Election Results 2023 Highlights: ਭਾਜਪਾ ਦੇ 'ਤੂਫਾਨ' ਨੇ ਤਿੰਨ ਸੂਬਿਆਂ 'ਚ ਕੀਤਾ ਕਾਂਗਰਸ ਦਾ ਸਫਾਇਆ

Dec 3, 2023 04:53 PM

Election Results: ਪੀਐਮ ਮੋਦੀ ਨੇ ਕਿਹਾ - ਜਨਤਾ ਜਨਾਰਦਨ ਨੂੰ ਸਲਾਮ

ਚੋਣ ਨਤੀਜਿਆਂ ਬਾਰੇ ਪੀ.ਐਮ. ਮੋਦੀ ਨੇ ਆਪਣੇ ਸੋਸ਼ਲ ਮੀਡੀਆ ਹੈਂਡਲ 'ਤੇ ਲਿਖਿਆ ਹੈ ਮੱਧ ਪ੍ਰਦੇਸ਼, ਰਾਜਸਥਾਨ ਅਤੇ ਛੱਤੀਸਗੜ੍ਹ ਦੇ ਚੋਣ ਨਤੀਜੇ ਇਹ ਦਰਸਾ ਰਹੇ ਹਨ ਕਿ ਭਾਰਤ ਦੇ ਲੋਕਾਂ ਦਾ ਭਰੋਸਾ ਸਿਰਫ਼ ਸੁਸ਼ਾਸਨ ਅਤੇ ਵਿਕਾਸ ਦੀ ਰਾਜਨੀਤੀ ਵਿੱਚ ਹੈ, ਉਨ੍ਹਾਂ ਦਾ ਵਿਸ਼ਵਾਸ ਭਾਜਪਾ ਵਿੱਚ ਹੈ। ਮੈਂ ਉਨ੍ਹਾਂ ਨੂੰ ਭਰੋਸਾ ਦਿਵਾਉਂਦਾ ਹਾਂ ਕਿ ਅਸੀਂ ਤੁਹਾਡੀ ਭਲਾਈ ਲਈ ਅਣਥੱਕ ਕੰਮ ਕਰਦੇ ਰਹਾਂਗੇ।

Dec 3, 2023 04:52 PM

Election Results: ਰਾਜਨਾਥ ਸਿੰਘ ਨੇ ਕਿਹਾ- ਪ੍ਰਧਾਨ ਮੰਤਰੀ ਮੋਦੀ ਦੀ ਅਗਵਾਈ ਅਤੇ ਭਾਜਪਾ ਪ੍ਰਤੀ ਜਨਤਾ ਦੇ ਭਰੋਸੇ ਦੀ ਜਿੱਤ

ਚੋਣਾਂ ਦੇ ਨਤੀਜਿਆਂ ਦੀ ਗੱਲ ਕਰੀਏ ਤਾਂ ਰਾਜਨਾਥ ਸਿੰਘ ਨੇ ਕਿਹਾ ਕਿ ਮੱਧ ਪ੍ਰਦੇਸ਼, ਰਾਜਸਥਾਨ ਅਤੇ ਛੱਤੀਸਗੜ੍ਹ ਦੀਆਂ ਵਿਧਾਨ ਸਭਾ ਚੋਣਾਂ ਵਿੱਚ ਮਿਲੀ ਸ਼ਾਨਦਾਰ ਜਿੱਤ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਭਾਜਪਾ ਪ੍ਰਤੀ ਲੋਕਾਂ ਦੇ ਮਜ਼ਬੂਤ ​​ਵਿਸ਼ਵਾਸ ਦੀ ਹੈ।

Dec 3, 2023 03:59 PM

Telangana Election Results 2023: ਕਾਂਗਰਸ ਦੀ ਤੇਲੰਗਾਨਾ ਦੇ ਜੁੱਕਲ ਅਤੇ ਮੇਡਕ ਤੋਂ ਜਿੱਤ

ਚੋਣ ਕਮਿਸ਼ਨ ਮੁਤਾਬਕ- ਤੇਲੰਗਾਨਾ ਦੇ ਜੁੱਕਲ ਅਤੇ ਮੇਡਕ ਤੋਂ ਕਾਂਗਰਸ ਨੇ ਜਿੱਤ ਦਰਜ ਕੀਤੀ ਹੈ। ਬੀਆਰਐਸ ਨੇ ਕੁਥਬੁੱਲਾਪੁਰ ਸੀਟ ਜਿੱਤੀ।

