Andhra Pradesh: ਦੋ ਪਤਨੀਆਂ ਨੇ ਪਤੀ ਦਾ ਕਰਵਾਇਆ ਤੀਜਾ ਵਿਆਹ, ਕਾਰਨ ਜਾਣ ਕੇ ਹੋ ਜਾਓਗੇ ਹੈਰਾਨ
ਆਂਧਰਾ ਪ੍ਰਦੇਸ਼ ਵਿੱਚ ਇੱਕ ਵਿਅਕਤੀ ਨੇ ਆਪਣੀਆਂ 2 ਪਤਨੀਆਂ ਦੀ ਸਹਿਮਤੀ ਨਾਲ ਤੀਜਾ ਵਿਆਹ ਕਰਵਾਇਆ ਹੈ। ਪੜ੍ਹੋ ਪੂਰੀ ਖ਼ਬਰ...
Andhra Pradesh News: ਆਂਧਰਾ ਪ੍ਰਦੇਸ਼ ਤੋਂ ਇੱਕ ਹੈਰਾਨ ਕਰ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ, ਜਿੱਥੇ ਸਗੇਨੀ ਪੰਡਾਨਾ ਨਾਂ ਦੇ ਇੱਕ ਵਿਅਕਤੀ ਨੇ ਆਪਣੀਆਂ ਦੋ ਪਤਨੀਆਂ ਦੀ ਸਹਿਮਤੀ ਨਾਲ ਤੀਜੀ ਵਾਰ ਵਿਆਹ ਕਰਵਾ ਲਿਆ ਹੈ।
ਬੱਚਾ ਨਾ ਹੋਣ ਕਾਰਨ ਹੋਇਆ ਸੀ ਦੂਜਾ ਵਿਆਹ
ਦੱਸ ਦਈਏ ਕਿ ਇਹ ਵਿਆਹ 25 ਜੂਨ ਨੂੰ ਅਲੂਰੀ ਸੀਤਾਰਮਾਰਾਜੂ ਜ਼ਿਲ੍ਹੇ ਦੇ ਪੇਦਾਬਯਾਲੂ ਮੰਡਲ ਦੇ ਕਿੰਚਰੂ ਪਿੰਡ ਵਿੱਚ ਹੋਇਆ। ਪੰਡਨਾ ਦੀਆਂ ਦੋ ਪਤਨੀਆਂ, ਸਾਗੇਨੀ ਅਪਲੰਮਾ, ਸਗੇਨੀ ਪਾਰਵਥੰਮਾ, ਨੇ ਲਕਸ਼ਮੀ ਨਾਲ ਵਿਆਹ ਕਰਨ ਲਈ ਆਪਣੀ ਸਹਿਮਤੀ ਦਿੱਤੀ ਅਤੇ ਵਿਆਹ ਦੀ ਸਹਿ-ਮੇਜ਼ਬਾਨੀ ਵੀ ਕੀਤੀ। ਕਥਿਤ ਤੌਰ 'ਤੇ ਉਸਦੀ ਪਹਿਲੀ ਪਤਨੀ ਪਾਰਵਥੰਮਾ ਤੋਂ ਕੋਈ ਔਲਾਦ ਨਹੀਂ ਸੀ ਅਤੇ ਉਸਨੇ 2002 ਵਿੱਚ ਐਪਲੰਮਾ ਨਾਲ ਦੁਬਾਰਾ ਵਿਆਹ ਕੀਤਾ ਸੀ। ਹਾਲਾਂਕਿ 2007 ਵਿੱਚ ਉਨ੍ਹਾਂ ਦੇ ਘਰ ਇੱਕ ਪੁੱਤਰ ਨੇ ਜਨਮ ਲਿਆ।
ਮਰਦ ਨੂੰ ਹੋਰ ਔਰਤ ਦਾ ਹੋਇਆ ਪਿਆਰ
ਪੰਡਾਨਾ ਕਥਿਤ ਤੌਰ 'ਤੇ ਕਿਸੇ ਹੋਰ ਔਰਤ ਨਾਲ ਪਿਆਰ ਵਿੱਚ ਪੈ ਗਿਆ ਅਤੇ ਇੱਕ ਵੱਡਾ ਪਰਿਵਾਰ ਬਣਾਉਣ ਦੀ ਇੱਛਾ ਪ੍ਰਗਟਾਈ। ਇਸ ਦੇ ਨਾਲ ਹੀ ਪਤੀ ਨੇ ਆਪਣੀਆਂ ਦੋਵੇਂ ਪਤਨੀਆਂ ਨੂੰ ਤੀਜੇ ਵਿਆਹ ਲਈ ਮਨਾ ਲਿਆ। ਦੋਵੇਂ ਪਤਨੀਆਂ ਨੇ ਵੀ ਵਿਆਹ ਦੇ ਪ੍ਰਬੰਧਾਂ ਵਿੱਚ ਸਰਗਰਮੀ ਨਾਲ ਹਿੱਸਾ ਲਿਆ ਅਤੇ ਵਿਆਹ ਦੇ ਕਾਰਡ ਵੰਡੇ, ਜੋ ਇਹ ਦਰਸਾਉਂਦੇ ਹਨ ਕਿ ਉਹ ਆਪਣੇ ਪਤੀ ਨਾਲ ਪੂਰੀ ਤਰ੍ਹਾਂ ਸਹਿਮਤ ਹਨ।
25 ਜੂਨ ਨੂੰ ਸਹਿਮਤੀ ਨਾਲ ਹੋਇਆ ਵਿਆਹ
25 ਜੂਨ ਨੂੰ ਸਵੇਰੇ 10 ਵਜੇ ਹੋਣ ਵਾਲੇ ਇਸ ਵਿਆਹ ਵਿੱਚ ਲਕਸ਼ਮੀ ਅਤੇ ਪੰਡਨਾ ਦੇ ਰਿਸ਼ਤੇਦਾਰਾਂ ਨੇ ਸ਼ਿਰਕਤ ਕੀਤੀ, ਜਿਨ੍ਹਾਂ ਵਿੱਚ ਉਨ੍ਹਾਂ ਦੀਆਂ ਪਤਨੀਆਂ ਅਤੇ ਉਨ੍ਹਾਂ ਦੇ ਪੁੱਤਰ ਵੀ ਸ਼ਾਮਲ ਸਨ। ਜਦੋਂ ਵਿਆਹ ਦੀ ਖਬਰ ਸੋਸ਼ਲ ਮੀਡੀਆ ਉੱਤੇ ਫੈਲੀ ਤਾਂ ਲੋਕਾਂ 'ਚ ਖੁਸ਼ੀ ਅਤੇ ਹੈਰਾਨੀ ਦਾ ਮਾਹੌਲ ਬਣ ਗਿਆ।
ਇਹ ਵੀ ਪੜ੍ਹੋ: Video: ਪਾਕਿਸਤਾਨੀ ਸੰਸਦ 'ਚ ਬਣਿਆ ਰੋਮਾਂਟਿਕ ਮਾਹੌਲ, ਮਹਿਲਾ ਸੰਸਦ ਮੈਂਬਰ ਦੀ ਗੱਲ ਸੁਣ ਕੇ ਸ਼ਰਮਿੰਦਾ ਹੋਏ ਸਪੀਕਰ