ਹੜ੍ਹ 'ਚ ਪਿਓ ਪੈਦਲ ਚੱਲ ਕੇ ਨਵਜੰਮੇ ਬੱਚੇ ਨੂੰ ਘਰ ਲਿਆਇਆ, ਇਕ ਹੀ ਤਸਵੀਰ 'ਚ ਖ਼ੁਸ਼ੀ ਤੇ ਗਮ ਦਾ ਸੁਮੇਲ

ਅਸਾਮ : ਅਸਾਮ ਵਿੱਚ ਹੜ੍ਹ ਦੇ ਵਿਚਕਾਰ ਇਕ ਪਰਿਵਾਰ ਦੇ ਘਰ ਨਵੇਂ ਮਹਿਮਾਨ ਨੇ ਐਂਟਰੀ ਕੀਤੀ ਹੈ। ਇਕ ਵਿਅਕਤੀ ਖੁਸ਼ੀ ਦੇ ਰੌਅ ਵਿੱਚ ਢਾਈ ਤੋਂ ਤਿੰਨ ਫੁੱਟ ਪਾਣੀ ਵਿਚਕਾਰ ਆਪਣੇ ਬੱਚੇ ਨੂੰ ਘਰ ਲਿਆਉਣ ਦੀ ਵੀਡੀਓ ਵਾਇਰਲ ਹੋ ਰਹੀ ਹੈ। ਅਸਾਮ ਵਿੱਚ ਇਸ ਸਮੇਂ ਲਗਾਤਾਰ ਮੀਂਹ ਕਾਰਨ ਹੜ੍ਹ ਵਰਗੀ ਸਥਿਤੀ ਦਾ ਸਾਹਮਣਾ ਕਰ ਰਿਹਾ ਹੈ। 32 ਤੋਂ ਵੱਧ ਜ਼ਿਲ੍ਹੇ ਹੜ੍ਹਾਂ ਦੇ ਪਾਣੀ ਨਾਲ ਪ੍ਰਭਾਵਿਤ ਹੋਣ ਕਾਰਨ ਪਾਣੀ ਦਾ ਪੱਧਰ ਖ਼ਤਰੇ ਦੇ ਨਿਸ਼ਾਨ ਤੋਂ ਉਪਰ ਜਾ ਰਿਹਾ ਹੈ ਜਿਸ ਕਾਰਨ ਲੋਕ ਆਪਣੇ ਘਰਾਂ ਤੋਂ ਬੇਘਰ ਹੋ ਰਹੇ ਹਨ। ਹਾਲਾਂਕਿ ਗੰਭੀਰ ਹਾਲਾਤ ਦੇ ਵਿਚਕਾਰ ਅਸਾਮ ਦੇ ਸਿਲਚਰ ਵਿੱਚ ਇੱਕ ਪਿਤਾ ਵੱਲੋਂ ਆਪਣੇ ਨਵਜੰਮੇ ਬੱਚੇ ਨੂੰ ਘਰ ਲਿਆਉਣ ਦਾ ਇੱਕ ਵੀਡੀਓ ਵਾਇਰਲ ਹੋ ਰਹੀ ਹੈ। ਸ਼ਸ਼ਾਂਕ ਚੱਕਰਵਰਤੀ ਵੱਲੋਂ ਟਵਿੱਟਰ ਉਤੇ ਸ਼ੇਅਰ ਕੀਤੀ ਗਈ ਵੀਡੀਓ ਵਿੱਚ ਇੱਕ ਵਿਅਕਤੀ ਹੜ੍ਹ ਦੇ ਡੂੰਘੇ ਪਾਣੀ ਦੇ ਵਿਚਕਾਰ ਇੱਕ ਟੋਕਰੀ ਵਿੱਚ ਆਪਣੇ ਨਵਜੰਮੇ ਬੱਚੇ ਨੂੰ ਚੁੱਕਦਾ ਦਿਖਾਈ ਦੇ ਰਿਹਾ ਹੈ ਪਰ ਜਿਸ ਚੀਜ਼ ਨੇ ਲੋਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਉਹ ਸੀ ਆਪਣੇ ਬੱਚੇ ਨੂੰ ਚੁੱਕਦੇ ਹੋਏ ਆਦਮੀ ਦੀ ਮੁਸਕਾਨ। ਇਸ ਤਸਵੀਰ ਦੇ ਦੋ ਪਹਿਲੂ ਹਨ ਕਿ ਅੱਤ ਦੀ ਮੁਸੀਬਤ ਵਿੱਚ ਇਕ ਪਿਓ ਆਪਣੇ ਨਵਜੰਮੇ ਬੱਚੇ ਨੂੰ ਘਰ ਲਿਆਉਣ ਲਈ ਕਿਸ ਹੱਦ ਤੱਕ ਉਤਾਵਲਾ ਸੀ। ਉਸ ਦੇ ਚਿਹਰੇ ਉਤੇ ਮੁਸਕਰਾਹਟ ਸਾਫ ਦਿਖਾਈ ਦੇ ਰਹੀ ਹੈ। ਇਸ ਵੀਡੀਓ ਉਤੇ ਲੋਕ ਵੱਖ-ਵੱਖ ਟਿੱਪਣੀਆਂ ਕਰ ਰਹੇ ਹਨ। ਬੱਚੇ ਨੂੰ ਘਰ ਲਿਜਾਣ ਸਮੇਂ ਲੋਕਾਂ ਨੇ ਉਸ ਵਿਅਕਤੀ ਦੀ ਖੁਸ਼ੀ ਦੇਖੀ। ਜਦੋਂ ਕਿ ਕੁਝ ਨੇ ਸਥਿਤੀ ਨੂੰ ਦਿਲ ਦਹਿਲਾਉਣ ਵਾਲਾ ਦੱਸਿਆ, ਦੂਜਿਆਂ ਨੇ ਲਿਖਿਆ ਕਿ ਕਿਵੇਂ ਵੀਡੀਓ ਇਕੋ ਸਮੇਂ ਸੁੰਦਰ ਅਤੇ ਉਦਾਸ ਦੋਵੇਂ ਸੀ। ਇਕ ਟਵਿੱਟਰ ਯੂਜ਼ਰ ਨੇ ਲਿਖਿਆ, "ਰੱਬ ਇਸ ਬੱਚੇ ਨੂੰ ਅਸੀਸ ਦੇਵੇ," ਦੂਜੇ ਨੇ ਲਿਖਿਆ, "ਹਰ ਦਿਨ ਪਿਤਾ ਦਿਵਸ ਹੈ।" ਅਧਿਕਾਰੀਆਂ ਮੁਤਾਬਕ ਅਸਾਮ ਵਿੱਚ ਮੰਗਲਵਾਰ ਨੂੰ ਹੜ੍ਹ ਦੀ ਸਥਿਤੀ ਵਿਗੜ ਗਈ, ਜਿਸ ਨਾਲ 32 ਜ਼ਿਲ੍ਹਿਆਂ ਵਿੱਚ 55 ਲੱਖ ਲੋਕ ਪ੍ਰਭਾਵਿਤ ਹੋਏ ਤੇ 7 ਹੋਰ ਮਾਰੇ ਗਏ। ਕਾਜ਼ੀਰੰਗਾ ਨੈਸ਼ਨਲ ਪਾਰਕ ਦੇ ਕੁੱਲ 233 ਕੈਂਪਾਂ ਵਿੱਚੋਂ 42 ਹੜ੍ਹ ਦੇ ਪਾਣੀ ਵਿੱਚ ਡੁੱਬ ਗਏ ਹਨ। ਇਹ ਵੀ ਪੜ੍ਹੋ : ਗੰਗਾ ਨਹਾ ਕੇ ਪਰਤ ਰਹੇ ਸ਼ਰਧਾਲੂਆਂ ਦਾ ਵਾਹਨ ਹਾਦਸਾਗ੍ਰਸਤ, 10 ਮੌਤਾਂ ਤੇ 7 ਜ਼ਖ਼ਮੀ