Passport Surrender Case: ਦਿੱਲੀ, ਪੰਜਾਬ ਤੋਂ ਬਾਅਦ ਹੁਣ ਇਸ ਸੂਬੇ 'ਚ ਨਾਗਰਿਕਤਾ ਛੱਡਣ ਦੀ ਲੱਗੀ ਦੌੜ
Passport Surrender Case: ਗੁਜਰਾਤ ਵਿੱਚ ਰਹਿਣ ਵਾਲੇ ਲੋਕਾਂ ਵੱਲੋਂ ਭਾਰਤੀ ਨਾਗਰਿਕਤਾ ਤਿਆਗ ਕੇ ਵਿਦੇਸ਼ਾਂ ਵਿੱਚ ਵੱਸਣ ਦੀਆਂ ਘਟਨਾਵਾਂ ਵਧਦੀਆਂ ਜਾ ਰਹੀਆਂ ਹਨ।
Passport Surrender Case: ਗੁਜਰਾਤ ਵਿੱਚ ਰਹਿਣ ਵਾਲੇ ਲੋਕਾਂ ਵੱਲੋਂ ਭਾਰਤੀ ਨਾਗਰਿਕਤਾ ਤਿਆਗ ਕੇ ਵਿਦੇਸ਼ਾਂ ਵਿੱਚ ਵੱਸਣ ਦੀਆਂ ਘਟਨਾਵਾਂ ਵਧਦੀਆਂ ਜਾ ਰਹੀਆਂ ਹਨ। ਇੱਕ ਸਾਲ ਵਿੱਚ ਪਾਸਪੋਰਟ ਸਪੁਰਦ ਕਰਨ ਵਾਲਿਆਂ ਦੀ ਗਿਣਤੀ ਦੁੱਗਣੀ ਹੋ ਗਈ ਹੈ। ਜਨਵਰੀ 2021 ਤੋਂ ਹੁਣ ਤੱਕ 1187 ਲੋਕਾਂ ਨੇ ਆਪਣੀ ਭਾਰਤੀ ਨਾਗਰਿਕਤਾ ਤਿਆਗ ਦਿੱਤੀ ਹੈ। 2023 ਵਿੱਚ 485 ਪਾਸਪੋਰਟ ਸਪੁਰਦ ਕੀਤੇ ਗਏ ਸਨ, ਜੋ ਕਿ 2022 ਵਿੱਚ ਸਮਰਪਣ ਕੀਤੇ 241 ਪਾਸਪੋਰਟਾਂ ਤੋਂ ਦੁੱਗਣਾ ਹੈ।
ਰਿਪੋਰਟ ਮੁਤਾਬਕ ਉਤਪਲ ਪਟੇਲ ਨਾਂ ਦੇ ਵਿਅਕਤੀ ਨੇ 2011 'ਚ ਅਹਿਮਦਾਬਾਦ ਛੱਡ ਦਿੱਤਾ ਸੀ। ਉਹ ਪੜ੍ਹਨ ਲਈ ਉੱਤਰੀ ਕੈਨੇਡਾ ਗਿਆ ਅਤੇ 2022 ਤੱਕ, ਉਤਪਲ ਨੇ ਕੈਨੇਡੀਅਨ ਨਾਗਰਿਕਤਾ ਲੈ ਲਈ ਅਤੇ 2023 ਤੱਕ ਆਪਣਾ ਭਾਰਤੀ ਪਾਸਪੋਰਟ ਸਰੰਡਰ ਕਰ ਦਿੱਤਾ। ਗੁਜਰਾਤੀਆਂ ਵਿੱਚ ਇਸ ਤਰ੍ਹਾਂ ਦੇ ਰੁਝਾਨ ਵਿੱਚ ਵਾਧਾ ਹੋਇਆ ਹੈ।
ਗੁਜਰਾਤੀ ਭਾਰਤ ਛੱਡ ਕੇ ਵਿਦੇਸ਼ਾਂ ਵਿੱਚ ਜਾ ਵਸੇ
