ਦਸੰਬਰ 'ਚ ਬੰਗਲਾਦੇਸ਼ ਨੂੰ ਬਿਜਲੀ ਸਪਲਾਈ ਸ਼ੁਰੂ ਕਰੇਗਾ ਅਡਾਨੀ ਸਮੂਹ
ਨਵੀਂ ਦਿੱਲੀ, 7 ਸਤੰਬਰ: ਅਰਬਪਤੀ ਕਾਰੋਬਾਰੀ ਗੌਤਮ ਅਡਾਨੀ ਨੇ ਬੰਗਲਾਦੇਸ਼ ਦੀ ਪ੍ਰਧਾਨ ਮੰਤਰੀ ਸ਼ੇਖ ਹਸੀਨਾ ਨਾਲ ਮੁਲਾਕਾਤ ਕਰਕੇ ਉਨ੍ਹਾਂ ਨੂੰ ਭਰੋਸਾ ਦਿਵਾਇਆ ਕਿ ਉਨ੍ਹਾਂ ਦੇ ਸਮੂਹ ਦਾ ਝਾਰਖੰਡ ਕੋਲਾ ਪਾਵਰ ਪਲਾਂਟ 16 ਦਸੰਬਰ ਤੱਕ ਬੰਗਲਾਦੇਸ਼ ਨੂੰ ਬਿਜਲੀ ਸਪਲਾਈ ਕਰਨਾ ਸ਼ੁਰੂ ਕਰ ਦੇਵੇਗਾ, ਜਿਸ ਨੂੰ ਰਾਸ਼ਟਰ ਵੱਲੋਂ ਜਿੱਤ ਦਿਵਸ ਵਜੋਂ ਮਨਾਇਆ ਜਾਵੇਗਾ। ਗੌਤਮ ਅਡਾਨੀ ਦਾ ਕਹਿਣਾ ਕਿ ਅਸੀਂ ਆਪਣੇ 1,600 ਮੈਗਾਵਾਟ ਗੋਡਾ ਪਾਵਰ ਪ੍ਰੋਜੈਕਟ ਨੂੰ ਚਾਲੂ ਕਰਨ ਅਤੇ ਬਿਜੋਏ ਦਿਬੋਸ਼ ਦੁਆਰਾ ਬੰਗਲਾਦੇਸ਼ ਨੂੰ ਟ੍ਰਾਂਸਮਿਸ਼ਨ ਲਾਈਨ ਸਮਰਪਿਤ ਕਰਨ ਲਈ ਵਚਨਬੱਧ ਹਾਂ। ਅਡਾਨੀ ਨੇ ਉਕਤ ਬਿਆਨ ਦੇਰ ਰਾਤ ਹਸੀਨਾ ਨਾਲ ਮੁਲਾਕਾਤ ਤੋਂ ਬਾਅਦ ਇੱਕ ਟਵੀਟ ਰਾਹੀਂ ਦਿੱਤਾ। ਦੱਸਣਯੋਗ ਹੈ ਕਿ ਉਕਤ ਪਲਾਂਟ ਦੀ ਪਹਿਲੀ ਯੂਨਿਟ ਜਨਵਰੀ ਵਿੱਚ ਚਾਲੂ ਕੀਤੀ ਜਾਣੀ ਸੀ ਪਰ ਕੋਵਿਡ-ਪ੍ਰੇਰਿਤ ਰੁਕਾਵਟਾਂ ਨੇ ਇਸਨੂੰ ਅਗਸਤ ਵਿੱਚ ਧੱਕ ਦਿੱਤਾ। ਜਿਸਤੋਂ ਬਾਅਦ ਹੁਣ ਤਾਜ਼ਾ ਸਮਾਂ ਸੀਮਾ 16 ਦਸੰਬਰ ਮਿਥੀ ਗਈ ਹੈ।
ਬੰਗਲਾਦੇਸ਼ ਨੂੰ ਊਰਜਾ ਨਿਰਯਾਤ ਦੀਆਂ ਰਿਪੋਰਟਾਂ ਦੇ ਵਿਚਕਾਰ ਅਡਾਨੀ ਸਮੂਹ ਦੀ ਕੰਪਨੀ ਅਡਾਨੀ ਪਾਵਰ ਦੇ ਸ਼ੇਅਰ ਮੰਗਲਵਾਰ ਨੂੰ ਉਪਰਲੇ ਸਰਕਟ 'ਤੇ ਆ ਗਏ। ਕੰਪਨੀ ਦੇ ਸ਼ੇਅਰ ਪੰਜ ਫੀਸਦੀ ਦੀ ਮਜ਼ਬੂਤੀ ਨਾਲ 410 ਰੁਪਏ ਦੇ ਪੱਧਰ 'ਤੇ ਕਾਰੋਬਾਰ ਕਰਦੇ ਨਜ਼ਰ ਆਏ। ਕੰਪਨੀ ਦਾ ਬਾਜ਼ਾਰ ਪੂੰਜੀਕਰਣ ਲਗਭਗ 1,58,057.36 ਕਰੋੜ ਰੁਪਏ ਹੈ। ਗੌਤਮ ਅਡਾਨੀ ਦੁਨੀਆ ਦੇ ਤੀਜੇ ਸਭ ਤੋਂ ਅਮੀਰ ਵਿਅਕਤੀ ਦੇ ਨਾਲ-ਨਾਲ ਏਸ਼ੀਆ ਦੇ ਸਭ ਤੋਂ ਅਮੀਰ ਅਰਬਪਤੀ ਹਨ। ਬਲੂਮਬਰਗ ਬਿਲੀਨੇਅਰਸ ਇੰਡੈਕਸ ਦੇ ਅਨੁਸਾਰ, ਉਸਦੀ ਕੁੱਲ ਜਾਇਦਾਦ ਲਗਭਗ $141 ਬਿਲੀਅਨ ਹੈ।It is an honour to have met Hon PM of Bangladesh Sheikh Hasina in Delhi. Her vision for Bangladesh is inspirational and stunningly bold. We are committed to commissioning our 1600 MW Godda Power Project and dedicated transmission line to Bangladesh by Bijoy Dibosh, 16 Dec 2022. pic.twitter.com/LySohNBSrV — Gautam Adani (@gautam_adani) September 5, 2022
-PTC News 
