Video : ਭਾਰਤ ਕ੍ਰਿਕਟ ਟੀਮ ਦੇ ਸਾਬਕਾ ਕੋਚ ਦੇ ਮੁੰਡੇ ਨੇ ਲਿੰਗ ਕਰਵਾਇਆ ਤਬਦੀਲ, ਆਰੀਅਨ ਤੋਂ ਬਣਿਆ 'ਅਨਾਇਆ'

Sanjay Bangar son Aryan becomes Anaya : ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਆਲਰਾਊਂਡਰ ਅਤੇ ਟੀਮ ਇੰਡੀਆ ਦੇ ਸਾਬਕਾ ਬੱਲੇਬਾਜ਼ੀ ਕੋਚ ਸੰਜੇ ਬਾਂਗੜ ਇਨ੍ਹੀਂ ਦਿਨੀਂ ਸੁਰਖੀਆਂ 'ਚ ਹਨ। ਉਨ੍ਹਾਂ ਦੇ ਬੇਟੇ ਆਰੀਅਨ ਬੰਗੜ ਨੇ ਅਜਿਹਾ ਕਦਮ ਚੁੱਕਿਆ ਜਿਸ ਦੀ ਹਰ ਪਾਸੇ ਚਰਚਾ ਹੋ ਰਹੀ ਹੈ। ਮੁੰਡੇ ਦੇ ਰੂਪ 'ਚ ਪੈਦਾ ਹੋਏ ਆਰੀਅਨ ਨੇ ਲਿੰਗ ਬਦਲਣ ਦਾ ਆਪਰੇਸ਼ਨ ਕਰਵਾਇਆ ਅਤੇ ਹੁਣ ਉਹ ਅਨਾਇਆ ਬਾਂਗਰ ਬਣ ਕੇ ਬਹੁਤ ਖੁਸ਼ ਹੈ। ਹਾਲਾਂਕਿ ਹੁਣ ਉਨ੍ਹਾਂ ਦਾ ਆਪਣੇ ਪਿਤਾ ਵਾਂਗ ਕ੍ਰਿਕਟ ਦੀ ਦੁਨੀਆ 'ਚ ਨਾਂ ਕਮਾਉਣ ਦਾ ਸੁਪਨਾ ਪੂਰਾ ਨਹੀਂ ਹੋ ਸਕਦਾ। ਪੁਰਸ਼ ਕ੍ਰਿਕਟਰ ਦੇ ਤੌਰ 'ਤੇ ਉਸ ਦਾ ਕਰੀਅਰ ਖਤਮ ਹੋ ਗਿਆ ਹੈ।

ਭਾਰਤੀ ਕ੍ਰਿਕਟ ਟੀਮ ਨਾਲ ਜੁੜੇ ਸੰਜੇ ਬੰਗੜ ਇੰਡੀਅਨ ਪ੍ਰੀਮੀਅਰ ਲੀਗ ਵਿੱਚ ਵਿਰਾਟ ਕੋਹਲੀ ਦੀ ਟੀਮ ਨੂੰ ਕੋਚ ਵੀ ਦੇ ਚੁੱਕੇ ਹਨ। ਉਨ੍ਹਾਂ ਦੇ ਬੇਟੇ ਆਰੀਅਨ ਨੇ ਵਿਆਹ ਕਰਨ ਦਾ ਫੈਸਲਾ ਕੀਤਾ ਹੈ ਅਤੇ ਹੁਣ ਆਪਣੇ ਇਸ ਮੁਸ਼ਕਲ ਸਫਰ ਨੂੰ ਸਾਰਿਆਂ ਨਾਲ ਸਾਂਝਾ ਕੀਤਾ ਹੈ। ਮਰਦ ਤੋਂ ਔਰਤ ਵਿਚ ਬਦਲਣ ਤੋਂ ਬਾਅਦ, ਆਰੀਅਨ ਜਾਂ ਅਨਾਇਆ ਨੇ ਐਤਵਾਰ ਰਾਤ ਨੂੰ ਸੋਸ਼ਲ ਮੀਡੀਆ 'ਤੇ ਇਕ ਵੀਡੀਓ ਪੋਸਟ ਕੀਤਾ। ਆਪਣੇ ਇੰਸਟਾਗ੍ਰਾਮ ਹੈਂਡਲ 'ਤੇ 10 ਮਹੀਨਿਆਂ ਦੇ ਹਾਰਮੋਨਲ ਬਦਲਾਅ ਦੇ ਸੰਘਰਸ਼ ਦਾ ਵੀਡੀਓ ਸਾਰਿਆਂ ਨਾਲ ਸਾਂਝਾ ਕੀਤਾ।

