ਗਿੱਪੀ ਦੀ ਪਤਨੀ ਨੇ ਬੇਟੇ ਗੁਰਬਾਜ਼ ਨਾਲ ਸ਼ੇਅਰ ਕੀਤੀ CUTE ਵੀਡੀਓ, ਲੱਖਾਂ ਲੋਕਾਂ ਦਾ ਮਿਲਿਆ ਪਿਆਰ

Gurbaaz Grewal, Ravneet Grewal New Video: ਪੰਜਾਬੀ ਸਿੰਗਰ ਤੇ ਐਕਟਰ ਗਿੱਪੀ ਗਰੇਵਾਲ ਦੀਆਂ ਆਏ ਦਿਨ ਆਪਣੇ ਬੱਚਿਆਂ ਨਾਲ ਫੋਟੋਆਂ ਅਤੇ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੁੰਦੀਆਂ ਰਹਿੰਦੀਆਂ ਹਨ। ਅੱਜ ਖਾਸ ਕਰਕੇ ਗਿੱਪੀ ਗਰੇਵਾਲ ਦਾ ਸਭ ਤੋਂ ਛੋਟਾ ਬੇਟਾ ਗੁਰਬਾਜ਼ ਗਰੇਵਾਲ (Gurbaaz Grewal)ਸੋਸ਼ਲ ਮੀਡੀਆ ਸਟਾਰ ਬਣ ਚੁੱਕਿਆ ਹੈ। ਉਸ ਦੀਆਂ ਤਸਵੀਰਾਂ ਤੇ ਵੀਡੀਓਜ਼ ਇੰਟਰਨੈੱਟ 'ਤੇ ਆਉਂਦੇ ਹੀ ਵਾਇਰਲ ਹੋ ਜਾਂਦੀਆਂ ਹਨ। ਗੁਰਬਾਜ਼ ਦੀਆਂ ਕੁਝ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ ਜੋ ਕਿ ਬਹੁਤ ਹੀ ਟਰੇਂਡ ਕਰ ਰਹੀਆਂ ਹਨ। ਹਾਲ ਹੀ 'ਚ ਗਿੱਪੀ ਗਰੇਵਾਲ ਦੀ ਪਤਨੀ ਰਵਨੀਤ ਗਰੇਵਾਲ (Ravneet Grewal) ਨੇ ਆਪਣੇ ਅਧਿਕਾਰਤ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਬੇਟੇ ਗੁਰਬਾਜ਼ ਨਾਲ (Gurbaaz Grewal) ਇੱਕ ਬਹੁਤ ਹੀ ਪਿਆਰੀ ਵੀਡੀਓ ਸ਼ੇਅਰ ਕੀਤੀ ਹੈ। ਇਸ ਵਿੱਚ ਮਾਂ ਰਵਨੀਤ ਨੇ ਬੇਟੇ ਗੁਰਬਾਜ਼ ਦਾ ਹੱਥ ਫੜਿਆ ਹੋਇਆ ਹੈ। ਬੈਕਗਰਾਊਂਡ 'ਚ ਗਾਣਾ ਚੱਲ ਰਿਹਾ ਹੈ। ਇਹ ਗਾਣਾ ਹੈ ਗੁਰਨਾਮ ਭੁੱਲਰ ਦਾ 'ਮੈਨੂੰ ਹੋਰ ਨਹੀਂ ਕੁੱਝ ਚਾਹੀਦਾ ਮੇਰੀ ਤਾਂ ਦੁਨੀਆ ਤੂੰ।' ਇਹ ਵੀਡੀਓ ਬਹੁਤ ਜਿਆਦਾ ਲੋਕਾਂ ਵੱਲੋਂ ਵਾਇਰਲ ਹੋ ਰਹੀ ਹੈ ਅਤੇ ਇਸ ਨੂੰ ਲੋਕ ਪਸੰਦ ਕਰ ਰਹੇ ਹਨ। ਗੁਰਬਾਜ਼ ਗਰੇਵਾਲ ਦੇ ਫ਼ੈਨਜ਼ ਹੁਣ ਇਸ ਵੀਡੀਓ ਨੂੰ ਬਹੁਤ ਪਿਆਰ ਦੇ ਰਹੇ ਹਨ। ਇਸ ਵੀਡੀਓ 'ਤੇ ਹੁਣ ਤੱਕ ਹਜ਼ਾਰਾਂ ਲਾਈਕ ਤੇ ਕਮੈਂਟ ਆ ਚੁੱਕੇ ਹਨ। ਇਹ ਵੀ ਪੜ੍ਹੋ : ਬਾਲੀਵੁੱਡ ਅਦਾਕਾਰ ਆਮਿਰ ਖਾਨ ਸਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਹੋਏ ਨਤਮਸਤਕ, ਵੇਖੋ ਤਸਵੀਰਾਂ ਸਾਲ 2019 'ਚ ਰਵਨੀਤ ਗਰੇਵਾਲ (Ravneet Grewal) ਨੇ ਆਪਣੇ ਤੀਜੇ ਪੁੱਤਰ ਗੁਰਬਾਜ਼ ਨੂੰ ਜਨਮ ਦਿੱਤਾ ਸੀ। ਉਨ੍ਹਾਂ ਦੋ ਹੋਰ ਪੁੱਤਰ ਏਕਮ ਤੇ ਸ਼ਿੰਦਾ ਵੀ ਨੇ। ਸ਼ਿੰਦਾ ਗਰੇਵਾਲ ਜੋ ਕਿ ਬਤੌਰ ਬਾਲ ਕਲਾਕਾਰ ਕਈ ਫ਼ਿਲਮਾਂ ‘ਚ ਨਜ਼ਰ ਆ ਚੁੱਕਿਆ ਹੈ। -PTC News