Pakistani Mehwish Love Story : ਦੋ ਬੱਚਿਆਂ ਦੇ ਪਿਤਾ ਨੂੰ ਦਿਲ ਦੇ ਬੈਠੀ ਪਾਕਿਸਤਾਨ ਦੀ ਮਹਿਵਿਸ਼, ਪਿਆਰ ਲਈ ਟੱਪ ਆਈ ਸਰਹੱਦਾਂ

Mehwish-Rehman Love Story : ਤੁਸੀਂ ਪਾਕਿਸਤਾਨ ਦੀ ਸੀਮਾ ਹੈਦਰ ਅਤੇ ਭਾਰਤ ਦੇ ਸਚਿਨ ਮੀਨਾ ਦੀ ਲਵ ਸਟੋਰੀ ਤੋਂ ਜਾਣੂ ਹੋਵੋਗੇ। ਰਾਜਸਥਾਨ ਵਿੱਚ ਇੱਕ ਵਾਰ ਫਿਰ ਅਜਿਹੀ ਹੀ ਕਹਾਣੀ ਦੁਹਰਾਈ ਗਈ ਹੈ। ਇਸ ਕਹਾਣੀ ਦੇ ਪਾਤਰ ਪਾਕਿਸਤਾਨ ਦੇ ਮਹਿਵਿਸ਼ ਅਤੇ ਰਾਜਸਥਾਨ ਦੇ ਚੁਰੂ ਜ਼ਿਲ੍ਹੇ ਦੇ ਰਹਿਮਾਨ ਹਨ। ਭਾਰਤ-ਪਾਕਿਸਤਾਨ ਅੰਤਰਰਾਸ਼ਟਰੀ ਸਰਹੱਦ ਦੇ ਦੋਵਾਂ ਪਾਸਿਆਂ ਤੋਂ ਇਹ ਲਵ ਬਰਡ ਹੁਣ ਇੱਕ ਹੋ ਗਏ ਹਨ। ਇਨ੍ਹਾਂ ਦੋਹਾਂ ਕਹਾਣੀਆਂ ਵਿੱਚ ਕੁਝ ਸਮਾਨਤਾਵਾਂ ਹਨ ਅਤੇ ਕੁਝ ਚੀਜ਼ਾਂ ਵੱਖਰੀਆਂ ਹਨ। ਪਰ ਟੀਚਾ ਸਿਰਫ ਇੱਕ ਸੀ, ਆਪਣੇ ਪਿਆਰ ਕੋਲ ਪਹੁੰਚਣਾ।

ਦਰਅਸਲ, ਪਾਕਿਸਤਾਨ ਦੇ ਲਾਹੌਰ ਦੀ ਰਹਿਣ ਵਾਲੀ ਮਹਿਵਿਸ਼ ਨੇ ਚੁਰੂ ਜ਼ਿਲੇ ਦੇ ਪਿਥੀਸਰ ਪਿੰਡ ਦੇ ਰਹਿਣ ਵਾਲੇ ਰਹਿਮਾਨ ਨਾਲ ਰਸਮੀ ਵਿਆਹ ਕਰਵਾ ਲਿਆ ਹੈ। ਦੋਵਾਂ ਦੀ ਮੁਲਾਕਾਤ ਇਮੋ ਨਾਂ ਦੇ ਸੋਸ਼ਲ ਮੀਡੀਆ ਪਲੇਟਫਾਰਮ ਰਾਹੀਂ ਹੋਈ ਸੀ। ਇਨ੍ਹਾਂ ਈ-ਮੀਟਿੰਗ ਤੋਂ ਬਾਅਦ ਦੋਵੇਂ ਜੋੜੇ ਇੱਕ-ਦੂਜੇ ਨਾਲ ਫਲਰਟ ਕਰਨ ਲੱਗੇ। ਸੀਮਾ ਹੈਦਰ ਆਪਣੇ ਚਾਰ ਬੱਚਿਆਂ ਨਾਲ ਨੇਪਾਲ ਦੇ ਰਸਤੇ ਗੈਰ-ਕਾਨੂੰਨੀ ਤਰੀਕੇ ਨਾਲ ਭਾਰਤ ਪਹੁੰਚੀ ਸੀ। ਇਸ ਦੌਰਾਨ ਮਹਿਵਿਸ਼ ਆਪਣੇ ਦੋਵੇਂ ਬੱਚਿਆਂ ਨੂੰ ਪਿੱਛੇ ਛੱਡ ਕੇ ਵਾਹਘਾ ਸਰਹੱਦ ਤੋਂ ਰਸਮੀ ਤੌਰ 'ਤੇ ਭਾਰਤ ਆਈ ਹੈ।