ਸਥਾਨਕ ਪਾਸਪੋਰਟ ਦਫਤਰ ਦੇ ਅੰਕੜਿਆਂ ਅਨੁਸਾਰ, ਲੋਕ ਦੱਖਣੀ ਗੁਜਰਾਤ ਦੇ ਸੂਰਤ, ਨਵਸਾਰੀ, ਵਲਸਾਡ ਅਤੇ ਨਰਮਦਾ ਸਮੇਤ ਖੇਤਰਾਂ ਵਿੱਚ ਆਪਣੇ ਪਾਸਪੋਰਟ ਸਪੁਰਦ ਕਰ ਰਹੇ ਹਨ। ਮਈ 2024 ਵਿੱਚ ਇਹ ਅੰਕੜਾ 244 ਤੱਕ ਪਹੁੰਚ ਗਿਆ ਹੈ। ਅਧਿਕਾਰੀਆਂ ਨੇ ਦੇਖਿਆ ਹੈ ਕਿ ਜਿਨ੍ਹਾਂ ਲੋਕਾਂ ਨੇ ਆਪਣੇ ਪਾਸਪੋਰਟ ਸਪੁਰਦ ਕੀਤੇ ਹਨ, ਉਨ੍ਹਾਂ ਵਿਚ 30 ਤੋਂ 45 ਸਾਲ ਦੀ ਉਮਰ ਦੇ ਲੋਕ ਸ਼ਾਮਲ ਹਨ। ਇਨ੍ਹਾਂ ਵਿੱਚੋਂ ਜ਼ਿਆਦਾਤਰ ਲੋਕ ਅਮਰੀਕਾ, ਬਰਤਾਨੀਆ, ਕੈਨੇਡਾ ਅਤੇ ਆਸਟ੍ਰੇਲੀਆ ਵਿੱਚ ਵਸੇ ਹੋਏ ਹਨ।
ਸੰਸਦੀ ਅੰਕੜੇ ਇਸ ਗੱਲ ਦਾ ਸਮਰਥਨ ਕਰਦੇ ਨਜ਼ਰ ਆ ਰਹੇ ਹਨ, ਜਿਸ ਮੁਤਾਬਕ 2014 ਤੋਂ 2022 ਦਰਮਿਆਨ ਗੁਜਰਾਤ ਦੇ 22 ਹਜ਼ਾਰ 300 ਲੋਕਾਂ ਨੇ ਆਪਣੀ ਨਾਗਰਿਕਤਾ ਤਿਆਗ ਦਿੱਤੀ ਹੈ। ਦਿੱਲੀ ਤੋਂ ਸਭ ਤੋਂ ਵੱਧ 60 ਹਜ਼ਾਰ 414 ਅਤੇ ਪੰਜਾਬ ਦੇ 28 ਹਜ਼ਾਰ 117 ਲੋਕਾਂ ਤੋਂ ਬਾਅਦ ਗੁਜਰਾਤ ਤੀਜੇ ਨੰਬਰ 'ਤੇ ਹੈ। ਇਹ ਖਾਸ ਕਰਕੇ ਕੋਵਿਡ ਪੀਰੀਅਡ ਤੋਂ ਬਾਅਦ ਵਧਿਆ ਹੈ।
ਨਾਂ ਦਾ ਖੁਲਾਸਾ ਨਾ ਕਰਦੇ ਹੋਏ ਇਕ ਅਧਿਕਾਰੀ ਨੇ ਦੱਸਿਆ ਕਿ ਜ਼ਿਆਦਾਤਰ ਨੌਜਵਾਨ ਪੜ੍ਹਾਈ ਦੇ ਮਕਸਦ ਨਾਲ ਵਿਦੇਸ਼ ਜਾਂਦੇ ਹਨ ਅਤੇ ਬਾਅਦ 'ਚ ਉਥੇ ਹੀ ਵਸ ਜਾਂਦੇ ਹਨ। ਇਸ ਦੇ ਨਾਲ ਹੀ ਪਾਸਪੋਰਟ ਕੰਸਲਟੈਂਟ ਰਿਤੇਸ਼ ਦੇਸਾਈ ਨੇ ਕਿਹਾ ਕਿ ਉਮੀਦ ਹੈ ਕਿ 2028 ਤੱਕ ਪਾਸਪੋਰਟ ਸੌਂਪਣ ਵਾਲੇ ਲੋਕਾਂ ਦੀ ਗਿਣਤੀ ਵਿੱਚ ਭਾਰੀ ਵਾਧਾ ਹੋਵੇਗਾ ਕਿਉਂਕਿ ਜਿਹੜੇ ਲੋਕ ਵਿਦੇਸ਼ਾਂ ਵਿੱਚ ਪਹੁੰਚ ਚੁੱਕੇ ਹਨ, ਉਨ੍ਹਾਂ ਨੂੰ ਉਥੋਂ ਦੀ ਨਾਗਰਿਕਤਾ ਮਿਲ ਰਹੀ ਹੈ।