Corporate World Tips : ਕਾਰਪੋਰੇਟ ਜ਼ਿੰਦਗੀ 'ਚ Boss ਦੇ ਰਵੱਈਏ ਤੋਂ ਪ੍ਰੇਸ਼ਾਨ ਹੋ? ਜਾਣੋ ਇਹ 7 ਨੁਕਤੇ, ਨਹੀਂ ਰਹੇਗੀ ਕੋਈ ਟੈਨਸ਼ਨ

Corporate Healthy Life Style : ਅਸੀਂ ਆਪਣੇ ਦਿਨ ਦਾ ਜ਼ਿਆਦਾਤਰ ਸਮਾਂ ਦਫਤਰ ਵਿੱਚ ਬਿਤਾਉਂਦੇ ਹਾਂ। ਇਸ ਲਈ ਦਫਤਰ ਦਾ ਮਾਹੌਲ, ਤੁਹਾਡੇ ਸਹਿਕਰਮੀਆਂ ਅਤੇ ਬੌਸ ਦਾ ਸਹੀ ਰਵੱਈਆ ਬਹੁਤ ਮਾਇਨੇ ਰੱਖਦਾ ਹੈ। ਇੱਕ ਅਸੁਰੱਖਿਅਤ ਅਤੇ ਚਿੜਚਿੜੇ ਬੌਸ ਨਾਲ ਨਜਿੱਠਣਾ ਇੱਕ ਚੁਣੌਤੀਪੂਰਨ ਸਥਿਤੀ ਹੋ ਸਕਦੀ ਹੈ। ਕਈ ਵਾਰ ਬੌਸ ਦਾ ਇਹ ਚਿੜਚਿੜਾ ਰਵੱਈਆ ਤੁਹਾਡੀ ਮਾਨਸਿਕ ਸਿਹਤ 'ਤੇ ਸਿੱਧਾ ਅਸਰ ਪਾਉਂਦਾ ਹੈ। ਪਰ ਜੇਕਰ ਤੁਸੀਂ ਕੁੱਝ ਸਹੀ ਨੁਕਤਿਆਂ ਨੂੰ ਆਪਣੀ ਕਾਰਪੋਰੇਟ ਜ਼ਿੰਦਗੀ 'ਚ ਅਪਣਾਉਂਦੇ ਹੋ, ਤਾਂ ਤੁਸੀਂ ਇਸ ਸਥਿਤੀ ਨੂੰ ਵਧੀਆ ਢੰਗ ਨਾਲ ਸੰਭਾਲ ਸਕਦੇ ਹੋ। ਆਓ ਜਾਣਦੇ ਹਾਂ ਕਿਹੜੇ ਹਨ ਉਹ 7 ਨੁਕਤੇ...

1. ਹਮਦਰਦੀ ਦਿਖਾਓ ਅਤੇ ਸਮਝੋ: ਬੌਸ ਦੇ ਵਿਵਹਾਰ ਦੇ ਪਿੱਛੇ ਨਿੱਜੀ ਜਾਂ ਪੇਸ਼ੇਵਰ ਚਿੰਤਾਵਾਂ ਹੋ ਸਕਦੀਆਂ ਹਨ। ਅਜਿਹੇ 'ਚ ਹਰ ਵਾਰ ਨੁਕਸ ਕੱਢਣ ਦੀ ਬਜਾਏ ਉਨ੍ਹਾਂ ਉਪਰਲੇ ਦਬਾਅ ਨੂੰ ਸਮਝਣਾ ਅਤੇ ਹਮਦਰਦੀ ਦਿਖਾਉਣਾ ਬਿਹਤਰ ਹੈ। ਕਈ ਵਾਰ ਤੁਸੀਂ ਆਪਣੇ ਬੌਸ ਦੇ ਨਜ਼ਰੀਏ ਨੂੰ ਸਮਝ ਕੇ ਆਪਣੀ ਮਦਦ ਕਰ ਸਕਦੇ ਹੋ।
