Punjab Corona Cases: ਦੇਸ਼ ਵਿੱਚ ਕੋਰੋਨਾ ਵਾਇਰਸ ਦੀ ਰਫ਼ਤਾਰ ਦਿਨੋਂ-ਦਿਨ ਵਧਦੀ ਜਾ ਰਹੀ ਹੈ। ਪੰਜਾਬ ਵਿੱਚ ਪਿਛਲੇ 24 ਘੰਟਿਆਂ ਵਿੱਚ 7,849 ਪਾਜ਼ੀਟਿਵ ਮਾਮਲੇ ਸਾਹਮਣੇ ਆਏ ਹਨ। ਬੁੱਧਵਾਰ ਨੂੰ, ਇੱਕ ਦਿਨ ਵਿੱਚ ਸਭ ਤੋਂ ਵੱਧ 27 ਮਰੀਜ਼ਾਂ ਦੀ ਮੌਤ ਹੋ ਗਈ। ਇਸ ਦੇ ਨਾਲ ਹੀ ਸਕਾਰਾਤਮਕਤਾ ਦਰ ਵੀ 18.94% ਸੀ। ਸਭ ਤੋਂ ਮਾੜੀ ਹਾਲਤ ਲੁਧਿਆਣਾ ਅਤੇ ਮੋਹਾਲੀ ਦੀ ਹੈ। ਬੁੱਧਵਾਰ ਨੂੰ, ਲੁਧਿਆਣਾ ਵਿੱਚ 1,325 ਕੇਸ ਪਾਏ ਗਏ, ਜਦੋਂ ਕਿ ਮੋਹਾਲੀ ਵਿੱਚ 35% ਦੀ ਰਿਕਵਰੀ ਦਰ ਨਾਲ 1,231 ਨਵੇਂ ਮਰੀਜ਼ ਪਾਏ ਗਏ।
ਪੰਜਾਬ ਚੋਣਾਂ ਦਾ ਐਲਾਨ 8 ਜਨਵਰੀ ਨੂੰ ਹੋਇਆ ਸੀ। ਉਸ ਦਿਨ ਸੂਬੇ ਵਿੱਚ 3,643 ਕੋਰੋਨਾ ਪਾਜ਼ੀਟਿਵ ਮਰੀਜ਼ ਪਾਏ ਗਏ ਸਨ। ਇਨ੍ਹਾਂ ਵਿੱਚੋਂ ਸਿਰਫ਼ 369 ਯਾਨੀ ਕਿ 10% ਮਰੀਜ਼ ਠੀਕ ਹੋਏ ਹਨ। 5 ਦਿਨਾਂ ਬਾਅਦ ਯਾਨੀ 13 ਜਨਵਰੀ ਨੂੰ ਰਿਕਵਰੀ ਰੇਟ ਵਧ ਕੇ 38% ਹੋ ਗਿਆ। ਇਸ ਦਿਨ 6,083 ਮਰੀਜ਼ ਪਾਏ ਗਏ, ਜਦੋਂ ਕਿ 2,330 ਠੀਕ ਹੋ ਗਏ। ਹੁਣ 19 ਜਨਵਰੀ ਨੂੰ ਇਹ ਰਿਕਵਰੀ ਦਰ ਵਧ ਕੇ 78% ਹੋ ਗਈ ਹੈ। ਬੁੱਧਵਾਰ 19 ਜਨਵਰੀ ਨੂੰ 7849 ਮਰੀਜ਼ ਪਾਏ ਗਏ ਅਤੇ 6,161 ਮਰੀਜ਼ ਠੀਕ ਹੋ ਗਏ।
ਇਸ ਦਾ ਮਤਲਬ ਹੈ ਕਿ ਹੁਣ 100 ਮਰੀਜ਼ਾਂ ਦੇ ਮੁਕਾਬਲੇ ਰੋਜ਼ਾਨਾ 78 ਮਰੀਜ਼ ਠੀਕ ਹੋ ਰਹੇ ਹਨ। ਇਸ ਦੇ ਉਲਟ, ਕਰੋਨਾ ਨਾਲ 8 ਦਿਨਾਂ ਵਿੱਚ 145 ਮੌਤਾਂ ਨਾਲ, ਯਕੀਨੀ ਤੌਰ 'ਤੇ ਪੂਰੀ ਕਾਰਗੁਜ਼ਾਰੀ ਦਾ ਪਰਦਾਫਾਸ਼ ਹੋ ਰਿਹਾ ਹੈ। ਗੌਰਤਲਬ ਹੈ ਕਿ ਜੇਕਰ ਦੇਸ਼ ਦੀ ਗੱਲ ਕਰੀਏ 'ਤੇ ਪਹਿਲੀ ਵਾਰ, ਭਾਰਤ ਵਿੱਚ ਕੇਸਾਂ ਦੀ ਗਿਣਤੀ 3 ਲੱਖ ਦੇ ਅੰਕੜੇ ਨੂੰ ਪਾਰ ਕਰ ਗਈ ਹੈ। ਦੇਸ਼ ਵਿੱਚ ਪਿਛਲੇ 24 ਘੰਟਿਆਂ 'ਚ ਤਿੰਨ ਲੱਖ 17 ਹਜ਼ਾਰ 532 ਨਵੇਂ ਕੋਵਿਡ-19 ਮਾਮਲੇ ਦਰਜ ਕੀਤੇ ਗਏ, ਜੋ ਇੱਕ ਹਫ਼ਤੇ ਪਹਿਲਾਂ ਨਾਲੋਂ 27% ਵੱਧ ਹੈ। ਇਸ ਦੇ ਨਾਲ ਹੀ 491 ਲੋਕਾਂ ਦੀ ਮੌਤ ਹੋ ਗਈ ਅਤੇ ਹੁਣ ਤੱਕ ਕੋਰੋਨਾ ਦੇ ਓਮੀਕ੍ਰੋਨ ਵੇਰੀਐਂਟ ਦੇ 9287 ਮਾਮਲੇ ਸਾਹਮਣੇ ਆਏ ਹਨ।
ਇੱਥੇ ਪੜ੍ਹੋ ਪੰਜਾਬ ਤੇ ਦੇਸ਼ ਨਾਲ ਜੁੜੀਆਂ ਹੋਰ ਖ਼ਬਰਾਂ:
-PTC News