Dec 3, 2023 03:56 PM

MP Election Results: ਮੱਧ ਪ੍ਰਦੇਸ਼ ਵਿੱਚ ਪਹਿਲਾ ਨਤੀਜਾ ਭਾਜਪਾ ਦੇ ਹੱਕ ਵਿੱਚ ਆਇਆ

ਮੱਧ ਪ੍ਰਦੇਸ਼ ਚੋਣਾਂ ਦਾ ਪਹਿਲਾ ਨਤੀਜਾ ਭਾਜਪਾ ਦੇ ਹੱਕ ਵਿੱਚ ਗਿਆ ਹੈ। ਨੇਪਾਨਗਰ ਤੋਂ ਭਾਜਪਾ ਦੀ ਮੰਜੂ ਰਾਜਿੰਦਰ ਦਾਦੂ ਨੇ ਕਾਂਗਰਸ ਦੀ ਗੇਂਦੂ ਬਾਈ ਨੂੰ 44,805 ਵੋਟਾਂ ਦੇ ਫਰਕ ਨਾਲ ਹਰਾਇਆ।

Dec 3, 2023 03:56 PM

Rajasthan Election Results: ਸੀਐਮ ਅਸ਼ੋਕ ਗਹਿਲੋਤ ਅੱਜ ਦੇਣਗੇ ਅਸਤੀਫ਼ਾ

ਰਾਜਸਥਾਨ ਵਿੱਚ ਸੀਐਮ ਅਸ਼ੋਕ ਗਹਿਲੋਤ 5.30 ਵਜੇ ਰਾਜ ਭਵਨ ਜਾਣਗੇ ਅਤੇ ਆਪਣਾ ਅਸਤੀਫਾ ਸੌਂਪਣਗੇ। ਦੱਸ ਦੇਈਏ ਕਿ ਰਾਜਸਥਾਨ ਵਿੱਚ ਭਾਜਪਾ ਨੇ ਬਹੁਮਤ ਦਾ ਅੰਕੜਾ ਪਾਰ ਕਰ ਲਿਆ ਹੈ।

Dec 3, 2023 03:21 PM

ਗਡਕਰੀ ਨੇ ਖੁਸ਼ੀ ਦਾ ਕੀਤਾ ਪ੍ਰਗਟਾਵਾ

ਤਿੰਨ ਰਾਜਾਂ ਵਿੱਚ ਭਾਜਪਾ ਦੀ ਜਿੱਤ ਦੇ ਰੁਝਾਨਾਂ ’ਤੇ ਕੇਂਦਰੀ ਮੰਤਰੀ ਨਿਤਿਨ ਗਡਕਰੀ ਨੇ ਗੁਜਰਾਤ ਵਿੱਚ ਕਿਹਾ ਕਿ ਦੇਸ਼ ਦੀ ਜਨਤਾ ਨੇ ਇਸ ਚੋਣ ਰਾਹੀਂ ਆਪਣਾ ਮੂਡ ਪ੍ਰਗਟ ਕੀਤਾ ਹੈ, ਖਾਸ ਕਰਕੇ ਮੱਧ ਪ੍ਰਦੇਸ਼, ਛੱਤੀਸਗੜ੍ਹ ਅਤੇ ਰਾਜਸਥਾਨ ਵਿੱਚ ਬਹੁਤ ਚੰਗੀ ਸਫਲਤਾ ਮਿਲੀ ਹੈ। ਪ੍ਰਧਾਨ ਮੰਤਰੀ ਮੋਦੀ ਦੀ ਅਗਵਾਈ ਹੇਠ ਸਾਡੀ ਸਰਕਾਰ ਵੱਲੋਂ ਅਪਣਾਈਆਂ ਗਈਆਂ ਨੀਤੀਆਂ ਦਾ ਸਮਰਥਨ ਕਰਕੇ ਜਨਤਾ ਨੇ ਭਾਜਪਾ ਸਮਰਥਨ ਕੀਤਾ ਹੈ।

Dec 3, 2023 02:53 PM

ਮੈਂ ਇਸ ਜਿੱਤ ਨੂੰ ਮੋਦੀ ਜੀ ਨੂੰ ਸਮਰਪਿਤ ਕਰਦਾ ਹਾਂ: ਸ਼ਿਵਰਾਜ ਸਿੰਘ ਚੌਹਾਨ

ਮੱਧ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਸ਼ਿਵਰਾਜ ਸਿੰਘ ਚੌਹਾਨ ਨੇ ਵਿਧਾਨ ਸਭਾ ਚੋਣਾਂ ਵਿੱਚ ਜਿੱਤ ਨੂੰ ਪ੍ਰਧਾਨ ਮੰਤਰੀ ਮੋਦੀ ਨੂੰ ਸਮਰਪਿਤ ਕੀਤੀ। ਉਨ੍ਹਾਂ ਕਿਹਾ, 'ਮੈਂ ਇਸ ਜਿੱਤ ਨੂੰ ਮੋਦੀ ਜੀ ਨੂੰ ਸਮਰਪਿਤ ਕਰਦਾ ਹਾਂ। ਉਨ੍ਹਾਂ ਦੇ ਅਸ਼ੀਰਵਾਦ ਨਾਲ ਇਹ ਜਿੱਤ ਪ੍ਰਾਪਤ ਹੋਈ ਹੈ।

Dec 3, 2023 02:32 PM

ਚੋਣ ਕਮਿਸ਼ਨ ਦੀ ਵੈੱਬਸਾਈਟ ਮੁਤਾਬਕ ਰੁਝਾਨਾਂ ਮੁਤਾਬਕ ਤੇਲੰਗਾਨਾ 'ਚ ਕਾਂਗਰਸ 65 ਸੀਟਾਂ 'ਤੇ ਅੱਗੇ ਹੈ। ਕੇਸੀਆਰ ਦੀ ਪਾਰਟੀ ਬੀਆਰਐਸ ਨੂੰ 38 ਅਤੇ ਭਾਜਪਾ ਨੂੰ 8 ਸੀਟਾਂ 'ਤੇ ਲੀਡ ਮਿਲਦੀ ਨਜ਼ਰ ਆ ਰਹੀ ਹੈ। ਏਆਈਐਮਆਈਐਮ ਨੂੰ 6 ਅਤੇ ਸੀਪੀਆਈ ਨੂੰ ਇੱਕ ਸੀਟ ਉੱਤੇ ਲੀਡ ਮਿਲੀ ਹੈ।

Dec 3, 2023 01:52 PM

ਮੱਧ ਪ੍ਰਦੇਸ਼ ਦੇ ਰੁਝਾਨ

ਚੋਣ ਕਮਿਸ਼ਨ ਦੀ ਵੈੱਬਸਾਈਟ ਮੁਤਾਬਕ ਮੱਧ ਪ੍ਰਦੇਸ਼ 'ਚ ਭਾਜਪਾ 161 ਸੀਟਾਂ 'ਤੇ ਅੱਗੇ ਹੈ। ਕਾਂਗਰਸ ਨੂੰ 66 ਸੀਟਾਂ 'ਤੇ, ਬਸਪਾ ਨੂੰ 2 ਸੀਟਾਂ 'ਤੇ ਅਤੇ ਭਾਰਤ ਆਦਿਵਾਸੀ ਪਾਰਟੀ ਨੂੰ 1 ਸੀਟ 'ਤੇ ਲੀਡ ਮਿਲਦੀ ਨਜ਼ਰ ਆ ਰਹੀ ਹੈ।

Dec 3, 2023 01:12 PM

ਤੇਲੰਗਾਨਾ ਦੇ ਰੁਝਾਨ 'ਚ KCR ਦੀ 'ਕਾਰ' ਰੁਕੀ

ਚੋਣ ਕਮਿਸ਼ਨ ਦੀ ਵੈੱਬਸਾਈਟ ਮੁਤਾਬਕ ਤੇਲੰਗਾਨਾ 'ਚ ਕਾਂਗਰਸ 65 ਸੀਟਾਂ 'ਤੇ ਅੱਗੇ ਹੁੰਦੀ ਨਜ਼ਰ ਆ ਰਹੀ ਹੈ। ਕੇਸੀਆਰ ਦੀ ਪਾਰਟੀ ਬੀਆਰਐਸ ਨੂੰ 38 ਸੀਟਾਂ 'ਤੇ ਅਤੇ ਭਾਜਪਾ ਨੂੰ 10 ਸੀਟਾਂ 'ਤੇ ਲੀਡ ਮਿਲਦੀ ਨਜ਼ਰ ਆ ਰਹੀ ਹੈ। ਏਆਈਐਮਆਈਐਮ ਨੂੰ 4 ਅਤੇ ਸੀਪੀਆਈ ਨੂੰ ਇੱਕ ਸੀਟ ਉੱਤੇ ਲੀਡ ਮਿਲੀ ਹੈ।

Dec 3, 2023 12:12 PM

ਰਾਜਸਥਾਨ 'ਚ ਭਾਜਪਾ ਵਰਕਰਾਂ ਦਾ ਜਸ਼ਨ ਹੋਇਆ ਸ਼ੁਰੂ 

Dec 3, 2023 11:52 AM

ਨਰੋਤਮ ਮਿਸ਼ਰਾ ਪਿੱਛੇ, ਸੀਐਮ ਸ਼ਿਵਰਾਜ ਅੱਗੇ

ਚੋਣ ਕਮਿਸ਼ਨ ਦੇ ਅੰਕੜਿਆਂ ਅਨੁਸਾਰ ਰਾਜ ਦੇ ਗ੍ਰਹਿ ਮੰਤਰੀ ਨਰੋਤਮ ਮਿਸ਼ਰਾ ਮੱਧ ਪ੍ਰਦੇਸ਼ ਵਿੱਚ ਦੋ ਹਜ਼ਾਰ ਵੋਟਾਂ ਨਾਲ ਪਿੱਛੇ ਹਨ। ਜਦੋਂਕਿ ਸੀਐਮ ਸ਼ਿਵਰਾਜ ਸਿੰਘ ਚੌਹਾਨ ਆਪਣੇ ਵਿਰੋਧੀ ਤੋਂ ਵੱਡੇ ਫਰਕ ਨਾਲ ਅੱਗੇ ਚੱਲ ਰਹੇ ਹਨ। ਜਦੋਂ ਕਿ ਰਾਜਸਥਾਨ ਵਿੱਚ ਸੀਐਮ ਅਸ਼ੋਕ ਗਹਿਲੋਤ ਸਰਦਾਰਪੁਰਾ ਸੀਟ ਤੋਂ ਅੱਠ ਹਜ਼ਾਰ ਵੋਟਾਂ ਨਾਲ ਅੱਗੇ ਚੱਲ ਰਹੇ ਹਨ।

Dec 3, 2023 10:57 AM

ਹੈਦਰਾਬਾਦ ਵਿੱਚ ਕਾਂਗਰਸ ਪਾਰਟੀ ਨੇ ਜਸ਼ਨ ਮਨਾਉਣੇ ਸ਼ੁਰੂ ਕਰ ਦਿੱਤੇ ਹਨ

ਹੈਦਰਾਬਾਦ ਵਿੱਚ ਕਾਂਗਰਸ ਪਾਰਟੀ ਅੱਗੇ ਚੱਲ ਰਹੀ ਹੈ ਅਤੇ ਪਾਰਟੀ ਵਰਕਰਾਂ ਨੇ ਜਸ਼ਨ ਮਨਾਉਣਾ ਸ਼ੁਰੂ ਕਰ ਦਿੱਤਾ ਹੈ।