ਮਹਿਵਿਸ਼ ਅਤੇ ਰਹਿਮਾਨ ਇੱਕ ਹੀ ਧਰਮ ਨਾਲ ਹਨ ਸਬੰਧਤ

ਜਿੱਥੇ ਸੀਮਾ ਹੈਦਰ ਅਤੇ ਸਚਿਨ ਦੋਵੇਂ ਵੱਖ-ਵੱਖ ਧਰਮਾਂ ਨਾਲ ਸਬੰਧਤ ਸਨ, ਉਥੇ ਹੀ ਮਹਿਵਿਸ਼ ਅਤੇ ਰਹਿਮਾਨ ਇੱਕੋ ਧਰਮ ਨਾਲ ਸਬੰਧਤ ਸਨ। ਦੋਵਾਂ ਜੋੜਿਆਂ ਦਾ ਪਿਆਰ ਆਨਲਾਈਨ ਮੁਲਾਕਾਤਾਂ ਨਾਲ ਸ਼ੁਰੂ ਹੋਇਆ ਸੀ, ਪਰ ਹਾਲਾਤ ਵੱਖਰੇ ਸਨ। ਮਹਿਵਿਸ਼ ਜਹਾਂ ਨੇ ਆਪਣੇ ਪਤੀ ਨੂੰ ਤਲਾਕ ਦੇ ਦਿੱਤਾ ਹੈ। ਰਹਿਮਾਨ ਨੇ ਵੀ ਆਪਣੀ ਪਤਨੀ ਨੂੰ ਛੱਡ ਦਿੱਤਾ ਹੈ। ਦੋਵਾਂ ਦੇ ਦੋ-ਦੋ ਬੱਚੇ ਹਨ। ਜਦਕਿ ਸੀਮਾ ਦੇ ਚਾਰ ਬੱਚੇ ਹਨ। ਸੀਮਾ ਹੈਦਰ ਸੋਸ਼ਲ ਮੀਡੀਆ 'ਤੇ ਕਾਫੀ ਮਸ਼ਹੂਰ ਰਹੀ ਹੈ ਪਰ ਮਹਿਵਿਸ਼ ਦੇ ਨਾਲ ਅਜਿਹਾ ਨਹੀਂ ਹੈ।

ਮਹਿਵਿਸ਼ ਸਾਲਾਂ ਤੋਂ ਬਿਊਟੀ ਪਾਰਲਰ 'ਚ ਕੰਮ ਕਰ ਰਹੀ ਹੈ

ਪਾਕਿਸਤਾਨ ਤੋਂ ਰਾਜਸਥਾਨ ਦੇ ਰਹਿਮਾਨ ਦੀ ਦੁਲਹਨ ਬਣ ਕੇ ਆਈ ਮਹਿਵਿਸ਼ ਸਾਲਾਂ ਤੋਂ ਬਿਊਟੀ ਪਾਰਲਰ 'ਚ ਕੰਮ ਕਰ ਰਹੀ ਹੈ। 2006 'ਚ ਪਾਕਿਸਤਾਨ ਦੇ ਬਦਾਮੀ ਬਾਗ ਦੇ ਖੁਰਰਮ ਸ਼ਹਿਜ਼ਾਦ ਨਾਲ ਵਿਆਹ ਕਰਵਾਉਣ ਵਾਲੀ ਮਹਿਵਿਸ਼ ਨੇ 12 ਸਾਲ ਬਾਅਦ 2018 'ਚ ਆਪਣੇ ਪਤੀ ਤੋਂ ਤਲਾਕ ਲੈ ਲਿਆ ਸੀ। ਇਸ ਦੌਰਾਨ ਉਸ ਦੇ ਦੋ ਪੁੱਤਰ ਹੋਏ। ਇਨ੍ਹਾਂ ਵਿੱਚੋਂ ਇੱਕ ਪੁੱਤਰ ਦੀ ਉਮਰ 12 ਸਾਲ ਅਤੇ ਦੂਜੇ ਦੀ ਉਮਰ 7 ਸਾਲ ਹੈ। ਮਹਿਵਿਸ਼ ਦਾ 2018 ਵਿੱਚ ਆਪਣੇ ਪਹਿਲੇ ਪਤੀ ਤੋਂ ਤਲਾਕ ਹੋ ਗਿਆ ਸੀ।