4 ਲੋਕਾਂ ਦੀ ਜ਼ਿੰਦਗੀ ਰੌਸ਼ਨ ਕਰ ਗਿਆ 2 ਸਾਲ ਦਾ ਕੀਨੀਆਈ ਬੱਚਾ 'ਪ੍ਰੋਸਪਰ', ਬਣਿਆ ਭਾਰਤ ਦਾ ਸਭ ਤੋਂ ਘੱਟ ਉਮਰ ਦਾ ਪੈਨਕ੍ਰੀਆਟਿਕ ਦਾਨੀ
Youngest Pancreatic Donor In India : ਬੱਚੇ ਦਾ ਅਸਲੀ ਨਾਮ ਲੁੰਡਾ ਕਯੂੰਬਾ (Lunda Kayumba) ਹੈ। ਉਸ ਦੀ ਬਦੌਲਤ ਦੋ ਕਿਡਨੀ ਫੇਲ ਹੋਣ ਵਾਲੇ ਮਰੀਜ਼ਾਂ ਨੂੰ ਨਵੀਂ ਜ਼ਿੰਦਗੀ ਮਿਲੀ ਹੈ। ਇੱਕ ਮਰੀਜ਼ ਨੂੰ ਇੱਕੋ ਸਮੇਂ ਪੈਨਕ੍ਰੀਅਸ ਅਤੇ ਕਿਡਨੀ ਟ੍ਰਾਂਸਪਲਾਂਟ ਪ੍ਰਾਪਤ ਹੋਇਆ ਅਤੇ ਦੂਜੇ ਨੂੰ ਇੱਕ ਗੁਰਦਾ ਟ੍ਰਾਂਸਪਲਾਂਟ ਪ੍ਰਾਪਤ ਹੋਇਆ।
Kenyan Boy 'Prosper' Becomes Youngest Pancreatic Donor In India : ਅੰਗ ਦਾਨ ਲੋਕਾਂ ਦੀਆਂ ਜਾਨਾਂ ਬਚਾਉਣ ਦੀ ਦਿਸ਼ਾ ਵਿੱਚ ਇੱਕ ਬਹੁਤ ਹੀ ਮਹੱਤਵਪੂਰਨ ਕਦਮ ਹੈ, ਕੁਝ ਲੋਕ ਜ਼ਿੰਦਾ ਰਹਿੰਦਿਆਂ ਅੰਗ ਦਾਨ ਕਰਦੇ ਹਨ, ਜਦਕਿ ਕੁਝ ਲੋਕ ਆਪਣੀ ਮੌਤ ਤੋਂ ਬਾਅਦ ਇਹ ਨੇਕ ਕੰਮ ਕਰਕੇ ਲੋਕਾਂ ਦੇ ਦਿਲਾਂ ਵਿੱਚ ਅਮਰ ਹੋ ਜਾਂਦੇ ਹਨ। ਅਜਿਹਾ ਹੀ ਇਕ ਮਾਮਲਾ ਭਾਰਤ ਦੇ ਸਭ ਤੋਂ ਖੂਬਸੂਰਤ ਸ਼ਹਿਰਾਂ 'ਚੋਂ ਇਕ ਚੰਡੀਗੜ੍ਹ 'ਚ ਸਾਹਮਣੇ ਆਇਆ ਹੈ, ਜਿਸ ਦੀ ਹਰ ਪਾਸੇ ਤਾਰੀਫ ਹੋ ਰਹੀ ਹੈ।
ਚੰਡੀਗੜ੍ਹ ਦੇ ਪੀਜੀਆਈਐਮਈਆਰ ਹਸਪਤਾਲ ਵਿੱਚ 2 ਸਾਲ ਦਾ ਮ੍ਰਿਤਕ ਬੱਚਾ 'Prosper' ਦੁਨੀਆ ਦਾ ਸਭ ਤੋਂ ਘੱਟ ਉਮਰ ਦਾ ਪੈਨਕ੍ਰੀਆਟਿਕ ਦਾਨੀ ਬਣ ਗਿਆ ਹੈ। ਬੱਚੇ ਦਾ ਅਸਲੀ ਨਾਮ ਲੁੰਡਾ ਕਯੂੰਬਾ (Lunda Kayumba) ਹੈ। ਉਸ ਦੀ ਬਦੌਲਤ ਦੋ ਕਿਡਨੀ ਫੇਲ ਹੋਣ ਵਾਲੇ ਮਰੀਜ਼ਾਂ ਨੂੰ ਨਵੀਂ ਜ਼ਿੰਦਗੀ ਮਿਲੀ ਹੈ। ਇੱਕ ਮਰੀਜ਼ ਨੂੰ ਇੱਕੋ ਸਮੇਂ ਪੈਨਕ੍ਰੀਅਸ ਅਤੇ ਕਿਡਨੀ ਟ੍ਰਾਂਸਪਲਾਂਟ ਪ੍ਰਾਪਤ ਹੋਇਆ ਅਤੇ ਦੂਜੇ ਨੂੰ ਇੱਕ ਗੁਰਦਾ ਟ੍ਰਾਂਸਪਲਾਂਟ ਪ੍ਰਾਪਤ ਹੋਇਆ।