Dec 3, 2023 10:25 AM

ਛੱਤੀਸਗੜ੍ਹ ਵਿੱਚ ਕਰੀਬੀ ਮੁਕਾਬਲਾ

ਛੱਤੀਸਗੜ੍ਹ 'ਚ ਭਾਜਪਾ ਅਤੇ ਕਾਂਗਰਸ ਵਿਚਾਲੇ ਕਰੀਬੀ ਮੁਕਾਬਲਾ ਚੱਲ ਰਿਹਾ ਹੈ। ਰੁਝਾਨਾਂ ਵਿੱਚ ਕਦੇ ਭਾਜਪਾ ਅੱਗੇ ਹੈ ਤੇ ਕਦੇ ਕਾਂਗਰਸ ਅੱਗੇ। 10 ਵਜੇ ਤੱਕ ਹੋਈ ਵੋਟਾਂ ਦੀ ਗਿਣਤੀ ਮੁਤਾਬਕ ਕਾਂਗਰਸ 46 ਸੀਟਾਂ 'ਤੇ ਅੱਗੇ ਚੱਲ ਰਹੀ ਹੈ। ਇਸ ਦੇ ਨਾਲ ਹੀ ਭਾਜਪਾ 43 ਸੀਟਾਂ 'ਤੇ ਅਤੇ ਹੋਰ ਪਾਰਟੀਆਂ 1 ਸੀਟ 'ਤੇ ਅੱਗੇ ਚੱਲ ਰਹੀਆਂ ਹਨ।

Dec 3, 2023 10:21 AM

ਤੇਲੰਗਾਨਾ ਵਿੱਚ ਕਾਂਗਰਸ ਦਫ਼ਤਰ ਦੇ ਬਾਹਰ ਜਸ਼ਨ ਦਾ ਮਾਹੌਲ

ਤੇਲੰਗਾਨਾ ਦੇ ਰੁਝਾਨਾਂ ਵਿੱਚ ਕਾਂਗਰਸ ਨੇ ਵੱਡੀ ਬੜ੍ਹਤ ਬਣਾ ਲਈ ਹੈ। ਕਾਂਗਰਸ 65, ਬੀਆਰਐਸ 46, ਭਾਜਪਾ 2 ਅਤੇ ਏਆਈਐਮਆਈਐਮ 6 ਸੀਟਾਂ 'ਤੇ ਅੱਗੇ ਹੈ।

Dec 3, 2023 10:03 AM

ਭਾਜਪਾ ਐਮਪੀ ਵਿੱਚ ਰਚੇਗੀ ਇਤਿਹਾਸ

ਐਮਪੀ ਵਿੱਚ ਭਾਜਪਾ ਦੇ ਸੂਬਾ ਪ੍ਰਧਾਨ ਵੀਡੀ ਸ਼ਰਮਾ ਨੇ ਦਾਅਵਾ ਕੀਤਾ ਹੈ ਕਿ ਭਾਜਪਾ ਨੂੰ ਰਾਜ ਵਿੱਚ ਇਤਿਹਾਸਕ ਬਹੁਮਤ ਮਿਲੇਗਾ।

Dec 3, 2023 09:49 AM

ਕਮਲਨਾਥ ਦੇ ਗੜ੍ਹ 'ਚ ਕਾਂਗਰਸ ਪੱਛੜੀ

ਛਿੰਦਵਾੜਾ ਦੀਆਂ ਚਾਰ 'ਚੋਂ ਤਿੰਨ ਸੀਟਾਂ 'ਤੇ ਭਾਜਪਾ ਅੱਗੇ ਹੈ, ਸਿਰਫ ਕਮਲਨਾਥ ਆਪਣੀ ਸੀਟ 'ਤੇ ਅੱਗੇ ਹਨ। 

Dec 3, 2023 09:47 AM

ਤੇਲੰਗਾਨਾ ਦੇ ਰੁਝਾਨਾਂ 'ਚ ਕਾਂਗਰਸ ਨੇ ਕੀਤਾ ਬਹੁਮਤ ਨੂੰ ਪਾਰ

ਤੇਲੰਗਾਨਾ ਦੀਆਂ 119 ਸੀਟਾਂ 'ਤੇ ਸਾਹਮਣੇ ਆਏ ਰੁਝਾਨਾਂ 'ਚ ਕਾਂਗਰਸ ਨੂੰ ਬਹੁਮਤ ਮਿਲਦਾ ਨਜ਼ਰ ਆ ਰਿਹਾ ਹੈ। ਕਾਂਗਰਸ 63 ਸੀਟਾਂ 'ਤੇ, ਬੀਆਰਐਸ 46 ਸੀਟਾਂ 'ਤੇ, ਭਾਜਪਾ 5 ਸੀਟਾਂ 'ਤੇ ਅਤੇ ਏਆਈਐਮਆਈਐਮ 5 ਸੀਟਾਂ 'ਤੇ ਅੱਗੇ ਚੱਲ ਰਹੀ ਹੈ।

Dec 3, 2023 09:38 AM

Elections Result 2023 Live: ਰਾਜਸਥਾਨ 'ਚ ਭਾਜਪਾ ਨੇ ਬਹੁਮਤ ਦਾ ਅੰਕੜਾ ਕੀਤਾ ਪਾਰ

ਰਾਜਸਥਾਨ ਦੇ ਰੁਝਾਨਾਂ 'ਚ ਭਾਜਪਾ ਨੂੰ 105 ਸੀਟਾਂ 'ਤੇ ਲੀਡ ਮਿਲਦੀ ਨਜ਼ਰ ਆ ਰਹੀ ਹੈ। ਕਾਂਗਰਸ ਨੂੰ 80 ਸੀਟਾਂ 'ਤੇ ਅਤੇ ਬਾਕੀਆਂ ਨੂੰ 14 ਸੀਟਾਂ 'ਤੇ ਲੀਡ ਮਿਲਦੀ ਨਜ਼ਰ ਆ ਰਹੀ ਹੈ।

Dec 3, 2023 09:10 AM

ਮੱਧ ਪ੍ਰਦੇਸ਼ ਦੀਆਂ 184 ਸੀਟਾਂ ਦੇ ਰੁਝਾਨ ਆਏ ਸਾਹਮਣੇ

ਮੱਧ ਪ੍ਰਦੇਸ਼ ਦੀਆਂ 184 ਸੀਟਾਂ 'ਤੇ ਰੁਝਾਨ ਸਾਹਮਣੇ ਆਏ ਹਨ। ਭਾਜਪਾ 95 ਅਤੇ ਕਾਂਗਰਸ 87 ਸੀਟਾਂ 'ਤੇ ਅੱਗੇ ਹੈ। ਬਾਕੀਆਂ ਨੂੰ 2 ਸੀਟਾਂ 'ਤੇ ਲੀਡ ਮਿਲੀ ਹੈ।

Dec 3, 2023 08:52 AM

Election Results 2023 Live: ਰਾਜਸਥਾਨ ਦੇ ਰੁਝਾਨ ਆਏ ਸਾਹਮਣੇ

ਰਾਜਸਥਾਨ 'ਚ 135 ਸੀਟਾਂ 'ਤੇ ਰੁਝਾਨ ਸਾਹਮਣੇ ਆਇਆ ਹੈ।ਇੱਥੇ ਭਾਜਪਾ 70 ਸੀਟਾਂ 'ਤੇ ਅਤੇ ਕਾਂਗਰਸ 60 ਸੀਟਾਂ 'ਤੇ ਅੱਗੇ ਹੈ। ਇਸ ਦੇ ਨਾਲ ਹੀ ਹੋਰਨਾਂ ਨੂੰ 5 ਸੀਟਾਂ 'ਤੇ ਲੀਡ ਮਿਲਦੀ ਨਜ਼ਰ ਆ ਰਹੀ ਹੈ।

Dec 3, 2023 08:50 AM

Election Results 2023 Live: ਦਿਗਵਿਜੇ ਸਿੰਘ ਨੂੰ ਐਮਪੀ ਵਿੱਚ ਕਾਂਗਰਸ ਦੀ ਜਿੱਤ ਦਾ ਭਰੋਸਾ

ਦਿਗਵਿਜੇ ਸਿੰਘ ਦਾ ਦਾਅਵਾ- MP 'ਚ ਬਣੇਗੀ ਕਾਂਗਰਸ ਦੀ ਸਰਕਾਰ

Dec 3, 2023 08:49 AM

Election Results 2023 Live: ਛੱਤੀਸਗੜ੍ਹ 'ਚ ਕਾਂਗਰਸ ਦੀ ਲੀਡ

ਛੱਤੀਸਗੜ੍ਹ ਦੇ ਸ਼ੁਰੂਆਤੀ ਰੁਝਾਨਾਂ 'ਚ 68 ਸੀਟਾਂ 'ਤੇ ਅੰਕੜੇ ਸਾਹਮਣੇ ਆਏ ਹਨ। ਇੱਥੇ ਕਾਂਗਰਸ 36 ਅਤੇ ਭਾਜਪਾ 32 ਸੀਟਾਂ 'ਤੇ ਅੱਗੇ ਹੈ।