2. ਕਿਰਿਆਸ਼ੀਲ ਅਤੇ ਪਾਰਦਰਸ਼ੀ ਬਣੋ : ਚਿੜਚਿੜੇ ਬੌਸ ਨਾਲ ਬਿਹਤਰ ਕੰਮ ਕਰਨ ਲਈ, ਇਹ ਜ਼ਰੂਰੀ ਹੈ ਕਿ ਤੁਸੀਂ ਇਕਸਾਰ ਰਹੋ। ਆਪਣੀਆਂ ਤਰਜੀਹਾਂ ਨੂੰ ਆਪਣੇ ਬੌਸ ਨੂੰ ਸਪਸ਼ਟ ਰੂਪ ਵਿੱਚ ਸਮਝਾਓ। ਬੌਸ ਨੂੰ ਪੁੱਛਣ ਦੀ ਬਜਾਏ, ਤੁਹਾਨੂੰ ਕੰਮ ਦੀ ਸਹੀ ਸਥਿਤੀ ਬਾਰੇ ਅਪਡੇਟ ਦੇਣਾ ਚਾਹੀਦਾ ਹੈ, ਤਾਂ ਜੋ ਉਲਝਣ ਤੋਂ ਬਚਿਆ ਜਾ ਸਕੇ। ਜੇ ਤੁਸੀਂ ਕੁਝ ਸਮੇਂ ਲਈ ਕੰਮ 'ਤੇ ਨਹੀਂ ਹੋ, ਤਾਂ ਪਹਿਲਾਂ ਤੋਂ ਸੂਚਿਤ ਕਰੋ ਤਾਂ ਜੋ ਉਹ ਚਿੰਤਤ ਨਾ ਹੋਣ।
3. ਫੈਸਲਿਆਂ ਦਾ ਆਦਰ ਕਰੋ : ਜਦੋਂ ਵੀ ਬੌਸ ਕੋਈ ਫੈਸਲਾ ਲੈਂਦਾ ਹੈ, ਤਾਂ ਉਸ ਦੇ ਦ੍ਰਿਸ਼ਟੀਕੋਣ ਅਤੇ ਫੈਸਲਿਆਂ ਦਾ ਸਨਮਾਨ ਕਰੋ, ਭਾਵੇਂ ਤੁਸੀਂ ਉਸ ਨਾਲ ਸਹਿਮਤ ਨਾ ਹੋਵੋ। ਤੁਹਾਡੇ ਰਾਹੀਂ ਦਿਖਾਏ ਗਏ ਆਦਰ ਨਾਲ ਉਹਨਾਂ ਨੂੰ ਵਧੇਰੇ ਹਮਦਰਦੀ ਮਹਿਸੂਸ ਹੋ ਸਕਦੀ ਹੈ ਅਤੇ ਉਹ ਵੀ ਸਕਾਰਾਤਮਕ ਰਵੱਈਆ ਅਪਨਾਉਣ ਵੱਲ ਧਿਆਨ ਦੇਣਗੇ।
4. ਸਾਰਥਕ ਫੀਡਬੈਕ ਦਿਓ : ਜੇਕਰ ਤੁਸੀਂ ਮਹਿਸੂਸ ਕਰਦੇ ਹੋ ਕਿ ਤੁਹਾਡਾ ਬੌਸ ਚਿੜਚਿੜਾ ਜਾਂ ਅਸੁਰੱਖਿਅਤ ਹੈ, ਤਾਂ ਆਪਣਾ ਫੀਡਬੈਕ ਉਨ੍ਹਾਂ ਨੂੰ ਇਸ ਤਰੀਕੇ ਨਾਲ ਪੇਸ਼ ਕਰੋ, ਜੋ ਸਹਿਯੋਗੀ ਅਤੇ ਸੁਧਾਰਾਤਮਕ ਵਜੋਂ ਸਾਹਮਣੇ ਆਵੇ। ਵਿਰੋਧ ਦੀ ਬਜਾਏ ਸਹਿਯੋਗ ਦੀ ਭਾਵਨਾ ਨੂੰ ਅਜ਼ਮਾਓ।