ਪ੍ਰੋਸਪਰ ਦੇ ਪਰਿਵਾਰ ਨੇ ਆਪਣੇ ਬੇਟੇ ਦੇ ਅੰਗ ਦਾਨ ਕਰਨ ਦਾ ਨਿਰਸਵਾਰਥ ਫੈਸਲਾ ਲਿਆ, ਜਿਸ ਨਾਲ 'ਦੋ ਹੋਰ ਲੋਕਾਂ ਨੂੰ ਨਜ਼ਰ' ਦਾ ਤੋਹਫਾ ਵੀ ਮਿਲਿਆ। ਇਸ ਤਰ੍ਹਾਂ, ਲੁੰਡਾ ਕਯੂੰਬਾ ਦੇ ਪਰਿਵਾਰ ਦੀ ਉਦਾਰਤਾ ਨੇ 4 ਲੋਕਾਂ ਦੀ ਜ਼ਿੰਦਗੀ ਨੂੰ ਨਵੀਂ ਉਮੀਦ ਦਿੱਤੀ ਹੈ, PGIMER Chandigarh ਵਿੱਚ ਇਹ ਅੰਤਰਰਾਸ਼ਟਰੀ ਅੰਗ ਦਾਨ ਦਾ ਪਹਿਲਾ ਮਾਮਲਾ ਸੀ।
ਬੱਚੇ ਪ੍ਰੋਸਪਰ ਦੇ ਪਰਿਵਾਰ ਨੇ ਆਪਣੇ ਦਰਦ ਦੇ ਵਿਚਕਾਰ ਦੂਜਿਆਂ ਦੇ ਜੀਵਨ ਵਿੱਚ ਰੋਸ਼ਨੀ ਲਿਆਉਣ ਲਈ ਇੱਕ ਮੁਸ਼ਕਲ ਪਰ ਬਹਾਦਰੀ ਵਾਲਾ ਫੈਸਲਾ ਲਿਆ। PGIMER ਦੇ ਡਾਇਰੈਕਟਰ ਪ੍ਰੋ: ਵਿਵੇਕ ਲਾਲ ਨੇ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕਰਦਿਆਂ ਕਿਹਾ, "ਇਹ ਮਾਮਲਾ ਅੰਗ ਦਾਨ ਦੀ ਮਹੱਤਤਾ ਨੂੰ ਉਜਾਗਰ ਕਰਦਾ ਹੈ। ਇੰਨੀ ਛੋਟੀ ਉਮਰ ਵਿੱਚ ਜਾਨ ਗਵਾਉਣਾ ਬਹੁਤ ਦੁੱਖ ਦੀ ਗੱਲ ਹੈ, ਪਰ ਪ੍ਰੌਸਪਰ ਦੇ ਪਰਿਵਾਰ ਦਾ ਇਹ ਫੈਸਲਾ ਦਿਆਲਤਾ ਅਤੇ ਸੇਵਾ ਦੀ ਮਿਸਾਲ ਦਿੰਦਾ ਹੈ।" ਇੱਕ ਵਿਲੱਖਣ ਉਦਾਹਰਣ, ਜੋ ਨਿਰਾਸ਼ਾ ਦੇ ਪਲਾਂ ਵਿੱਚ ਵੀ ਦੂਜਿਆਂ ਨੂੰ ਜੀਵਨ ਦਾ ਤੋਹਫ਼ਾ ਦੇ ਸਕਦੀ ਹੈ।"
ਹਾਦਸੇ ਵਿੱਚ ਗਈ ਸੀ ਪ੍ਰੋਸਪਰ ਦੀ ਜਾਨ
17 ਅਕਤੂਬਰ ਨੂੰ ਪ੍ਰੋਸਪਰ ਇੱਕ ਹਾਦਸੇ ਵਿੱਚ ਗੰਭੀਰ ਜ਼ਖ਼ਮੀ ਹੋ ਗਿਆ ਸੀ ਅਤੇ ਉਸ ਨੂੰ ਤੁਰੰਤ ਪੀਜੀਆਈਐਮਈਆਰ ਵਿੱਚ ਲਿਆਂਦਾ ਗਿਆ ਸੀ, ਪਰ 26 ਅਕਤੂਬਰ ਨੂੰ ਉਸ ਨੂੰ ਬ੍ਰੇਨ ਡੈਡ ਐਲਾਨ ਦਿੱਤਾ ਗਿਆ ਸੀ। ਅਸਹਿ ਸਦਮੇ ਦੇ ਬਾਵਜੂਦ ਪ੍ਰੋਸਪਰ ਦੇ ਪਰਿਵਾਰ ਨੇ ਉਸਦੇ ਅੰਗ ਦਾਨ ਕਰਨ ਦਾ ਫੈਸਲਾ ਕੀਤਾ, ਜਿਸ ਨਾਲ ਉਹ ਦੇਸ਼ ਦਾ ਸਭ ਤੋਂ ਘੱਟ ਉਮਰ ਦਾ ਪੈਨਕ੍ਰੀਅਸ ਦਾਨੀ ਬਣ ਗਿਆ।
ਮਾਂ ਜੈਕਲੀਨ ਨੇ ਕਿਹਾ-ਸਾਡਾ ਦਿਲ ਟੁੱਟ ਗਿਆ ਹੈ, ਪਰ...
