India's Fastest Train : ਭਾਰਤ ਦੀਆਂ 5 ਸਭ ਤੋਂ ਤੇਜ਼ ਰੇਲ ਗੱਡੀਆਂ, ਲੰਬੀ ਦੂਰੀ ਦੀ ਯਾਤਰਾ ਲਈ ਬਹੁਤ ਫਾਇਦੇਮੰਦ
ਭਾਰਤ ਦੀਆਂ 5 ਸਭ ਤੋਂ ਤੇਜ਼ ਰੇਲ ਗੱਡੀਆਂ ਜੋ ਲੰਬੀ ਦੂਰੀ ਦੀ ਯਾਤਰਾ ਲਈ ਬਹੁਤ ਫਾਇਦੇਮੰਦ ਹਨ। ਆਓ ਜਾਣਦੇ ਹਾਂ ਭਾਰਤ ਦੀਆਂ ਸਭ ਤੋਂ ਤੇਜ਼ ਟ੍ਰੇਨਾਂ ਬਾਰੇ...
India's Fastest Train : ਭਾਰਤ ਦਾ ਰੇਲਵੇ ਨੈੱਟਵਰਕ ਬਹੁਤ ਵੱਡਾ ਹੈ। ਬਹੁਤੇ ਲੋਕ ਇਸ ਰਹੀ ਸਫ਼ਰ ਕਰਨਾ ਪਸੰਦ ਕਰਦੇ ਹਨ। ਸਧਾਰਣ ਯਾਤਰੀ ਰੇਲਗੱਡੀਆਂ ਤੋਂ ਲੈ ਕੇ ਆਲੀਸ਼ਾਨ ਹਾਈ-ਸਪੀਡ ਰੇਲਗੱਡੀਆਂ ਤੱਕ, ਭਾਰਤੀ ਰੇਲਵੇ ਆਪਣੇ ਯਾਤਰੀਆਂ ਦੀਆਂ ਵਿਭਿੰਨ ਜ਼ਰੂਰਤਾਂ ਨੂੰ ਪੂਰਾ ਕਰਦੇ ਹੋਏ, ਐਕਸਪ੍ਰੈਸ, ਸੁਪਰਫਾਸਟ, ਮੇਲ ਅਤੇ ਡੀਐਮਯੂ ਟ੍ਰੇਨਾਂ ਸਮੇਤ ਕਈ ਤਰ੍ਹਾਂ ਦੀਆਂ ਸੇਵਾਵਾਂ ਚਲਾਉਂਦੀ ਹੈ। ਇਸ 'ਚ ਵੰਦੇ ਭਾਰਤ ਐਕਸਪ੍ਰੈੱਸ ਨੂੰ ਸਭ ਤੋਂ ਤੇਜ਼ ਟਰੇਨ ਮੰਨਿਆ ਜਾਂਦਾ ਹੈ। ਤਾਂ ਆਓ ਜਾਣਦੇ ਹਾਂ ਭਾਰਤ ਦੀਆਂ ਸਭ ਤੋਂ ਤੇਜ਼ ਟ੍ਰੇਨਾਂ ਬਾਰੇ।
ਵੰਦੇ ਭਾਰਤ ਐਕਸਪ੍ਰੈਸ
ਮੀਡੀਆ ਰਿਪੋਰਟਾਂ ਮੁਤਾਬਕ ਦੇਸ਼ ਭਰ 'ਚ ਚੱਲਣ ਵਾਲੀਆਂ ਅਣਗਿਣਤ ਰੇਲ ਗੱਡੀਆਂ 'ਚੋਂ, ਵੰਦੇ ਭਾਰਤ ਐਕਸਪ੍ਰੈਸ ਨੂੰ ਭਾਰਤ 'ਚ ਸਭ ਤੋਂ ਤੇਜ਼ ਰੇਲ ਗੱਡੀਆਂ 'ਚੋਂ ਇੱਕ ਮੰਨਿਆ ਜਾਂਦਾ ਹੈ। ਦਸ ਦਈਏ ਕਿ ਇਹ 180 ਕਿਲੋਮੀਟਰ ਪ੍ਰਤੀ ਘੰਟੇ ਤੋਂ ਵੱਧ ਦੀ ਰਫਤਾਰ ਨਾਲ ਦੌੜਨ ਦੀ ਸਮਰੱਥਾ ਰੱਖਦੀ ਹੈ। ਵੰਦੇ ਭਾਰਤ ਨੇ ਖੁਦ ਭਾਰਤੀ ਰੇਲਵੇ 'ਚ ਗਤੀ ਦੇ ਮਾਪਦੰਡ ਬਣਾਏ ਹਨ। ਵੈਸੇ ਤਾਂ ਇਹ ਵਰਤਮਾਨ 'ਚ 120 ਤੋਂ 130 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਚਲਾਇਆ ਜਾਂਦਾ ਹੈ। ਇਹ ਦੇਸ਼ ਦੇ ਕਈ ਖੇਤਰਾਂ 'ਚ ਸੇਵਾ ਕਰਨ ਵਾਲੀਆਂ 50 ਤੋਂ ਵੱਧ ਰੇਲਗੱਡੀਆਂ ਦੇ ਨਾਲ ਇੱਕ ਬਹੁਤ ਮਸ਼ਹੂਰ ਰੇਲਗੱਡੀ ਬਣ ਗਈ ਹੈ।
ਗਤੀਮਾਨ ਐਕਸਪ੍ਰੈਸ
ਭਾਰਤ 'ਚ ਦੂਜੀ ਸਭ ਤੋਂ ਤੇਜ਼ ਰੇਲਗੱਡੀ ਗਤੀਮਾਨ ਐਕਸਪ੍ਰੈਸ ਹੈ, ਜੋ 2016 'ਚ ਪੇਸ਼ ਕੀਤੀ ਗਈ ਸੀ। ਇਹ ਟ੍ਰੇਨ 160 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫਤਾਰ ਲਈ ਖਾਸ ਹੈ। ਸਪੀਡ ਦੇ ਨਾਲ-ਨਾਲ ਇਸ 'ਚ ਦਿੱਤੀਆਂ ਜਾਣ ਵਾਲੀਆਂ ਸੁਵਿਧਾਵਾਂ ਵੀ ਯਾਤਰੀਆਂ ਦੇ ਸਫਰ ਨੂੰ ਸੁਵਿਧਾਜਨਕ ਬਣਾਉਂਦੀਆਂ ਹਨ। ਗਤੀਮਾਨ ਐਕਸਪ੍ਰੈਸ ਯਾਤਰੀਆਂ ਨੂੰ ਪ੍ਰੀਮੀਅਮ ਯਾਤਰਾ ਅਨੁਭਵ ਪ੍ਰਦਾਨ ਕਰਦੀ ਹੈ। ਰੇਲਗੱਡੀ ਨੰਬਰ 12049/12050 ਦੇ ਤਹਿਤ ਚਲਾਇਆ ਜਾਂਦਾ ਹੈ, ਇਹ ਨਵੀਂ ਦਿੱਲੀ ਨੂੰ ਝਾਂਸੀ ਨਾਲ ਜੋੜਦਾ ਹੈ।
ਭੋਪਾਲ ਸ਼ਤਾਬਦੀ ਐਕਸਪ੍ਰੈਸ
ਭੋਪਾਲ ਸ਼ਤਾਬਦੀ ਐਕਸਪ੍ਰੈਸ ਭਾਰਤ ਦੀ ਤੀਜੀ ਸਭ ਤੋਂ ਤੇਜ਼ ਰੇਲਗੱਡੀ ਹੈ। ਨਵੀਂ ਦਿੱਲੀ ਅਤੇ ਭੋਪਾਲ ਦੇ ਰਾਣੀ ਕਮਲਾਪਤੀ ਸਟੇਸ਼ਨ ਦੇ ਵਿਚਕਾਰ ਚੱਲਣ ਵਾਲੀ ਇਹ ਟਰੇਨ 150 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਚੱਲਦੀ ਹੈ। ਟ੍ਰੇਨਾਂ 'ਚੋ ਇਹ ਲੰਬੇ ਸਮੇਂ ਤੋਂ ਭਾਰਤੀ ਯਾਤਰੀਆਂ ਦੀ ਪਸੰਦੀਦਾ ਰੇਲਗੱਡੀ ਰਹੀ ਹੈ। ਇਹ ਇੰਟਰਸਿਟੀ ਰੂਟਾਂ 'ਤੇ ਸਮੇਂ ਦੀ ਪਾਬੰਦਤਾ ਅਤੇ ਆਰਾਮ ਲਈ ਜਾਣਿਆ ਜਾਂਦਾ ਹੈ।
ਰਾਜਧਾਨੀ ਐਕਸਪ੍ਰੈਸ
ਰਾਜਧਾਨੀ ਐਕਸਪ੍ਰੈੱਸ ਟ੍ਰੇਨਾਂ ਨੂੰ ਵੀ ਪਸੰਦੀਦਾ ਅਤੇ ਤੇਜ਼ ਟ੍ਰੇਨਾਂ 'ਚ ਸ਼ਾਮਲ ਕੀਤਾ ਗਿਆ ਹੈ। ਖਾਸ ਤੌਰ 'ਤੇ ਮੁੰਬਈ-ਨਵੀਂ ਦਿੱਲੀ ਰਾਜਧਾਨੀ ਐਕਸਪ੍ਰੈੱਸ 140 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਚੱਲਦੀ ਹੈ। ਇਹ ਟ੍ਰੇਨਾਂ ਆਪਣੀਆਂ ਆਨ-ਬੋਰਡ ਸੁਵਿਧਾਵਾਂ ਅਤੇ ਉੱਚ-ਸ਼੍ਰੇਣੀ ਦੀ ਸੇਵਾ ਲਈ ਮਸ਼ਹੂਰ ਹਨ, ਇਹ ਲੰਬੀ ਦੂਰੀ ਦੀ ਯਾਤਰਾ ਲਈ ਇੱਕ ਤਰਜੀਹੀ ਵਿਕਲਪ ਬਣਾਉਂਦੀਆਂ ਹਨ।
ਦੁਰੰਤੋ ਐਕਸਪ੍ਰੈਸ
ਦੁਰੰਤੋ ਐਕਸਪ੍ਰੈਸ ਇੱਕ ਉੱਚ-ਸਪੀਡ ਨਾਨ-ਸਟਾਪ ਟ੍ਰੇਨ ਹੈ, ਜੋ ਦੇਸ਼ ਦੀਆਂ ਸਭ ਤੋਂ ਤੇਜ਼ ਰੇਲਾਂ 'ਚੋਂ ਇੱਕ ਹੈ। ਇਹ 135 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਚੱਲਦਾ ਹੈ। ਦੁਰੰਤੋ ਬਹੁਤ ਸਾਰੇ ਮਹਾਨਗਰ ਸ਼ਹਿਰਾਂ ਨੂੰ ਬਿਨਾਂ ਕਿਸੇ ਵਿਚਕਾਰਲੇ ਰੁਕੇ ਜੋੜਦਾ ਹੈ। ਇਹ ਲੰਬੀ ਦੂਰੀ ਦੀ ਯਾਤਰਾ ਕਰਨ ਲਈ ਬਹੁਤ ਆਰਾਮਦਾਇਕ ਟ੍ਰੇਨ ਹੈ।
ਇਹ ਵੀ ਪੜ੍ਹੋ : Punjab Weather : ਪੰਜਾਬ ਦੇ ਕਈ ਸ਼ਹਿਰਾਂ ’ਚ ਮੀਂਹ, ਚੰਡੀਗੜ੍ਹ ਸਮੇਤ ਸੂਬੇ ਦੇ 10 ਸ਼ਹਿਰਾਂ 'ਚ ਫਲੈਸ਼ ਅਲਰਟ