ਈਦ ਪਾਰਟੀ 'ਚ ਸ਼ਹਿਨਾਜ਼ ਗਿੱਲ ਦੀ ਸਲਮਾਨ ਖ਼ਾਨ ਨਾਲ ਨਜ਼ਰ ਆਈ ਕਿਊਟ ਬਾਂਡਿੰਗ

ਮੁੰਬਈ: 'ਪੰਜਾਬ ਦੀ ਕੈਟਰੀਨਾ ਕੈਫ' ਬਣ ਕੇ 'ਬਿੱਗ ਬੌਸ 13' (Bigg Boss 13) ਨਾਲ ਘਰ-ਘਰ ਮਸ਼ਹੂਰ ਹੋਈ ਸ਼ਹਿਨਾਜ਼ ਗਿੱਲ (Shehnaaz Gill) ਜਲਦ ਹੀ ਸਲਮਾਨ ਖਾਨ (Salman Khan)ਨਾਲ ਬਾਲੀਵੁੱਡ 'ਚ ਡੈਬਿਊ ਕਰਨ ਜਾ ਰਹੀ ਹੈ। ਇਸ ਦੇ ਨਾਲ ਹੀ ਅਕਸਰ ਸੁਣਨ ਨੂੰ ਮਿਲਦਾ ਹੈ ਕਿ ਬਾਲੀਵੁੱਡ ਦੇ ਦਬੰਗ ਸਲਮਾਨ ਖ਼ਾਨ (Salman Khan) ਦਾ ਹੱਥ ਜਿਸ 'ਤੇ ਹੁੰਦਾ ਹੈ, ਉਸ ਦੀ ਕਿਸਮਤ ਬਦਲਣ 'ਚ ਦੇਰ ਨਹੀਂ ਲੱਗਦੀ। ਸੁਣਨ 'ਚ ਆਇਆ ਹੈ ਕਿ ਸਲਮਾਨ (Salman Khan) ਨੇ ਆਪਣੀ ਫ਼ਿਲਮ 'ਕਭੀ ਈਦ ਕਭੀ ਦੀਵਾਲੀ' 'ਚ ਸ਼ਹਿਨਾਜ਼ ਗਿੱਲ ਨੂੰ ਇਕ ਰੋਲ ਵੀ ਆਫਰ ਕੀਤਾ ਹੈ। ਇਸ ਗੱਲ 'ਚ ਕਿੰਨੀ ਸੱਚਾਈ ਹੈ ਇਹ ਤਾਂ ਪਤਾ ਨਹੀਂ ਪਰ ਸਲਮਾਨ ਤੇ ਸ਼ਹਿਨਾਜ਼ ਦੀ ਬਾਂਡਿੰਗ ਦੀ ਤਾਜ਼ਾ ਵੀਡੀਓ ਤੁਹਾਨੂੰ ਇਸ ਖ਼ਬਰ 'ਤੇ ਯਕੀਨ ਦਿਵਾਉਣ ਲਈ ਕਾਫੀ ਹੈ। ਹਾਲ ਹੀ 'ਚ ਅਰਪਿਤਾ ਅਤੇ ਆਯੂਸ਼ ਸ਼ਰਮਾ (Arpita-Aayush Sharma Eid Party) ਨੇ ਆਪਣੇ ਘਰ ਈਦ ਪਾਰਟੀ ਦਿੱਤੀ, ਜਿਸ 'ਚ ਸ਼ਹਿਨਾਜ਼ ਵੀ ਪਹੁੰਚੀ ਅਤੇ ਆਪਣੇ ਸਲਮਾਨ 'ਤੇ ਪਿਆਰ ਦੀ ਵਰਖਾ ਕਰਦੀ ਨਜ਼ਰ ਆਈ। ਦੱਸ ਦੇਈਏ ਕਿ ਸ਼ਹਿਨਾਜ਼ ਗਿੱਲ ਇਸ ਈਦ ਪਾਰਟੀ 'ਚ ਕਾਲੇ ਰੰਗ ਦਾ ਖੂਬਸੂਰਤ ਪਟਿਆਲਾ ਸੂਟ ਪਾ ਕੇ ਪਹੁੰਚੀ ਸੀ। ਬੀਤੀ ਰਾਤ ਆਪਣੇ ਲੁੱਕ ਨੂੰ ਪੂਰਾ ਕਰਨ ਲਈ ਸ਼ਹਿਨਾਜ਼ ਗਿੱਲ ਨੇ ਪਰਸ ਕੈਰੀ ਕੀਤਾ ਅਤੇ ਨਾਲ ਹੀ ਖੂਬਸੂਰਤ ਸੈਂਡਲ ਵੀ ਪਾਏ। ਇਸ ਮੌਕੇ ਸ਼ਹਿਨਾਜ਼ ਨੇ ਕੈਮਰੇ ਦੇ ਸਾਹਮਣੇ ਪੋਜ਼ ਵੀ ਦਿੱਤੇ। ਸ਼ਹਿਨਾਜ਼ ਨੂੰ ਪਾਰਟੀ 'ਚ ਦੇਖ ਕੇ ਪ੍ਰਸ਼ੰਸਕਾਂ ਨੇ ਇਹ ਮੰਨ ਲਿਆ ਹੈ ਕਿ 'ਪੰਜਾਬ ਦੀ ਕੈਟਰੀਨਾ ਕੈਫ' ਹੁਣ ਸਲਮਾਨ ਖਾਨ ਦੇ ਪਸੰਦੀਦਾ ਕਲੱਬ 'ਚ ਸ਼ਾਮਲ ਹੋ ਗਈ ਹੈ। ਇਹ ਵੀ ਪੜ੍ਹੋ: India Post Jobs 2022: 10ਵੀਂ ਪਾਸ ਇੱਥੇ ਨੌਕਰੀ ਕਰਨ ਦਾ ਪਾਓ ਸੁਨਹਿਰੀ ਮੌਕਾ ਜਦੋਂ ਸ਼ਹਿਨਾਜ਼ ਬਾਲੀਵੁੱਡ ਦੀ 'ਭਾਈਜਾਨ' ਨੂੰ ਮਿਲੀ ਤਾਂ ਉਹ ਭਾਵਨਾਵਾਂ 'ਤੇ ਕਾਬੂ ਨਾ ਰੱਖ ਸਕੀ ਅਤੇ ਇਕ-ਦੋ ਵਾਰ ਨਹੀਂ ਸਗੋਂ ਕਈ ਵਾਰ ਉਸ ਨੂੰ 'ਜਾਦੂ ਕੀ ਝੱਪੀ' ਦਿੰਦੀ ਨਜ਼ਰ ਆਈ। ਇਸ ਦੌਰਾਨ ਸਲਮਾਨ ਅਤੇ ਸ਼ਹਿਨਾਜ਼ ਦਾ ਇੱਕ ਵੱਖਰਾ ਬੰਧਨ ਦੇਖਣ ਨੂੰ ਮਿਲਿਆ।  ਇਨ੍ਹਾਂ ਤਸਵੀਰਾਂ 'ਚ ਦੋਵੇਂ ਇਕ ਦੂਜੇ ਨਾਲ ਹੱਸਦੇ ਅਤੇ ਗੱਲਬਾਤ ਕਰਦੇ ਨਜ਼ਰ ਆ ਰਹੇ ਹਨ। ਸਲਮਾਨ ਖ਼ਾਨ (Salman Khan) ਖੁਦ ਵੀ ਸ਼ਹਿਨਾਜ਼ ਗਿੱਲ ਨੂੰ ਆਪਣੀ ਕਾਰ 'ਚ ਬਿਠਾਉਣ ਪਹੁੰਚੇ। ਦੋਵਾਂ ਦੀ ਇਸ ਸ਼ਾਨਦਾਰ ਬਾਂਡਿੰਗ ਨੂੰ ਦੇਖ ਫੈਨਜ਼ ਕਾਫੀ ਖੁਸ਼ ਨਜ਼ਰ ਆ ਰਹੇ ਹਨ। -PTC News