ਮ੍ਰਿਤਕ ਬੱਚੇ ਪ੍ਰੋਸਪਰ ਦੀ ਮਾਂ ਜੈਕਲੀਨ ਡਾਇਰੀ ਨੇ ਕਿਹਾ, "ਸਾਡਾ ਦਿਲ ਟੁੱਟ ਗਿਆ ਹੈ, ਪਰ ਸਾਨੂੰ ਇਸ ਗੱਲ ਤੋਂ ਰਾਹਤ ਹੈ ਕਿ ਸਾਡੇ ਬੇਟੇ ਦੇ ਅੰਗ ਦੂਜਿਆਂ ਨੂੰ ਨਵੀਂ ਜ਼ਿੰਦਗੀ ਦੇਣਗੇ। ਇਸ ਤਰ੍ਹਾਂ ਅਸੀਂ ਉਸ ਦੀਆਂ ਯਾਦਾਂ ਨੂੰ ਜ਼ਿੰਦਾ ਰੱਖ ਸਕਦੇ ਹਾਂ ਅਤੇ ਦੂਜਿਆਂ ਦੀ ਮਦਦ ਕਰ ਸਕਦੇ ਹਾਂ।"
4 ਲੋਕਾਂ ਨੂੰ ਮਿਲਿਆ ਨਵਾਂ ਜੀਵਨ
ਪੀਜੀਆਈਐਮਈਆਰ ਦੇ ਮੈਡੀਕਲ ਸੁਪਰਡੈਂਟ ਪ੍ਰੋ. ਵਿਪਿਨ ਕੌਸ਼ਲ ਨੇ ਦੱਸਿਆ ਕਿ ਕੀਨੀਆ ਹਾਈ ਕਮਿਸ਼ਨ ਤੋਂ ਲੋੜੀਂਦੀ ਮਨਜ਼ੂਰੀ ਮਿਲਣ ਤੋਂ ਬਾਅਦ, ਪੀਜੀਆਈਐਮਈਆਰ ਦੀ ਟੀਮ ਨੇ ਇੱਕ ਮਰੀਜ਼ ਦਾ ਪੈਨਕ੍ਰੀਅਸ ਅਤੇ ਗੁਰਦਾ ਇੱਕੋ ਸਮੇਂ ਟ੍ਰਾਂਸਪਲਾਂਟ ਕੀਤਾ, ਜਦੋਂ ਕਿ ਦੂਜੇ ਮਰੀਜ਼ ਨੂੰ ਗੁਰਦਾ ਦਿੱਤਾ ਗਿਆ। ਇਸ ਤੋਂ ਇਲਾਵਾ ਪ੍ਰੌਸਪਰ ਦੀਆਂ ਅੱਖਾਂ ਦਾ ਕੋਰਨੀਆ ਦਾਨ ਕਰਨ ਨਾਲ 2 ਹੋਰ ਲੋਕ ਦੁਬਾਰਾ ਦੇਖ ਸਕਣਗੇ, ਜਿਸ ਨਾਲ 4 ਲੋਕਾਂ ਦੀ ਜ਼ਿੰਦਗੀ 'ਚ ਵੱਡਾ ਬਦਲਾਅ ਆਇਆ ਹੈ।