5. ਸਬਰ ਰੱਖੋ ਅਤੇ ਤਣਾਅ ਨੂੰ ਘਟਾਓ : ਚਿੜਚਿੜੇ ਬੌਸ ਨਾਲ ਕੰਮ ਕਰਦੇ ਸਮੇਂ ਸਬਰ ਰੱਖਣਾ ਬਹੁਤ ਜ਼ਰੂਰੀ ਹੈ। ਉਨ੍ਹਾਂ ਦੀਆਂ ਭਾਵਨਾਵਾਂ ਅਤੇ ਸ਼ਬਦਾਂ ਨੂੰ ਨਿੱਜੀ ਤੌਰ 'ਤੇ ਨਾ ਲਓ। ਤੁਹਾਨੂੰ ਸਮਝਣਾ ਹੋਵੇਗਾ ਕਿ ਉਨ੍ਹਾਂ ਦਾ ਗੁੱਸਾ ਕਿਸੇ ਸਥਿਤੀ ਨੂੰ ਲੈ ਕੇ ਹੈ, ਤੁਹਾਡੇ ਲਈ ਨਹੀਂ।
6. ਸਕਾਰਾਤਮਕ ਰਵੱਈਆ ਰੱਖੋ : ਬੌਸ ਨਾਲ ਕੰਮ ਕਰਦੇ ਸਮੇਂ, ਹਮੇਸ਼ਾ ਸਕਾਰਾਤਮਕ ਰਵੱਈਆ ਰੱਖੋ। ਕਈ ਵਾਰ, ਨਕਾਰਾਤਮਕ ਰਵੱਈਏ ਦੇ ਕਾਰਨ, ਅਸੀਂ ਸਹੀ ਚੀਜ਼ਾਂ ਨੂੰ ਵੀ ਗਲਤ ਰੌਸ਼ਨੀ ਵਿੱਚ ਦੇਖਦੇ ਹਾਂ।
7. ਸੀਮਾਵਾਂ ਨਿਰਧਾਰਤ ਕਰੋ : ਜੇਕਰ ਤੁਹਾਡੇ ਬੌਸ ਦਾ ਵਿਵਹਾਰ ਅਸਹਿ ਹੋ ਜਾਂਦਾ ਹੈ ਜਾਂ ਉਹ ਦੁਰਵਿਵਹਾਰ ਕਰਨਾ ਜਾਰੀ ਰੱਖਦਾ ਹੈ, ਤਾਂ ਹਰ ਵਾਰ ਇਸ ਨੂੰ ਸਹਿਣਾ ਕੋਈ ਹੱਲ ਨਹੀਂ ਹੈ। ਤੁਹਾਨੂੰ ਸ਼ਾਂਤੀ ਨਾਲ ਆਪਣੇ ਬੌਸ ਨੂੰ ਸਮਝਾਉਣਾ ਚਾਹੀਦਾ ਹੈ ਕਿ ਇਸ ਤਰ੍ਹਾਂ ਦਾ ਵਿਵਹਾਰ ਵਾਰ-ਵਾਰ ਬਰਦਾਸ਼ਤ ਨਹੀਂ ਕੀਤਾ ਜਾ ਸਕਦਾ। ਕਈ ਵਾਰ ਤੁਹਾਡੀ ਚੁੱਪ ਲੋਕਾਂ ਨੂੰ ਤੁਹਾਡੇ ਸਾਹਮਣੇ ਬੇਰਹਿਮੀ ਨਾਲ ਪੇਸ਼ ਆਉਣ ਦਿੰਦੀ ਹੈ।

ਭਾਵੇਂ ਤੁਸੀਂ ਕਿਸੇ ਕਾਰਪੋਰੇਟ ਵਿੱਚ ਜਾਂ ਕਿਸੇ ਦਫ਼ਤਰ ਵਿੱਚ ਕੰਮ ਕਰ ਰਹੇ ਹੋ, ਤੁਹਾਡੇ ਕੋਲ ਹਮੇਸ਼ਾ ਆਪਣੇ ਵਿਚਾਰ ਪ੍ਰਗਟ ਕਰਨ ਦਾ ਹੱਕ ਹੈ। ਜੇਕਰ ਸਥਿਤੀ ਗੰਭੀਰ ਹੋ ਜਾਂਦੀ ਹੈ, ਤਾਂ ਤੁਹਾਨੂੰ HR ਤੋਂ ਮਦਦ ਲੈਣ ਬਾਰੇ ਵਿਚਾਰ ਕਰਨਾ ਚਾਹੀਦਾ ਹੈ। ਕੋਈ ਵੀ ਕੰਪਨੀ ਆਪਣੇ ਕਰਮਚਾਰੀਆਂ ਨੂੰ ਅਜਿਹੇ ਮਾਹੌਲ ਵਿੱਚ ਕੰਮ ਕਰਨ ਦੀ ਇਜਾਜ਼ਤ ਨਹੀਂ ਦਿੰਦੀ।