ੍ਰਭਾਵ ਪਾਉਣ ਵਾਲਾ ਬਣ ਗਿਆ, ਜਿਸ ਕਾਰਨ ਲੋਕ ਡੌਲੀ ਨਾਲ ਫੋਟੋਆਂ ਖਿਚਵਾਉਣ ਲਈ ਉਤਾਵਲੇ ਹਨ।

ਇਹ ਵੀ ਪੜੋ: Gold Rate Today: ਸੋਨਾ ਖਰੀਦਣ ਦਾ ਬਣਾ ਰਹੇ ਹੋ ਮੂਡ ਤਾਂ ਜਾਣੋ ਆਪਣੇ ਸ਼ਹਿਰ ਦੀ ਤਾਜ਼ਾ ਕੀਮਤ