ਇੱਕ ਇੰਸਟਾਗ੍ਰਾਮ ਵੀਡੀਓ ਵਿੱਚ, ਅਨਾਇਆ ਨੇ ਪਿਛਲੇ 11 ਮਹੀਨਿਆਂ ਵਿੱਚ ਐਚਆਰਟੀ (ਹਾਰਮੋਨ ਰਿਪਲੇਸਮੈਂਟ ਥੈਰੇਪੀ) ਕਾਰਨ ਹੋਏ ਬਦਲਾਅ 'ਤੇ ਇੱਕ ਵੀਡੀਓ ਬਣਾ ਕੇ ਆਪਣੀ ਗੱਲ ਅੱਗੇ ਰੱਖੀ। ਸਰਜਰੀ ਤੋਂ ਲਗਭਗ 11 ਮਹੀਨੇ ਬਾਅਦ ਇਸ ਕ੍ਰਿਕਟਰ ਨੇ ਅਨਾਇਆ ਬਣ ਕੇ ਆਪਣੀ ਵੱਖਰੀ ਪਛਾਣ ਬਣਾਈ ਹੈ। ਉਸ ਨੇ ਦੱਸਿਆ ਕਿ ਇਸ ਮੁਸ਼ਕਲ ਫੈਸਲੇ ਤੋਂ ਬਾਅਦ ਉਸ ਨੂੰ ਕ੍ਰਿਕਟ ਛੱਡਣੀ ਪਵੇਗੀ।

ਉਸਨੇ ਪੋਸਟ ਵਿੱਚ ਲਿਖਿਆ, “ਮੈਂ ਕਦੇ ਨਹੀਂ ਸੋਚਿਆ ਸੀ ਕਿ ਮੈਨੂੰ ਖੇਡ ਛੱਡਣੀ ਪਵੇਗੀ, ਜੋ ਮੇਰਾ ਜਨੂੰਨ ਅਤੇ ਮੇਰਾ ਪਿਆਰ ਸੀ। ਮੈਂ ਬਹੁਤ ਹੀ ਦਰਦਨਾਕ ਹਕੀਕਤ ਦਾ ਸਾਹਮਣਾ ਕਰ ਰਿਹਾ ਹਾਂ। ਹਾਰਮੋਨ ਰਿਪਲੇਸਮੈਂਟ ਥੈਰੇਪੀ (HRT) ਤੋਂ ਬਾਅਦ ਟਰਾਂਸ ਵੂਮੈਨ ਬਣਨ ਤੋਂ ਬਾਅਦ ਸਰੀਰ 'ਚ ਕਾਫੀ ਬਦਲਾਅ ਆਇਆ ਹੈ। ਉਸ ਨੇ ਮਾਸਪੇਸ਼ੀਆਂ, ਤਾਕਤ ਅਤੇ ਐਥਲੈਟਿਕ ਯੋਗਤਾਵਾਂ ਨੂੰ ਗੁਆ ਦਿੱਤਾ ਹੈ, ਜਿਸ 'ਤੇ ਉਹ ਕਦੇ ਨਿਰਭਰ ਕਰਦੀ ਸੀ। ਉਸ ਨੇ ਕਿਹਾ ਜਿਸ ਖੇਡ ਨੂੰ ਮੈਂ ਲੰਬੇ ਸਮੇਂ ਤੋਂ ਪਿਆਰ ਕਰਦੀ ਸੀ, ਉਹ ਵੀ ਮੇਰੇ ਤੋਂ ਦੂਰ ਹੁੰਦੀ ਜਾ ਰਹੀ ਹੈ।