Dec 3, 2023 08:37 AM

Telangana Election Results 2023 Live: ਤੇਲੰਗਾਨਾ 'ਚ ਕਾਂਗਰਸ ਅੱਗੇ ਹੈ

ਤੇਲੰਗਾਨਾ ਵਿੱਚ ਸ਼ੁਰੂਆਤੀ ਰੁਝਾਨਾਂ ਵਿੱਚ ਬੀਆਰਐਸ 12 ਸੀਟਾਂ ਅਤੇ ਕਾਂਗਰਸ 15 ਸੀਟਾਂ ਉੱਤੇ ਅੱਗੇ ਹੈ। ਜਦਕਿ ਭਾਜਪਾ ਦਾ ਖਾਤਾ ਵੀ ਅਜੇ ਤੱਕ ਨਹੀਂ ਖੁੱਲ੍ਹਿਆ ਹੈ।

Dec 3, 2023 08:33 AM

Election Results 2023 Live: ਟੌਂਗ ਤੋਂ ਸਚਿਨ ਪਾਇਲਟ ਅਤੇ ਸਰਦਾਰਪੁਰਾ ਤੋਂ ਅਸ਼ੋਕ ਗਹਿਲੋਤ ਅੱਗੇ

ਰਾਜਸਥਾਨ ਦੀ ਟੌਂਗ ਵਿਧਾਨ ਸਭਾ ਸੀਟ ਤੋਂ ਕਾਂਗਰਸ ਦੇ ਸਚਿਨ ਪਾਇਲਟ ਅਤੇ ਸਰਦਾਰਪੁਰਾ ਤੋਂ ਅਸ਼ੋਕ ਗਹਿਲੋਤ ਅੱਗੇ ਹਨ।

Dec 3, 2023 08:28 AM

Election Results 2023 Live: ਮੱਧ ਪ੍ਰਦੇਸ਼ ਵਿੱਚ ਕਰੀਬੀ ਮੁਕਾਬਲਾ

ਮੱਧ ਪ੍ਰਦੇਸ਼ ਦੀਆਂ 101 ਸੀਟਾਂ 'ਤੇ ਰੁਝਾਨ ਸਾਹਮਣੇ ਆਇਆ ਹੈ। ਇੱਥੇ ਭਾਜਪਾ 50 ਸੀਟਾਂ 'ਤੇ ਅਤੇ ਕਾਂਗਰਸ 49 ਸੀਟਾਂ 'ਤੇ ਅੱਗੇ ਹੈ। ਜਦਕਿ ਬਾਕੀ 2 ਸੀਟਾਂ 'ਤੇ ਅੱਗੇ ਹਨ।

Dec 3, 2023 08:24 AM

Election Results 2023 Live: ਛੱਤੀਸਗੜ੍ਹ ਵਿੱਚ ਕਾਂਗਰਸ ਦੇ ਪੱਖ ਵਿੱਚ ਰੁਝਾਨ

ਛੱਤੀਸਗੜ੍ਹ ਦੀਆਂ 38 ਸੀਟਾਂ 'ਤੇ ਰੁਝਾਨ ਸਾਹਮਣੇ ਆਇਆ ਹੈ। ਕਾਂਗਰਸ 20 ਅਤੇ ਭਾਜਪਾ 18 ਸੀਟਾਂ 'ਤੇ ਅੱਗੇ ਹੈ।

Dec 3, 2023 08:22 AM

ਮੱਧ ਪ੍ਰਦੇਸ਼ 'ਚ ਭਾਜਪਾ ਅੱਗੇ

ਮੱਧ ਪ੍ਰਦੇਸ਼ 'ਚ ਸ਼ੁਰੂਆਤੀ ਰੁਝਾਨਾਂ 'ਚ ਭਾਜਪਾ 45 ਸੀਟਾਂ 'ਤੇ ਅਤੇ ਕਾਂਗਰਸ 39 ਸੀਟਾਂ 'ਤੇ ਅੱਗੇ ਹੈ।